WPL 2024: எல்லிஸ் பெர்ரி கலக்கல் ஆட்டம்! முக்கிய போட்டியில் மும்பையை பழிதீர்த்த ஆர்சிபி - ப்ளே ஆஃப்புக்கு தகுதி

மும்பை பேட்டிங் 

இதையடுத்து டாஸ் வென்ற ஆர்சிபி மகளிர் கேப்டன் ஸ்மிருதி மந்தனா பவுலிங்கை தேர்வு செய்தார். இதைத்தொடர்ந்து பேட் செய்த மும்பை இந்தியன்ஸுக்கு ஓபனிங் பேட்டர்கள் நல்ல தொடக்கத்தை தந்தனர்.

முதல் விக்கெட்டுக்கு மேத்யூஸ் - சஞ்சனா இணைந்து 43 ரன்கள் சேர்த்தனர். மேத்யூஸ் 26 ரன்களில் அவுட்டானார். இவர் அவுட்டான அடுத்த சில ஓவர்களில் நன்கு பேட் செய்து ரன் குவிப்பில் ஈடுபட்டு வந் சஞ்சீவன் சஞ்சனா 30 ரன்கள் எடுத்த நிலையில் அவுட்டானார்.

அவ்வளவுதான், இவர்கள் இருவருக்கு அடுத்தபடியாக வந்த பேட்டர் யாரும் நிலைத்து பேட் செய்யாமல் தவறான ஷாட்களை ஆடி தங்களது விக்கெட்டை பறிகொடுத்தனர். கடைசி கட்டத்தில் பேட் செய்த விக்கெட் கீப்பர் பேட்டர் பிரியங்கா பாலா மட்டும் கொஞ்சம் பொறுமையாக பேட் செய்து 19 ரன்கள் எடுத்து கடைசி வரை அவுட்டாகாமல் இருந்தார்.

19 ஓவரில் 113 ரன்களுக்கு மும்பை இந்தியன்ஸ் அனைத்து விக்கெட்டுகளையும் இழந்தது. மும்பை பேட்டர்களில் நான்கு பேர் மட்டும் இரட்டை இலக்கத்தில் ரன்கள் அடித்திருந்தனர்.

அற்புதமாக பவுலிங் செய்து மும்பை பவுலர்களை திணறடித்த ஆர்சிபி பவுலர் எல்லிஸ் பெர்ரி வெறும் 15 ரன்கள் மட்டும் விட்டுக்கொடுத்து 6 விக்கெட்டுகளை கைப்பற்றினார்.

சோஃபி டெவின், சோஃபி மோலினக்ஸ், ஆஷா சோபனா, ஷ்ரேயங்கா பாடீல் ஆகியோர் தலா ஒரு விக்கெட்டை எடுத்தனர்.

ஆர்சிபி வெற்றி

மிகவும் எளிதான இலக்கை விரட்டிய ஆர்சிபி மகளிர் அணிக்கு தொடக்கம் சரியாக அமையவில்லை. கேப்டன் ஸ்மிருதி மந்தன் 11, சோஃபி மோலினக்ஸ் 9, சோஃபி டெவின் 4 ரன்கள் என டாப் ஆர்டர் பேட்ஸ்மேன்கள் அடுத்தடுத்து அவுட்டானார்கள்.

இதற்கிடையே பவுலிங்கை போல் பேட்டிங்கிலும் கலக்கியஎல்லிஸ் பெர்ரி நிதானமாக பேட் செய்து ரன் குவிப்பில் ஈடுபட்டார். அவருடன் விக்கெட் கீப்பர் பேட்டர் ரிச்சா கோஷ் இணைந்து பார்ட்னர்ஷிப்பில் ஈடுபட்டார். 15 ஓவரில் 3 விக்கெட் இழப்புக்கு 115 ரன்கள் எடுத்த ஆர்சிபி மகளிர், மும்பை இந்தியன்ஸ் மகளிரை வீழ்த்தி வெற்றி பெற்றதுடன் ப்ளே ஆஃப் வாய்ப்பையும் உறுதி செய்ததது.

எல்லிஸ் பெர்ரி 40, ரிச்சா கோஷ் 36 ரன்களுடன் கடைசி வரை ஆட்டமிழக்காமல் இருந்தனர்.

கடைசி லீக் ஆட்டம்

மகளிர் ப்ரீமியர் லீக் 2024 தொடரின் கடைசி லீக் ஆட்டம் டெல்லி கேபிடல்ஸ் மகளிர் - குஜராத் ஜெயிண்ட்ஸ் மகளிர் அணிகளுக்கு இடையே நடைபெற இருக்கிறது. டெல்லி அணி தற்போது முதல் இடத்தில் இருந்து வரும் நிலையில், இந்த போட்டியில் வெற்றி பெற்றால் நேரடியாக இறுதிப்போட்டியில் விளையாடும்

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9