Jayam Ravi: ‘காப்பியடிக்க விரும்பல.. நல்லவனா நடிக்க விருப்பமில்ல’ -ஜெயம்ரவி ஓப்பன் டாக்!

தற்போது வரும் ஏப்ரல் 28 -2023 அன்று இந்த படத்தின் இரண்டாம் பாகம் வெளியாக உள்ளது. அதற்காக இப்படக்குழுவினர் தமிழ்நாடு, கேரளா, ஆந்திரா, மும்பை,பெங்களூர் போன்ற இடங்களில் நடைபெற்ற புரமோஷன் நிகழ்ச்சிகளில் கலந்து கொண்டு வருகின்றனர். அந்த வகையில் நேற்று இந்தப்படக்குழு பெங்களூரில் நடைபெற்ற நிகழ்ச்சியில் பங்குபெற்றது. இதில் விக்ரம், ஜெயம் ரவி, கார்த்தி, த்ரிஷா ஆகியோர் கலந்து கொண்டனர்.

இந்த விழாவில் ஜெயம் ரவி பேசும் போது, “ எனக்கு படங்களில் நல்லவனாக நடிக்க விருப்பமில்லை. காரணம் அதில் ஒரே மாதிரியான நடிப்பை மட்டும் வெளிப்படுத்த முடியும்; ஆனால் கெட்டவனாக நடித்தால் நம்முடைய நடிப்புத் திறனை இன்னும் நன்றாக வெளி படுத்தலாம். 

குறிப்பாக இந்த ராஜ ராஜ சோழன் கதாபாத்திரத்தில் நடிக்க மணி சார் நிறைய திறன்களை எனக்கு சொல்லி தந்தார். இந்த கதாபாத்திரத்திற்காக யாரையும் பார்த்து நான் காப்பி அடிக்க விருப்பமில்லை. பல வருடங்களுக்கு முன்பு நடிகர் திலகம் சிவாஜி கணேசன் இந்த ராஜ ராஜ சோழன் கதாபாத்திரத்தில் நடித்துள்ளார்.

ஆனால் நான் இந்த கதாபாத்திரத்தில் நடிக்கும் முன்பு அந்த படத்தை நான் பார்க்கவில்லை. ஒரு வேளை அந்த படத்தை நான் பார்த்திருந்தால் அவரின் நடிப்பின் தாக்கம் என்னுள் வந்திருக்கும், என் நடிப்பு அவர் நடிப்பிற்கு 10 சதவீதம் கூட ஈடாகாது. என்னால் எப்படி நடிக்க முடியுமோ அப்படி நடித்தேன். மணி சாரை நம்பினேன், கல்கியை நம்பினேன் ,கடவுளை நம்பினேன். என்னுடைய வழியில் நான் சிறப்பாக நடித்து முடித்துள்ளேன்” என்று ஜெயம்ரவி பேசினார்.