Seetharaman: ‘சீதா ராமன்’ சீரியலில் பிரியங்காவிற்கு பதில் நானா? - முன் வந்து விளக்கம் கொடுத்த ஸ்ரீநிதி!

இந்த திருமணத்திற்கு வர்மா குடும்பம் சம்மதிக்கவில்லை என்பதால், இவர்களது திருமணம் மலேசியா முருகன் கோயிலில் மிகவும் எளிமையாக நடந்தது. இதனை பிரியங்காவே இன்ஸ்டா லைவில் தெரிவித்து இருந்தார். 

வர்மா மலேசியாவில் இருப்பதாலும், சீதா சென்னையில் சீரியலில் நடித்து வந்ததாலும் இருவரும் பார்த்துக்கொள்வதே அரிதாக இருந்தது. இந்த நிலையில் வர்மா கேட்டுக்கொண்டதற்கு இணங்க அவர் சீரியலில் இருந்து விலகி கணவருடன் இருக்க முடிவெடுத்தார்.

அதன் படி சமீபத்தில் அவர் சீதா ராமன் சீரியலில் இருந்து விலகுவதாக அதிகாரப்பூர்வமாக அறிவித்து கடைசி நாள் ஷூட்டிங்கில் பங்கேற்ற போட்டோக்களையும் வெளியிட்டு இருந்தார். அதன் பிறகு இந்த சீரியலில் யார் சீதாவாக நடிக்கப்போவது என்ற எதிர்பார்ப்பு அதிகமாக இருந்து வருகிறது.

இப்படியான நிலையில் கடந்த சில தினங்களாகவே சீதாராமன் சீரியலில் நாயகியாக தெய்வம் தந்த பூவே சீரியலில் நடித்து வரும் ஸ்ரீநிதி நடிக்க போகிறார் என தகவல் பரவி வந்தது. இந்த செய்தி குறித்து தற்போது இன்ஸ்டாகிராம் ஸ்டோரி மூலமாக ஸ்ரீநிதி விளக்கம் அளித்துள்ளார்.

சீதா ராமன் சீரியலில் நான் நடிப்பதாக வெளியான தகவல் உண்மையில்லை, நான் புதிய ப்ராஜெக்ட் ஒப்பந்தமானால் நிச்சயமா அதை தெரிவிப்பேன் என விளக்கம் அளித்துள்ளார்.