Actor Vijay: சிக்னலை மதிக்காமல் சடாரென்று கடந்த விஜயின் கார் - வீடியோ வைரல்!
நடிகர் விஜய் காரானது சிக்னலை மதிக்காமல் சென்ற வீடியோ சமூகவலைதளங்களில் வைரலாகி வருகிறது.
2023ம் நடந்து முடிந்த 10 மற்றும் 12 -ம் வகுப்பு பொதுத்தேர்வில் தொகுதி வாரியாக முதல் மூன்று இடங்களை பிடித்த மாணவ மாணவியரை தேர்வு செய்து நடிகர் விஜய் சான்றிதழ்கள் மற்றும் ஊக்கத்தொகையை வழங்கினார். அந்த நிகழ்ச்சியில் பொருளாதாரத்தில் பின்தங்கிய நிலையில் கல்வி பயின்று அதிக மதிப்பெண்கள் எடுத்த மாணவ மாணவிகளுக்கும் ஊக்கத்தொகை வழங்கப்பட்டது. கிட்டத்தட்ட 12 மணி நேரத்திற்கும் மேலாக நடந்த இந்த விழாவில் அவ்வளவு நேரமும் மேடையிலேயே நின்று மாணவர்களுக்கு சான்றிதழ்கள் மற்றும் ஊக்கத்தொகையை விஜய் வழங்கினார்.
இந்த நிகழ்ச்சிக்காக தளபதி மக்கள் இயக்கம் சார்பில் ஒரு மாதத்திற்கு முன்னதாகவே அதற்கான வேலைகள் பரபரத்தன. கடந்த ஜூன் 17ம் தேதி நடைபெற்ற இந்த நிகழ்வில் விஜய் முழுக்க முழுக்கவே மாணவர்களுடன் நேரத்தை செலவிட்டதால், ஒவ்வொரு தொகுதியில் இருந்த வந்த தளபதி மக்கள் இயக்க நிர்வாகிகளை அவர் சந்திக்க முடியாமல் போனது. இதனையடுத்து அவர்களை இன்று சந்தித்து போட்டோ எடுத்துக்கொள்ள விஜய் முடிவு செய்து இன்றைய தினம் மதிய வேளையில் பனையூர் தலைமை அலுவலத்திற்கு தன்னுடைய காரில் வருகை தந்து கொண்டிருந்தார்.
அவர் வருவதை தெரிந்து கொண்ட ரசிகர்களும் பத்திரிகையாளர்களும் அவரது காரை முன்னும் பின்னும் துரத்தி வந்தனர். இந்த நிலையில் சாலை ஒன்றின் சந்திப்பில் சிவப்பு நிற சிக்னல் போட்டு வாகனத்தை நிறுத்த அறிவுறுத்தப்பட்டு இருந்தது. ஆனால் அதனை மதிக்காத விஜயின் கார் அதனை வேகமாக கடந்து சென்றது. இந்த வீடியோ தற்போது சமூகவலைதளங்களில் வைரலாகி வருகிறது.
வீடியொ உதவி: நியூஸ் தமிழ் 24x7
டாபிக்ஸ்