Shaktimaan: 300 கோடி பட்ஜெட்டில் உலகத் தரத்தில் தயாராகும் சக்திமான் - நடிகர் முகேஷ் கண்ணா
300 கோடி ரூபாய் வரையிலான பட்ஜெட்டில் சக்திமான் திரைப்படம் உருவாக உள்ளதாக நடிகர் முகேஷ் கண்ணா தெரிவித்துள்ளார்.
தற்போது பல சூப்பர் ஹீரோக்கள் தொடர்களாகவும், படங்களாகவும் எடுக்கப்பட்டு வருகின்றன. தற்போது உள்ள இளைஞர்களுக்கு விருப்பத்திற்கு ஏற்றார் போலப் பல சூப்பர் ஹீரோக்கள் உள்ளனர். ஆனால் இந்தியாவைப் பொறுத்தவரை முதல் சூப்பர் ஹீரோ சக்திமான் தான்.
90களில் பிறந்தவர்களுக்கு மிகவும் பிடித்த சூப்பர் ஹீரோ என்றால் அது சக்திமான் தான். டிடி சேனலில் வெளியிடப்பட்ட முதல் சூப்பர் ஹீரோ தொடர் இந்த சக்திமான். மிகப்பெரிய ஹிட் அடித்த தொடர்களில் இதுவும் ஒன்று. இன்றுவரை 90களில் பிறந்தவர்களுக்கு சூப்பர் ஹீரோ இவர் தான்.
தற்போது சக்திமான் தொடர் 200 கோடி ரூபாய் முதல் 300 கோடி ரூபாய் வரையிலான பட்ஜெட்டு திரைப்படமாக உருவாக ஒப்பந்தம் கையெழுத்தாகியுள்ளதாக அந்த தொடரில் நடித்த நடிகர் முகேஷ் கண்ணா தெரிவித்துள்ளார்.
இது குறித்து அவர் கூறுகையில், சக்திமான் தொடர் திரைப்படமாக உருவாக ஒப்பந்தம் கையெழுத்து ஆகிவிட்டது. அதிகபட்சம் 300 கோடி பட்ஜெட்டில் சர்வதேச தரத்தில் sony பிக்சர்ஸ் நிறுவனம் இந்த படத்தைத் தயாரிக்க உள்ளது. கொரோனா தொற்று காரணமாகத் திரைப்படம் தொடங்குவதில் தாமதம் ஏற்பட்டது.
குறிப்பாக ஒன்று சொல்ல வேண்டும். இந்த படத்தில் நான் சக்திமான் கதாபாத்திரத்தில் நடிக்கவில்லை. வடக்குழுவினர் எந்த ஒப்பிடும் வேண்டாம் என்றதால் சிறப்புத் தோற்றத்தில் கூட நான் அதில் நடிக்கவில்லை. திரைப்படத்தின் அதிகாரப்பூர்வ அறிவிப்பு விரைவில் அறிவிக்கப்படும்.
இந்த திரைப்படத்தில் யார் யார் நடிக்கிறார்கள் என்பது குறித்து விரைவில் தெரிவிக்கப்படும். இந்த திரைப்படம் வேறொரு தரத்தில் வித்தியாசமாக இருக்கும்" எனத் தெரிவித்துள்ளார்.
கடந்த 1997 ஆம் ஆண்டு தூர்தர்ஷன் சேனலில் இந்த சக்திமான் தொடர் ஒளிபரப்பானது. அப்போது இருந்து சிறுவர்களுக்கு இடையே மிகவும் பிரபலமடைந்து மிகப்பெரிய ஹிட் அடித்த தொடர் இது. தொடர்ந்து இந்த தொடர் கிட்டத்தட்ட 2005 ஆம் ஆண்டு வரை ஒளிபரப்பப்பட்டது. அந்தத் தொடரில் சக்திமானாக முகேஷ் கண்ணா நடித்திருந்தார்.
தற்போது வரை அந்த திரைப்படத்தை இன்ஸ்பிரேஷனாக வைத்து பல்வேறு திரைப்படங்கள் தற்போது எடுக்கப்பட்டு வருகின்றன. சமீபத்தில் ஹிப்ஹாப் தமிழன் ஆதி நடித்து வெளியான வீரன் திரையரங்குகளில் வெளியாகி உள்ளது. சக்திமான் தொடரை இன்ஸ்பிரேஷனாக வைத்தே இந்த திரைப்படம் எடுக்கப்பட்டுள்ளதாக நடிகர் ஆதி தெரிவித்திருந்தார் என்பது குறிப்பிடத்தக்கது.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
https://twitter.com/httamilnews
https://www.facebook.com/HTTamilNews
https://www.youtube.com/@httamil
டாபிக்ஸ்