இந்தியாவுக்கு எதுக்குடா வந்தீங்க? வெளியானது சசிகுமாரின் ஃபிரீடம் பட கிளிம்ப்ஸ் வீடியோ! ஈழம் குறித்த கதையா?

இதனைத் தொடர்ந்து இயக்குநர் ராஜு முருகன் மற்றும் ஒரு அறிமுக இயக்குநர் இயக்கத்தில் நடித்து வருகிறார். தற்போது நீண்ட நாட்களாக படப்பிடிப்பில் இருந்த ஃபிரீடம் படத்தின் பர்ஸ்ட் லுக் போஸ்டர் வெளியான நிலையில் இன்று படத்தின் கிளிம்ப்ஸ் வீடியோ வெளியிடப்பட்டுள்ளது. இப்படத்தினை விஜயா கணபதி ஃபிக்சர்ஸ் தயாரித்துள்ளது.

ஈழத்தின் கதையா?

ஃபிரீடம் படத்தின் கதை உண்மை சம்பவங்களை அடிப்படையாக வைத்து எடுக்கப்பட்டுள்ளதாக கூறப்படுகிறது. இலங்கையில் நடந்த போரினால் தமிழ்நாட்டிற்கு தப்பி வரும் தமிழர்களின் உண்மையான வாழ்வியலை மையமாக கொண்டு இந்தப் படம் உருவாகியுள்ளது. மேலும் குண்டு வெடிப்பில் பலியான முன்னாள் பிரதமர் ராஜீவ் காந்தியின் மரணத்தால் அப்போது தமிழ்நாட்டிலிருந்த இலங்கைத் தமிழர்கள் எதிர்கொண்ட பிரச்னைகளைப் பேசும் படமாக இது உருவாகியுள்ளது.

படத்தின் கிளிம்ப்ஸ் வீடியோவில் ஒரு சில காட்சிகளின் அடிப்படையில் பல ஆண்டுகள் சிறையில் இருந்து சமீபத்தில் விடுதலையான பேரறிவாளன் உட்பட எழுவர் குறித்த கதையாக இருக்கலாம் என சமூக வலைத்தளங்களில் பேச்சு எழுந்துள்ளது. மேலும் ஈழம் குறித்தான கதையம்சம் கொண்ட படங்களை உருவாக்க விரும்பிய இயக்குனர் மற்றும் சசிக்குமாருக்கு பாராட்டுக்கள் குவிந்த வண்ணம் உள்ளன.