நிமிடத்துக்கு ரூ.1 கோடி சம்பளமா? - 'லெஜெண்ட்' நடிகை ஊர்வசி ரவுதெலாவை வறுத்தெடுக்கும் ரசிகர்கள்!

தொடர்ந்து தெலுங்கு மற்றும் இந்தியில் நடித்து வரும் ஊர்வசி ரவுதெலாவிடம் செய்தியாளர் ஒருவர் சமீபத்தில் ஒரு கேள்வி எழுப்பி இருந்தார். அதாவது, இந்தியாவில் அதிகம் சம்பளம் வாங்கும் நடிகையாக இருக்கிறீர்கள். ஒரு நிமிடத்துக்கு ஒரு கோடி ரூபாய் சம்பளம் வாங்கும் நடிகையாக எப்படி உயர்ந்தீர்கள்? என்று கேள்வி கேட்டிருந்தார்.

இதற்கு பதிலளித்த ஊர்வசி ரவுதெலா, இது நல்ல விஷயம். ஒவ்வொரு நடிகர், நடிகையரும் இப்படிப்பட்ட ஒரு நாளைக் காணத் தான் ஆசைப்படுவார்கள் என்று தெரிவித்திருந்தார். இந்த வீடியோ சமூக வலைதளங்களில் வைரலானது.

இதையடுத்து ஊர்வசி ரவுதெலாவின் பதிலுக்கு நெட்டிசன்கள் பல்வேறு விமர்சனத்தை முன்வைத்து வருகின்றனர். அவரின் பதிலின்படி ஒரு மணி நேரத்தில் ரூ.60 கோடி சம்பாதிக்கிறார். இது எப்படி சாத்தியம்? பொய் சொல்வதற்கு அளவில்லையா? என்று அவரை கடுமையாக விமர்சித்து வருகின்றனர். ‘ஊர்வசியை நான் பாராட்டுகிறேன். அவர் பொய் சொல்வதற்கு கவலைப்படுவதில்லை’ என்று சிலர் தெரிவித்துள்ளனர். இதுபற்றிய மீம்ஸ்களும் வைரலாகி வருகின்றன. 

நடிகை ஊர்வசி தெலுங்கு படம் ஒன்றில் 3 நிமிடம் வரும் பாடலுக்கு டான்ஸ் ஆட ரூ.3 கோடி சம்பளம் கேட்டதாக சில நாட்களுக்கு முன் செய்தி வெளியாகி இருந்தது. ஏற்கனவே, ஊர்வசி ரவுதெலா மும்பை ஜூஹு பகுதியில் ரூ.190 கோடிக்கு பிரமாண்ட சொகுசு பங்களா வாங்கி இருப்பதாக தகவல் வெளியாகி இருந்த நிலையில், தற்போது அவரே ஒரு நிமிடத்திற்கு ரூ. 1 கோடி சம்பளம் வாங்குவதாக கூறியிருப்பது ரசிகர்களை மேலும் வியப்படையச் செய்துள்ளது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், ஆன்மிகம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.