Anna Serial: அடேய் ஏண்டா இப்படி பண்ணீங்க..இது கனவா இருக்க கூடாதா? ரசிகர்களை எமோஷனலாக்கிய அண்ணா சீரியல் - காரணம் என்ன?

கொலை செய்யப்படும் சூடாமணி

ரத்னம் திருமணத்தை நோக்கி இந்த சீரியல் கதைக்களம் நகர்ந்து வந்த நிலையில் சௌந்தரபாண்டி சூழ்ச்சியால் மருதப்பன் சண்முகத்தை குத்த வர சூடாமணி குறுக்கே வந்து கத்தி குத்து வாங்கி உயிரை விட்டு விட்டார். இதனால் ஷண்முகம் குடும்பம் மொத்தமும் சோகத்தில் மூழ்கி விட்டது. நான்கு தங்கைகளும் சண்முகமும் சேர்ந்து சூடாமணியின் இறுதி சடங்குகளை செய்த காட்சிகள் அனைத்தும் ரசிகர்களின் கண்களையும் குளமாக்கியுள்ளது.

ரசிகர்கள் கண்ணீர்

அண்ணா சீரியல் குறித்து வெளியான ப்ரோமோ வீடியோவை பார்த்த ரசிகர்கள் சூடாமணியை ஏண்டா கொன்னீங்க? என்று ஆதங்கத்தை வெளிப்படுத்தி வருகின்றனர். சண்முகமும் அவன் தங்கைகளும் அழும் காட்சிகளை பார்க்கும் கண்கள் கலங்குவதாக கமெண்ட்டுகளில் கண்ணீர் விட்டு வருகின்றனர்.

மேலும் 20 வருஷமா ஜெயிலில் இருந்து பரோலில் வந்த சூடாமணி இனியாவது குடும்பத்தோடு சந்தோசமாக இருப்பது போல் கதையை கொண்டு போய் இருக்கலாம். ஆனால் இப்படி பண்ணிடீங்களே.. சீரியலாக இருந்தாலும் மனசு கஷ்டமா இருக்கு என்று கூறி வருகின்றனர்.

அதுமட்டுமின்றி இந்த சீரியலில் நடித்து வரும் நடிகர்கள் அனைவரும் எதார்த்தமான நடிப்பை கொடுத்து வருவதாவும் பாராட்டி வருகின்றனர்.

செளந்திரபாண்டியன் சூழ்ச்சி

குழந்தைகளை பிரிந்து 20 வருடமாக ஜெயிலில் இருந்து வரும் சூடாமணி செளந்திரபாண்டியன் சூழ்ச்சி காரணமாகவே ஜெயில் தண்டனையும், கெட்ட பெயரையும் பெற்று இருக்கிறாள். பரோலில் வந்திருக்கும் சூடாமணி, தான் எந்த தவறும் செய்யவில்லை எனவும், தான் ஒரு உத்தமி என்பதையும் நிரூபிப்பேன் என சத்தியம் செய்து சௌந்தர பாண்டியிடம் சவால் விடுகிறாள்.

தன் தாய் மீது இருந்த கலங்கத்தை சண்முகம் துடைத்து, சௌந்தர பாண்டியை ஜெயிலுக்கு அனுப்பினான்.

அண்ணா சீரியல்

ஜீ தமிழ் தொலைக்காட்சியில் ஒளிபரப்பாகும் இந்த சீரியல் அதிகப்படியான பார்வையாளர்களை கொண்ட சீரியலாக இருந்து வருகிறது. கடந்த ஆண்டு மே மாதம் முதல் ஒளிபரப்பாகி வரும் இந்த தொடர் 400க்கும் மேற்பட்ட எபிசோடுகளை கடந்துள்ளது.

அண்ணன் - தங்கை பாசத்தை மையப்புள்ளியாக வைத்து இந்த சீரியலின் கதையம்சம் அமைந்துள்ளது. கடந்த சில வாரங்களாக செந்தில் குமார் தங்கைாக வரும் ரத்னா திருமணத்தை மையப்படுத்தி கதை சென்றுகொண்டிருக்கிறது. இந்த சூழ்நிலையில் திடீர் திருப்பமாக ஜெயலில் இருந்து வந்திருக்கும் சூடாமணியின் மரணம் குறித்த ப்ரொமோ விடியோ ரசிகர்களை சோகத்தில் ஆழ்த்தியுள்ளது.

அநேகமாக இன்றைய எபிசோடு சூடாமணி மரணத்தின் பின்னணியில் முழுவதுமாக காண்பிக்கப்படும் என தெரிகிறது. அடுத்து நடக்க போவது என்ன என்பது குறித்து அறிய அண்ணா சீரியலை உங்கள் ஜீ தமிழ் தொலைக்காட்சியில் காண தவறாதீர்கள்.

சமூக வலைத்தளங்களில் எங்களை பின் தொடரலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews

Facebook" https://www.facebook.com/HTTamilNews

You Tube: https://www.youtube.com/@httamil

Google News: https://tamil.hindustantimes.com/