Director Manobala: மனோபாலா உடல் தகனம் செய்யப்பட்டது!

நகைச்சுவை நடிகராக பல படங்களில் நடித்து வந்த இவர் நேற்று (04-05-2023) உடல்நலக்குறைவு காரணமாக மரணம் அடைந்தார். இவரது இறப்பு திரைவட்டாரத்தில் அதிர்ச்சியை ஏற்படுத்தியது. இதனைத்தொடர்ந்து அவரது உடல் சாலிகிராமத்தில் உள்ள அவரது வீட்டில் அஞ்சலிக்காக வைக்கப்பட்டது. 

அதனைத்தொடர்ந்து நடிகர்கள், இயக்குநர்கள், அரசியல்தலைவர்கள் என பலரும் அஞ்சலி செலுத்தினர். நேற்றைய தினம் அவரது உடலுக்கு நடிகர்கள்,இயக்குநர்கள் என பலரும் அஞ்சலி செலுத்தினர்.  

இந்த நிலையில் இன்று (மே 04) நண்பகல் 12 மணி அளவில் சாலிகிராமத்தில் உள்ள மனோபாலாவின் வீட்டிலிருந்து அலங்கரிக்கப்பட்ட வாகனத்தில் அவரது உடல் ஊர்வலமாக எடுத்துச் செல்லப்பட்டது. 

இந்த இறுதி ஊர்வலத்தின்போது ஏராளமான பொதுமக்கள் வழிநெடுக மனோபாலாவின் உடலுக்கு அஞ்சலி செலுத்தினர். பின்னர் வளசரவாக்கத்தில் உள்ள மின் மயானத்தில் அவரது உடல் தகனம் செய்யப்பட்டது.