Narain: 14 ஆண்டுகளுக்கு பிறகு அப்பாவான நரேன்
நடிகர் நரேனுக்கு 14 ஆண்டுகள் கழித்து ஆண் குழந்தை பிறந்துள்ளது.
மலையாள நடிகரான நரேன், கடந்த 2006 ஆம் ஆண்டு மிஷ்கின் இயக்கத்தில் வெளியான சித்திரம் பேசுதடி திரைப்படத்தின் மூலம் தமிழ் திரையுலகில் எண்ட்ரி கொடுத்தார் நரேன்.
இதனையடுத்து அஞ்சாதே, முகமூடி, பள்ளிக்கூடம் கைதி, விக்ரம் ஆகிய வெற்றி படங்களில் நடித்தவர் .
பின்னர் சில ஆண்டுகள் தமிழ் படங்களில் நடிக்காமல் மலையாள படங்களில் மட்டும் கவனம் செலுத்தி வந்த இவர் கத்துக்குட்டி படம் மூலம் மீண்டும் தமிழ் திரையுலகில் ரீ-எண்ட்ரி கொடுத்தார்.
இவர் கடைசியாக லோகேஷ் கனகராஜ் இயக்கத்தில் வெளியான விக்ரம் படத்தில் போலீஸ் அதிகாரியாக நடித்து இருந்தார்.
நடிகர் நரேன், கடந்த 2007 ஆம் ஆண்டு மஞ்சு என்பவரை திருமணம் செய்து கொண்டார். இவர்களுக்கு தன்மையா என்ற மகள் 2008 ஆம் ஆண்டு பிறந்தார்.
சில நாட்களுக்கு முன் சமூக வலைத்தளங்களில் தனது மனைவி இரண்டாவது முறையாக கர்ப்பமாக இருப்பதாக நரேன் அறிவித்தார்.
இந்நிலையில் நடிகர் நரேன் மற்றும் மஞ்சு தம்பதியருக்கு 14 ஆண்டுகள் கழித்து ஆண் குழந்தை பிறந்துள்ளது.
குழந்தையின் கையை பிடித்திருக்கும் புகைப்படத்தை பகிர்ந்து நரேன் இந்த தகவலை பகிர்ந்துள்ளார். நரேன், மஞ்சு தம்பதியருக்கு ரசிகர்கள் மற்றும் திரையுலகினர் வாழ்த்து கூறி வருகின்றனர்.
டாபிக்ஸ்