Actor Sarath Babu: சரத்பாபு உடலுக்கு அஞ்சலி செலுத்த ஏற்பாடு; அடக்கம் எத்தனை மணிக்கு? - முகவரியோடு முழு விபரம்!
சரத்பாபுவின் உடல் இன்று அடக்கம் செய்யப்பட இருக்கிறது.
தமிழ் மற்றும் தெலுங்கு திரையுலகில் முன்னணி நடிகராக வலம் வந்தவர் நடிகர் சரத்பாபு. தமிழ் திரைத்துறையின் மறைந்த இயக்குநர் பாலச்சந்தர் இயக்கிய ‘பட்டினப்பிரவேசம்’ திரைப்படத்தின் மூலம் 1971 ஆம் ஆண்டு தமிழ் சினிமாவில் அறிமுகமான இவர், சுமார் 40 ஆண்டுகளுக்கும் மேலாக சினிமாவில் பயணம் செய்து இவர் 200 க்கும் மேற்பட்ட திரைப்படங்களில் நடித்து உள்ளார்.
நடிகர் ரஜினிகாந்த்துக்கு மிகப்பெரிய வெற்றி படமாக அமைந்த ‘அண்ணாமலை’ திரைப்படத்தில் அவருக்கு நண்பனாக நடித்து பிரபலமானார். ‘முத்து’ திரைப்படத்திலும் ரஜினிகாந்த்துக்கு எஜமானாக நடித்திருப்பார். இது போன்ற ஹிட் படங்கள் இவருக்கு மிகப்பெரிய புகழைத் தேடித் தந்தது. தமிழ் தெலுங்கு மட்டுமின்றி கன்னடா, மலையாளம், ஹிந்தி உள்ளிட்ட மொழிகளிலும் பல படங்களில் இவர் நடித்துள்ளார்.
90களில் சூப்பர் ஸ்டாராக இருந்த ரஜினிகாந்த் மற்றும் சிரஞ்சீவியுடன் சரத்பாபு நடித்த படங்கள் மிகப்பெரிய வெற்றியைப் பெற்றன என்பது குறிப்பிடத்தக்கது. சினிமா மட்டுமின்றி தொலைக்காட்சி தொடர்களிலும் இவர் நடித்துள்ளார்.
கடந்த சில மாதங்களாக உடல் நலக்குறைவு காரணமாக அவதிப்பட்டு வந்த அவர் ஹைதராபாத்தில் உள்ள மருத்துவமனையில் சிகிச்சைப் பெற்று வந்தார். இந்த நிலையில் அவர் இறந்து விட்டதாக தகவல் பரவியது.
இதற்கு அவரது குடும்பத்தினர் சார்பில் மறுப்பு தெரிவிக்கப்பட்டது. இந்த நிலையில் அவர் நேற்று சிகிச்சை பலன்றி உயிரிழந்தார். அவரது குடும்பத்தினருக்கு ரஜினிகாந்த் தொடங்கி தமிழக முதல்வர் உட்பட பலரும் இரங்கல் தெரிவித்தனர்.
அவரது உடலுக்கு சென்னை டி நகரில் உள்ள அவரது இல்லத்தில் இன்று காலை 9.30 மணியிலிருந்து அஞ்சலி செலுத்த ஏற்பாடு செய்யப்பட்டுள்ளது. சுமார் 2 மணியளவில் அவரது உடல் கிண்டியில் இண்டஸ்ட்ரியல் எஸ்டேட்டில் உள்ள இடுகாட்டில் அடக்கம் செய்யப்பட உள்ளது.
முகவரி:
Old No. 4/1
New No. 11
Vaidyaraman Street,
T Nagar, Chennai (Near BJP office)
டாபிக்ஸ்