Vijay: ‘விஜய் கருப்பா இருப்பார்;இவன் கூடல்லாம் நடிக்கணும்மான்னு.. தலையெழுத்துன்னு அடிச்சிக்கிட்டேன்’ - நடிகை பாலாம்பிகா!
Vijay: உண்மையில் நாளைய தீர்ப்பு படத்தில் நான் நடித்திருக்கலாம். ஆனால் எனக்குதான் அது கொடுத்து வைக்கவில்லை. பிராப்தம் என்ற ஒன்று இருக்கிறது. அது எனக்கு இல்லை என்று நான் நினைக்கிறேன். -நடிகை பாலாம்பிகா!
நாளையத்தீர்ப்பு படத்தில் விஜயுடன் நடிக்கும் வாய்ப்பு மிஸ்ஸானது குறித்து பிரபல நடிகையான பாலாம்பிகா வாவ் தமிழா சேனலுக்கு அண்மையில் அளித்த பேட்டியில் பேசி இருக்கிறார்.
எனக்கு கொடுத்து வைக்க வில்லை
இது குறித்து அவர் பேசும் போது, “உண்மையில் நாளைய தீர்ப்பு படத்தில் நான் நடித்திருக்கலாம். ஆனால் எனக்குதான் அது கொடுத்து வைக்கவில்லை. பிராப்தம் என்ற ஒன்று இருக்கிறது. அது எனக்கு இல்லை என்று நான் நினைக்கிறேன். அதே நேரத்தில், சில விஷயங்களில், எல்லாவற்றிற்கும் நாம் ஒத்துச்சென்றும் செல்ல முடியாது.
ஆனால், இப்போது நான் நினைத்துப் பார்க்கிறேன். அந்தப்படத்தில் நடித்திருக்கலாம் என்று. ‘நாளைய தீர்ப்பு’ படத்தில் விஜயுடன் நான் நடித்திருந்தால், இன்று என்னுடைய பெயர் உலகம் முழுக்க தெரிந்து இருக்கும். உண்மையில் அந்த படம் எனக்கு உறுதியாகிவிட்டது. ஹாஃப் சாரியில் விஜயின் அப்பாவான எஸ் ஏசி சார் ஆடிஷனுக்காக என்னை அலுவலகத்திற்கு வரச் சொன்னார்.
விஜய் கருப்பாகத்தான் இருந்தார்
அவரின் படம் எனக்கு கிடைத்துவிட்டது என்றவுடன் எனக்கு உள்ளூர மிகப் பெரிய சந்தோஷம் வந்து விட்டது. இதையடுத்து நான் அவரை சென்று பார்த்தேன். அப்போது அவர் அங்கு விஜயை வரவழைத்து, முதன்முறையாக, இவர் தான் என்னுடைய மகன். படத்தின் ஹீரோ என்றார். அப்போது நான் மிகவும் வெள்ளையாக அழகாக,க்யூட்டாக இருப்பேன்.
அப்படி இருந்த எனக்கு, விஜயை பார்த்த பொழுது, நமக்கு இவன் ஜோடியா என்று நினைத்தேன். இருப்பினும், பரவாயில்லை, எஸ் ஏ சி சார் படத்தில் நடிக்கிறோம் அல்லவா? அது போதும் என்று நினைத்துக்கொண்டேன். அப்போது விஜய் அவ்வளவு அழகெல்லாம் கிடையாது. ஃபங்கு வைத்திருப்பார் இப்போது போல அவர் கலர் கிடையாது. கருப்பாக, ஒரு மாதிரி மாநிறமாகத்தான் இருப்பார்.
எனக்குள் நான், இவர் உடனெல்லாம் நடிக்க வேண்டுமா..? தலை எழுத்து என்று நான் நினைத்துக் கொண்டேன். ஆனால் இப்போது நான் வருத்தப்படுகிறேன் நாம் அவருடன் நடித்திருந்திருக்கலாமோ என்று நினைக்கிறேன். சில காரணங்களால் நான் அந்த படத்தில் என்னால் நடிக்க முடியாமல் போய்விட்டது.” என்று பேசினார்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
தொடர்புடையை செய்திகள்
டாபிக்ஸ்