அப்போ சமந்தா.. இப்போ இவரா? புஷ்பா 2வில் ஆட்டம் போட்ட நடிகை யார் தெரியுமா? கசிந்த ரகசியம்

கடத்தல் மன்னனான அல்லு அர்ஜூன்

தந்தையால் கைவிடப்பட்ட புஷ்பராஜ் என்ற இளைஞர், கடன் பிரச்சனையால் அவதியுறும் தாயை காப்பாற்ற செம்மரக் கடத்தல் தொழிலில் இறங்கி, பின் அந்தத் தொழிலில் எப்படி பெரிய ஆளாக மாறுகிறார் என்பதும், அவருக்கு எப்படி, யாரால் எல்லாம் பிரச்சனை வருகிறது என்பது தான் கதை. இப்படம் பான் இந்தியா திரைப்படமாக வெளியாகி, அல்லு அர்ஜூனை இந்திய அளவில் பிரபலமாக்கியது.

ஊ சொல்றியா மாமா பாடல்

மிகப்பெரிய பொருட்செலவில் உருவான புஷ்பா படத்திற்கு தேவி ஸ்ரீ பிரசாத் இசையமைத்திருப்பார். அந்தப் படத்தின் பாடல்கள் அனைத்துமே பெரும் ஹிட் அடித்திருந்தாலும், சமந்தா நடனத்தில் வெளியான ஊ சொல்றியா மாமா பாடல் இந்திய அளவில் மட்டும் அல்ல உலகளவிலும் ட்ரெண்ட் ஆனது. அந்தப் பாட்டில் உள்ள வரிகளும், பாடல் படமாக்கப்பட்ட விதமும் பலராலும் பேசப்பட்டது.

திரையுலகில் பீக்கில் இருக்கும் சமந்தா இந்தப் பாடலுக்கு மட்டும் மிகவும் கவர்ச்சியாக நடனமாடியது பல வதந்திகளை உண்டாக்கியது.

பிரச்சனையை சந்தித்த பாடல்

இந்தப் பாடலுக்கு கவர்ச்சியாகவும், மிக நெருக்கமாகவும் சமந்தா நடனமாடியதால் தான் அவருக்கும் அவரது கணவர் குடும்பத்தாருக்கும் இடையே பிரச்சனையை ஏற்படுத்தியது. அதன் காரணமாகவே விவாகரத்து ஏற்பட்டது என பலரும் வதந்திகளை பரப்பி வந்தனர்.

பாஸிட்டிவ்வாகவும், நெகட்டிவ்வாகவும் இந்தப் பாடலை பற்றி பேசி பேசி இது பிளாக் பஸ்டர் வெற்றியை பெற்றது. இதன் துள்ளலான இசை சிறியவர் முதல் பெரியவர் வரை அனைவரையும் ஆட்டம் போட வைத்தது.

புஷ்பா 2

இந்நிலையில் தான், புஷ்பா படம் வரும் டிசம்பர் மாதம் வெளியாகும் என படக்குழு அறிவித்துள்ளது. மேலும், புஷ்பா படத்தைப் போலவே, புஷ்பா 2 படத்திலும் ஒரு ஐட்டம் பாடல் உள்ளதாக படக்குழு தெரிவித்துள்ளது. செம்மரக் கடத்தல்காரரான புஷ்பாவிற்கும், அவரைப் பிடிக்க வந்த போலீஸ் காரருக்கும் இடையே நடக்கும் போராட்டம் தான் புஷ்பா 2 படத்தின் கதை.

சமந்தாவிற்கு பதில் வேறு நடிகை

இந்தக் கதைக்கு நடவே வரும் ஐட்டம் பாடலும், ஊ சொல்றியா மாமா பாடலைப் போல ஹிட் ஆக படக்குழு தீவிரமாக வேலை செய்துள்ளதாம். இந்தப் படத்தில் சமந்தாவிற்கு பதில் வேறொரு பிரபலமான நடிகை தான் நடனமாட உள்ளார் என முன்னதாக அறிவிக்கப்பட்ட நிலையில், தற்போது புஷ்பா 2 படத்தில் நடனமாட இருப்பது நடிகை ஸ்ரீலீலா தான் என்ற அறிவிப்பு வெளியாகியுள்ளது.

இவர் ஏற்கனவே, குண்டூர் காரம் படத்தில் மகேஷ் பாபுவுடன் மடக்கி குத்து பாடலுக்கு நடனமாடி ரசிகர்களை வெகுவாக கவர்ந்திருப்பார். இதனால், ஸ்ரீலீலா இந்தப் படத்திற்கு நடனமாடினால் மக்கள் மத்தியில் நல்ல ரீச் கிடைக்கும் என படக்குழு முடிவு செய்துள்ளதாக தகவல்கள் வெளியாகியுள்ளது.