HBD Narain: மிஷ்கின் மூலம் அறிமுகம்.. கொடிக்கட்டி பறந்த நரேன்
நடிகர் நரேன் இன்று தனது பிறந்தநாளை கொண்டாடி வருகிறார்.
நடிகர் நரேன் தமிழில் இயக்குநர் மிஷ்கினின் இயக்கத்தில் வெளிவந்த, சித்திரம் பேசுதடி திரைப்படத்தின் மூலம் கதாநாயகனாக அறிமுகமானார். அதில் ரவுடி தனமான கதாபாத்திரத்தி நடித்து இருப்பார். அதனைத் தொடர்ந்து பள்ளிக்கூடம், அஞ்சாதே, நெஞ்சிருக்கும் வரை போன்ற படங்களில் வரிசையாக நடித்தார்.
அதன் பிறகு ஹீரோவாக நடித்து வந்த நரேன் வில்லனாக மிஷ்கின் இயக்கத்தில் வெளியான முகமூடி படத்தில் நடித்தார். இயக்குனர் லோகேஷ் கனகராஜ் இயக்கத்தில் நடிகர் கார்த்தி நடித்து வெளிவந்து சூப்பர் ஹிட்டான கைதி திரைப்படத்தில் இன்ஸ்பெக்டர் பிஜாய் எனும் கதாபாத்திரத்தில் நடித்தார்.
தொடர்ந்து இயக்குனர் சுசீந்திரன் இயக்கத்தில் வெளிவந்த சாம்பியன் படத்திலும் முன்னணி கதாபாத்திரத்தில் நடித்திருந்தார். கடைசியாக மீண்டும் இயக்குனர் லோகேஷ் கனகராஜ் இயக்கத்தில் உலகநாயகன் கமல் ஹாசன், விஜய் சேதுபதி, ஃபகத் பாசில் உள்ளிட்ட பலர் நடித்து வெளிவந்து பிளாக்பஸ்டர் ஹிட்டான விக்ரம் திரைப்படத்திலும் பிஜாய் கதாபாத்திரத்தில் நடித்தார். மலையாளத்தில் பல படங்களில் நடித்துள்ளார்.
நரேன் பிரபல தொலைக்காட்சி தொகுப்பாளர் மஞ்சு ஹரிதாஸ் என்பவரை கடந்த 2007 ஆம் ஆண்டு திருமணம் செய்து கொண்டார்.இவர்களுக்கு 14 வயதில் தன்மயா என்ற பெண் குழந்தை உள்ளது.
இவர்களுக்கு இரண்டாவது குழந்தையாக அழகிய ஆண் குழந்தை தற்போது பிறந்துள்ளது. இவருக்கு திருமணமாகி 15 வருடங்கள் கழித்து தான் இரண்டாம் குழந்தை பிறந்துள்ளது.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.
டாபிக்ஸ்