HBD Manthra: அக்கட தேசத்தின் வரவு! இளசுகளின் நெஞ்சங்களை கவர்ந்த முன்னழகி மந்த்ராவுக்கு பிறந்தநாள்
தமிழ் சினிவாவில் 90ஸ்களின் இறுதியில் ரசிகர்கள் மனதை பெரிதும் கவர்ந்த நாயகியாக இருந்து வந்தவர் மந்த்ரா. அழகான சிரிப்பு, கவர்ச்சியான தோற்றத்தால் ரசிகர்களின் தனக்கென ரசிகர்கள் பட்டாளத்தை உருவாக்கிய ஹீரோயினாக திகழ்ந்தார்.
தமிழ் சினிமாவில் 90ஸ்களின் இறுதியில், இன்னும் தெளிவாக சொல்ல வேண்டுமானால் அஜித், விஜய் வளர்ந்து வரும் இளம் கதாநாயகர்களாக இருந்தபோது அவர்களது ஹிட் படத்தில் நடித்து நன்கு அறியப்பட்டவர் மந்த்ரா. அழகான சிரிப்பை கொண்டிருக்கும் நடிகையாக இருந்து வந்த இவருக்கு கோலிவுட் ரசிகர்கள் வைத்த இன்னொரு பெயர் முன்னழகி. அதற்கு ஏற்றார் போல் சிக்கென உடல் அமைப்புடன் இருந்து வந்தார் மந்த்ரா.
ஆந்திரா மாநிலம் மேற்கு கோதாவரி மாவட்டத்தை சேர்ந்த மந்த்ராவின் ஓரிஜினல் பெயர் விஜயா. பின்னர் இவரது பெயர் ராசி என மாற்றி தெலுங்கு படங்களில் ஹீரோயினாக நடித்தார்.
தெலுங்கில் விஜயா என்ற பெயரில் குழந்தை நட்சத்திரமாக அறிமுகமான இவர் தொடர்ந்து தெலுங்கு படங்களில் நடித்து வந்துள்ளார். மலையாளத்திலும் குழந்தை நட்சத்திரமாக ஒரு படத்தில் நடித்துள்ளார்.
தமிழில் மந்த்ரா என்ற பெயரில் அருண் விஜய் ஜோடியாக ப்ரியம் படத்தில் அறிமுகமானார். விரல் விட்டு எண்ணும் அளவில் தான் தமிழ் படங்களில் இவர் ஹீரோயினாக நடித்திருந்தாலும், ரசிகர்களின் மனதை கவர்ந்த நாயகியாக வலம் வந்தார். கோலிவுட்டில் உச்ச நடிகர்களாக இருந்து வரும் அஜித் - விஜய் ஆகியோர் இளம் ஹீரோக்களாக இருந்த காலகட்டத்தில் அவர்களுடன் இணைந்து நடித்துள்ளார். விஜய்யுடன் லவ் டுடே, அஜித்துடன் ரெட்டை ஜடை வயசு படங்களில் நடித்த மந்த்ரா, 90ஸ்களில் தமிழ் சினிமாவில் டாப் ஹீரோக்களாக இருந்த விஜயகாந்த், கார்த்திக், பிரபு, சத்யராஜ் ஆகியோருடனும் ஜோடி சேர்ந்து நடித்துள்ளார்.
கவர்ச்சியில் எந்த குறையும் வைக்காத நடிகையாக இருந்து வந்த இவருக்கு தனி ரசிகர்கள் பட்டாளமே உருவானது. செல்போன்கள் இல்லாத அந்த காலகட்டத்தில் பொங்கல் போன்ற திருவிழா காலங்களில் வாழ்த்து அட்டைகள் பரிமாறிக்கொள்ளும் பழக்கம் இருந்து வந்தது. அப்போது மந்த்ராவின் புகைப்படங்களுடன் கூடிய வாழ்த்து அட்டைகள் அமோகமாக விற்பனை செய்யும் விதமாக அவரது புகைப்படத்துடன் கூடிய அட்டைகள் தங்களுக்கு பிரியமானவர்களுக்கு பலரும் வாழ்த்துகளை பரிமாறி கொண்டனர். ஆனால் என்னவோ தமிழ் சினிமாவில் வளர்ந்து வந்த வேகத்திலேயே தாய்மொழியான தெலுங்கில் வாய்ப்புகள் குவிந்த காரணத்தால் அந்த பக்கம் ஒதுங்கினார்.
அவ்வப்போது இடைவெளி விட்டு விட்டு சில தமிழ் படங்களில் நடித்து வந்தார் மந்த்ரா. அஜித்துடன் ரெட்டை ஜடை வயசு படத்தில் ஜோடியாக நடித்து அற்புதமான கெமிஸ்ட்ரியை வெளிப்படுத்தியிருப்பார் மந்த்ரா. இந்த படம் வெளியான காலகட்டத்தில் அஜித் - மந்த்ரா ஜோடியை க்யூட் பேர் என்று ரசிகர்கள் அழைக்கவும் செய்தார்கள்.
மந்த்ரா ஹீரோயினாக நடித்து வந்த நேரத்தில் தான் சிம்ரன், ஜோதிகா போன்ற நடிகைகளின் வரவு இருந்தது. இதனால் மார்க்கெட் இல்லாமல் தவித்து வந்த அவர், தனக்கு ஜோடியாக நடித்த அஜித்தின் ராஜா என்ற படத்தில் ஐட்டம் டான்ஸ் ஆடினார்.
2005இல் திருமணம் செய்து கொண்ட மந்த்ரா, திருமணத்துக்கு பிறகு நடிப்பிலிருந்து சில காலம் ஒதுங்கியிருந்தார். பின்னர் 2013இல் கேரக்டர் ரோல்களின் மூலம் கம்பேக் கொடுத்தார். தனது ரீஎன்ட்ரியில் நெகடிவான கதாபாத்திரங்களிலும் தோன்றி கவனத்தை ஈர்த்தார்.
தமிழில் மீண்டும் ஒன்பது குரு என்ற படத்தில் நடித்த மந்த்ரா, பின்னர் சிம்புவுடன் இணைந்த வாலு படத்திலும், ஜீவாவுடன் இணைந்து கவலை வேண்டாம் என்ற படத்திலும் நடித்தார். கடைசியாக 2017இல் வெளியான லங்கா என்ற தெலுங்கு படத்தில் நடித்தார். அதன் பிறகு டிவி சீரியல் பக்கம் ஒதுங்கியிருக்கும் மந்த்ரா, தற்போது ஸ்டார் மா தொலைக்காட்சியில் ஒளிப்பரப்பாகி வரும் ஜானகி கலகனலேடு என்ற தெலுங்கு சீரியலில் நடித்து வருகிறார்.
தெலுங்கு, தமிழ் தவிர மலையாளம், கன்னடம், இந்தி மொழி என 50க்கும் மேற்பட்ட படங்களில் நடித்துள்ளார். ஹீரோயினாக இருந்தபோது இளசுகளின் நெஞ்சத்தை தனது அழகான சிரிப்பாலும், கவர்ச்சியான தோற்றத்தாலும் கவர்ந்த நடிகையாக இருந்து வந்த மந்த்ரா இன்று தனது 43வது பிறந்தநாளை கொண்டாடுகிறார்.
டாபிக்ஸ்