Actor Vijay vs Thadi Balaji: ‘பெரிய மனசு வேணும்’.. நடிகர் விஜய்க்கு தாடி பாலாஜி புகழாரம்!
நடிகர் தாடி பாலாஜி வீடியோ ஒன்றை வெளியிட்டு நடிகர் விஜய்க்கு புகழாரம் சூட்டியுள்ளார்.
தமிழகத்தில் 2023- ஆம் ஆண்டு நடைபெற்ற 10 மற்றும் 12ஆம் வகுப்பு தேர்வுகளில் தொகுதி வாரியாக முதல் மூன்று இடங்களை பிடித்த மாணவ-மாணவிகளை நடிகர் விஜய் நேரில் அழைத்து சான்றிதழ் மற்றும் ஊக்கத்தொகை வழங்கினார். இதற்கான நிகழ்ச்சி நீலாங்கரையில் ஆர்.கே.கன்வென்ஷன் சென்டரில் இன்று நடைபெற்றது.
இந்த விழாவில் சுமார் 1500 மாணவ, மாணவிகள் மற்றும் அவர்களின் பெற்றோர்கள் கலந்து கொண்டனர். ஒவ்வொரு மாணவ, மாணவியருக்கும் சால்வை அணிவித்து தனித்தனியாக சான்றிதழ் வழங்கி நடிகர் விஜய் பாராட்டு தெரிவித்தார். அதேசமயம் பொருளாதாரத்தில் பின்தங்கிய நிலையில் கல்வி பயின்று அதிக மதிப்பெண்கள் எடுத்த மாணவ மாணவிகளுக்கும் நடிகர் விஜய் ஊக்கத்தொகை வழங்கினார்.
மேலும், 12 ஆம் வகுப்பு பொதுத் தேர்வில் 600க்கு 600 மதிப்பெண்களைப் பெற்று மாநில அளவில் முதலிடம் பிடித்து புதிய சாதனை படைத்த திண்டுக்கல் அண்ணாமலையார் பள்ளியைச் சேர்ந்த மாணவி நந்தினிக்கு வைர நெக்லஸை நடிகர் விஜய் பரிசாக வழங்கினார். வைர நெக்லஸை மாணவியின் தாயாரிடம் கொடுத்து, அதனை அணிவிக்க செய்து பார்த்தார். அந்த பரிசைப் பெற்றுக்கொண்ட நந்தினி கண்ணீர் மல்க விஜய்-க்கு நன்றி தெரிவித்தார்.
இது தொடர்பாக நடிகர் தாடி பாலாஜி வீடியோ ஒன்றை வெளியிட்டு நடிகர் விஜய்க்கு புகழாரம் சூட்டியுள்ளார். அந்த வீடியோவில் தாடி பாலாஜி கூறியிருப்பதாவது: "அனைவருக்கும் வணக்கம்.. இன்று காலை நான் ஒரு விஷயம் கேள்விபட்டேன். பிளஸ் 2 தேர்வில் 600-க்கு 600 மதிப்பெண் எடுத்த திண்டுக்கல் மாணவி நந்தினிக்கு தளபதி விஜய் ஒரு பரிசு வழங்கி இருக்கிறார். இதற்கு பெரிய மனது வேணும்..ஒருத்தவங்களுக்கு பாராட்டுவதற்கு பெரிய மனசு வேணும். அவர்களுக்கு செய்வதற்கு இன்னும் மிகப்பெரிய மனசு வேணும். அந்த வகையில் தளபதி விஜய்க்கு எனது பாராட்டுக்களையும் நன்றியையும் தெரிவித்துக்கொள்கிறேன். இன்னும் நீங்க நிறைய செய்யணும்.. நீங்கள் இன்னும் உச்சத்தில் இருக்க வேண்டும் என்று பிரார்த்தனை செய்கிறேன்." இவ்வாறு அந்த வீடியோவில் அவர் பேசியிருக்கிறார்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
டாபிக்ஸ்