Raja Rani: ஆர்யா கூட நடிக்க தயங்கிய நடிகர்கள்..சிக்கிய ஜெய்.. ராஜா ராணியால் உருவான நட்பு
ராஜா ராணி திரைப்படம் வெளியாகி 10 வருடங்கள் கடந்து இருக்கிறது.
There is a life after love failure என்ற ஒரு டாக் லைனுடன் வெளியாகி ஹிட் அடித்த படம், ராஜா ராணி. பொதுவாக காதல் படம் என்றாலே இளைஞர்கள் தான் அதிகமாக விரும்பி பார்ப்பார்கள். ஆனால் அதை தாண்டி மக்களை கூட்டம் கூட்டம் வர வைத்த படங்களில் இதுவும் ஒன்று.
அட்லீ இயக்குநராக அறிமுகமான படம் ராஜா ராணி. பிரமாண்ட இயக்குநர் ஷங்கரிடம் உதவியாளராக இருந்து இவர் சினிமாவில் முதல் முறையாக நுழைவதால் பெரும் எதிர்பார்ப்பு இருந்தது. இருப்பினும் முதல் படம் என்பதால் பலரும் இவர் மேல் நம்பிக்கை இல்லாமல் தான் இருந்தது.
ஆனால் அந்த அனைத்து எண்ணங்களை உடைத்து எரிந்து சூப்பர் டூப்பர் ஹிட் கொடுத்து கோலிவுட்டில் சினிமாவில் எண்டரி கொடுத்தார் அட்லீ. இந்த படத்தில் ஆர்யா, நயன்தாரா, ஜெய், நஸ்ரியா ஆகியோர் நடித்து இருந்தனர்.
இந்த படம் தொடர்பாக செய்யாறு பாலு சமீபத்தில் பேசுகையில், “ ராஜா ராணி படம் மூலம் அட்லீ அறிமுகமாவது யாருக்கும் நம்பிக்கையாக இல்லை. அதிலும் ஆர்யா தான் முதலில் நடிக்க தேர்வு செய்யப்பட்டார்.
ஆர்யா இருப்பதால் யாரும் அவருடன் நடிக்க முன்வரவில்லை. குறிப்பாக முன்னணி நடிகர்கள் கூட நடிக்க வேண்டாம் என பின் வாங்கினார்கள். என்ன செய்வது என தெரியாமல் படக்குழு இருந்தார்கள்.
அப்போது தான் ஆர்யா, ஜெய்க்கு போன் செய்து ராஜா ராணி படத்தில் நடிக்க வருமாறு கேட்டார். அவருடன் உடனே சம்மதம் தெரிவித்தார். அப்படி தான் ஜெய் படத்திற்கு வந்தார். இதற்காக ஆர்யா, வருங்காலத்தில் ஜெய் படம் இயக்கினால், காசு வாங்காமல் நடிப்பேன் என உறுதி கொடுத்தார்” என்றார்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்