Dushara Vijayan: ‘கழுவேத்தி மூர்க்கன்’ கவிதா என் மனதிற்கு நெருக்கமானவள்' -துஷாரா விஜயன் பேட்டி!
‘கழுவேத்தி மூர்க்கன்' படத்தில் நடித்தது பற்றி நடிகை துஷாரா விஜயன் பகிர்ந்து இருக்கிறார்.
'சார்பட்டா பரம்பரை' மற்றும் 'நட்சத்திரம் நகர்கிறது' போன்ற படங்களில் நடித்து கவனம் ஈர்த்தவர் நடிகை துஷாரா விஜயன். இந்த நிலையில் இன்று (மே 26, 2023) அருள்நிதி ஜோடியாக அவர் நடித்து வெளியாகி இருக்கும் திரைப்படம் ‘கழுவேத்தி மூர்க்கன்'. இந்தப் படத்தில் தனது கதாபாத்திரம் மற்றும் அணியுடன் பணிபுரிந்த அனுபவங்கள் குறித்து மனம் திறந்து பேசியிருக்கிறார்.
இது குறித்து நடிகை துஷாரா விஜயன் கூறும்போது, “எனது படங்கள் தேர்வு குறித்து எப்போதுமே நான் கவனமாக இருப்பேன். அதில் என்னுடைய கதாபாத்திரம் எளிதில் என்னுடன் கனெக்ட் ஆக வேண்டும்.
'கழுவேத்தி மூர்க்கன்' கவிதா என் மனதிற்கு நெருக்கமாக உணர்ந்த ஒரு பாத்திரம். திண்டுக்கல்லில் உள்ள ஒரு வழக்கமான கிராமத்து பெண். நான் அதே பின்னணியில் இருந்து வந்ததால், இந்த கேரக்டரை செய்வது எளிதாக இருந்தது. அவள் அப்பாவித்தனம் கொண்ட ஒரு பெண். இந்தத் திரைப்படத்திற்குப் பிறகும் பார்வையாளர்கள் அவளை நினைவில் வைத்திருப்பார்கள் என்று நான் நம்புகிறேன்" என்றார்.
நடிகர் அருள்நிதியுடன் பணிபுரிந்த அனுபவத்தைப் பகிர்ந்து கொண்ட அவர், “அருள்நிதி சார் ஒரு அர்ப்பணிப்புள்ள நடிகர் சிறந்த நடிப்பைக் கொடுத்துள்ளார். பொதுவாக, அவரது படங்களில் காதல் காட்சிகள் பெரிதாக இருக்காது.
ஆனால், இந்தப் படத்தில் எனக்கும் அருள்நிதி சாருக்கும் இடையிலான சில அழகான காட்சிகளை இயக்குநர் கௌதம ராஜ் சார் கொடுத்துள்ளார்" என்றார்.
‘கழுவேத்தி மூர்க்கன்’ திரைப்படத்தில் அருள்நிதி மற்றும் துஷாரா விஜயனுடன் இணைந்து சந்தோஷ் பிரதாப், சாயா தேவி, முனிஷ்காந்த், சரத்லோகித் சாவா, ராஜ சிம்மன், யார் கண்ணன் மற்றும் பலர் முக்கிய கதாபாத்திரங்களில் நடித்துள்ளனர்.
டாபிக்ஸ்