38 Years of Padikkadavan: பட்டிதொட்டியெங்கும் மக்கள் மனம் கவர்ந்த 'படிக்காதவன்' ரஜினியின் சூப்பர் டூப்பர் ஹிட் மூவி!

வெளியேறிய தம்பிகள் எப்படி வாழ்வதற்காக போராடினார்கள் என்பதை மிக உருக்கமாக படத்தில் காட்டியிருப்பார் இயக்குநர். இப்படி வெளியில் வந்தவர்கள் ரவுடிகளிடம் மாட்டிக்கொள்ளும்போது அவர்களை மீட்டு இஸ்லாமியரான நாகேஷ் இரண்டு சிறுவர்களையும் தன் சொந்தப்பிள்ளைகளோடு இணைத்து வளர்ப்பார். இந்த படத்தில் ரஜினிக்கு அம்பிகா ஜோடியாக நடித்திருப்பார். கள்ளச்சாராயம் விற்கும் அம்பிகாவை ரஜினி திட்டி திருத்துபவராக இருப்பார்.

இரண்டாவது அண்ணனான ரஜினி சுமை தூக்கி தம்பியின் பசியை ஆற்றுவார். தனது தம்பியை ஆங்கிலப் பள்ளியில் படிக்க வைப்பார். கடைசியாக தம்பி முதல் வகுப்பில் தேர்ச்சி அடைந்து விட்டார் என ரஜினி கொண்டாடுவார். ஆனால் உண்மையில் தம்பி ரஜினியை ஏமாற்றி இருப்பார். இதனால் மிகவும் விரக்தியில் இருப்பார். இதற்கிடையில் ரஜினியை வளர்த்த நாகேஷ் கொலை செய்யப்படுவார்.

இதற்கிடையில் ரஜினி தம்பியை ஏமாற்றி ஜெய்சங்கர் கடத்தல் தொழிலை செய்து வருவார். கடைசியாக ஜெய்சங்கர் வேதாச்சலத்தை கொலை செய்துவிட்டு அந்த பழியை ரஜினி மேல் போட்டு விடுவார்.

இந்த வழக்கு நீதிமன்றத்திற்கு வரும் போது அண்ணன் சிவாஜி நீதிபதியாக வருவார். வழக்கு விசாரணையின் போது சிவாஜிக்கு கொலை வழக்கில் சிக்கிய ரஜினி தனது தம்பி என தெரியவரும் கடைசியில் எப்படி சிவாஜி தனது தம்பிகளை காப்பாற்றினார் என்பதுதான் கதை

ரஜினி புகழின் உச்சத்திற்கு கொண்டு சென்றதில் படிக்காதவன் படத்திற்கு ஒரு இடம் உள்ளது.

அந்த வகையில் நடிகர் திலகம் சிவாஜி, ரஜினிகாந்த் என இரண்டு லெஜண்ட்ஸ் திரையில் தோன்றி வெற்றி பெற்ற படம்

படத்தின் பாடல்கள் பெரிய அளவில் வெற்றி பெற்றது. ரஜினி குடிபோதையில் பாடுவது போல் உருவாக்கப்பட்ட ஊர தெரிஞ்சுக்கிட்டேன் பாடல் பெரிய அளவில் வெற்றி பெற்றது. ஒரு கூட்டுக்கிளியாக பாடலை ரசிகர்கள் தங்கள் வாழ்க்கையை ஒப்பிட்டு முணுமுணுத்தனர்.

ராஜாவுக்கு ராஜா நான்டா என ரஜினி கலக்கிய பாடல்கள் அணைத்தும் பட்டி தொட்டியெல்லாம் ஒலித்தது. இப்படி 80களில் வெளியாகி பெரிய வெற்றி பெற்ற ரஜினியின் படங்களில் படிக்காதவன் ஒரு முக்கியான திரைப்படம் என்பதில் ஐயமில்லை.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.