Actor Santhanam: சந்தானம் நடிக்கும் 80ஸ் பில்டப்.. நாயகியாக சீரியல் நடிகை!

காமெடி நடிகராக உச்சம் தொட்டவர், நடிகர் சந்தானம். 'கண்ணா லட்டு தின்ன ஆசையா' படத்தின் மூலம் தமிழ்த்திரைப்படங்களில் ஹீரோவாக நடித்து வருகிறார். இந்நிலையில் நடிகர் சமீபத்தில் குலேபகாவலி, ஜாக்பாட் ஆகியப் படங்களை இயக்கிய கல்யாண் இயக்கத்தில் புதிய படத்தில் நடிக்க கமிட் ஆனார். வெறும் 18 நாட்களில் இப்படத்தின் படப்பிடிப்பை சரியாகத் திட்டமிட்டு இயக்கியிருக்கிறார், படத்தின் இயக்குநர் கல்யாண். இப்படத்தை ஸ்டுடியோ கிரீன் நிறுவனம் தயாரித்துள்ளது. இப்படத்தில் நடிகர் சந்தானத்துக்கு ஜோடியாக, சன் டிவியில் ஒளிபரப்பான ’பூவே உனக்காக’ சீரியலில் அசீமுக்கு ஜோடியாக நடித்த பிரீத்தி ராதிகா கதாநாயகியாக தோன்றியுள்ளார்.

மேலும் இயக்குநர் கே.எஸ்.ரவிக்குமார், ஆனந்த் ராஜ், மன்சூர் அலிகான், முனீஷ் காந்த், ரெட்டின் கிங்ஸ்லி, தங்கதுரை ஆகியோர் படத்தின் பிற கதாபாத்திரங்களில் நடித்துள்ளனர். படத்திற்கான இசையினை ஜிப்ரான் மேற்கொண்டுள்ளார். 80களில் நடந்த அட்ராசிட்டிகளை காமெடி கலந்து சொல்லும் படமாக, இது உருவாகியுள்ளதால், இப்படத்திற்கு, ‘80ஸ் பில்டப்’ என்னும் தலைப்பினை வைத்து, ஃபர்ஸ்ட் லுக் போஸ்டரை வெளியிட்டுள்ளது, படக்குழு.

இந்நிலையில் இப்படம் குறித்து தனது எக்ஸ் சமூக வலைத்தளத்தில் பதிவிட்டுள்ள நடிகர் சந்தானம், 'விலா எலும்பைத் தூண்டும் விதமாக கேளிக்கை மற்றும் சிரிப்பினைக் கொண்ட ரோலர்கோஸ்டர் சவாரி தொடங்க உள்ளது’என வார்த்தைகளைப் பதிந்து படத்தின் ஃபர்ஸ்ட் லுக் போஸ்டரை வெளியிட்டுள்ளது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil  

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், ஆன்மிகம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில்