Tamil Movies: டாப் ஹீரோக்கள் படங்கள் இல்லை..ரசிகர்களை கவர்ந்து சூப்பர் ஹிட்! இன்றைய நாளில் வெளியான படங்கள் லிஸ்ட் இதோ
Tamil Movies Released on Sep 19: டாப் ஹீரோக்கள் படங்கள் இல்லை என்றாலும், அரண்மனை, சாட்டை என ரசிகர்களை கவர்ந்து சூப்பர் ஹிட்டான படங்கள் இன்றைய நாளில் வெளியாகியுள்ளன. இன்று வெளியான படங்களில் ரசிகர்களை கவர்ந்தவற்றின் லிஸ்டை பார்க்கலாம்.
தமிழ் சினிமாவில் செப்டம்பர் 19ஆம் தேதியான இன்று டாப் ஹீரோக்கள் படங்கள் எதுவும் வெளியாகிவில்லை. இருப்பினும் ரசிகர்களை கவர்ந்து சூப்பர் ஹிட்டான படங்களை இன்றைய நாளில் வெளியாகி இருக்கின்றன. அந்த வகையில் தமிழில் இன்று வெளியான ரசிகர்கள் மத்தியில் வரவேற்பை பெற்ற படங்கள் எவையெல்லாம் என்பதை பார்க்கலாம்
ஆண் பிள்ளை சிங்கம்
சிவக்குமார், ஸ்ரீபிரியா, சுஜாதா, சோ, ஃபடாபட் ஜெயலட்சுமி உள்பட பலர் நடித்திருந்த இந்த படத்தை எஸ்.பி. முத்துராமன் இயக்கியுள்ளார். 1975இல் குடும்ப திரைப்படமாக வெளியாகிய இந்த படம் ரசிகர்களை வெகுவாக கவர்ந்தது.
வசந்த கால பறவை
பவித்ரன் இயக்கத்தில் ரமேஷ் அரவிந்த், ஷாலி, சரத்குமார், கவுண்டமணி, வி.கே. ராமசாமி உள்பட பலர் நடித்திருந்த இந்த படம் காதல் கலந்த பேமிலி எண்டர்டெயினராக அமைந்தது. சரத்குமார் ஹீரோவாக ஆவதற்கு முன்பு அவருக்கு நல்ல பெயரை பெற்று தந்த படமாக இந்த படம் அமைந்தது. தேவா இசையமைப்பில் செம்பருத்தி செம்பருத்தி என்ற பாடல் சிறந்த மெலடியாக மாறியது. கமர்ஷியல் இயக்குநராக வலம் வந்த பவித்ரன் இயக்கிய முதல் தமிழ் படமாக இருக்கும் வசந்த கால பறவை வெளியாகி இன்றுடன் 33 ஆண்டுகள் ஆகிறது.