World Cup Cricket 2023: இலங்கையை ஊதித்தள்ளி வென்ற தென்னாப்பிரிக்கா அணி; எய்டன் மார்க்ரம்முக்கு ஆட்டநாயகன் விருது!

பிற்பகல் 2 மணிக்கு இப்போட்டி தொடங்கிய நிலையில் தென் ஆப்பிரிக்க அணியின் ஓபனிங் பேட்ஸ்மேன் குவின்டன் டி காக், டசன் ஆகியோர் சதம் விளாசினர். அதைத்தொடர்ந்து எய்டன் மார்க்ரம் சதம் விளாசினார். அதிகபட்சமாக இலங்கை பவுலர் தில்ஷன் மதுஷன்கா 2 விக்கெட்டுகளை எடுத்தார்.

இறுதியாக 50 ஓவர்கள் முடிவில் 5 விக்கெட் இழப்புக்கு 428 ரன்களைக் குவித்தது தென்னாப்பிரிக்க கிரிக்கெட் அணி.

அதனைத் தொடர்ந்து களமிறங்கிய இலங்கை அணியின் தொடக்க ஆட்டக்காரர்களான பதும் நிஷான்கா ரன் எதுவும் எடுக்காமலும், குஷல் பெரெரா 7 ரன்களுடனும் பெவிலியன் திரும்பினர். இலங்கை வீரர் குஷல் மெண்டிஸ் நிலைத்து நின்று ஆடி 76 ரன்கள் எடுத்த நிலையில், தென்னாப்பிரிக்க வீரர் ரபாடா பந்தில் க்ளெசனிடம் கேட்ச் கொடுத்து அவுட்டானார். அதன்பின் களமிறங்கிய சமரவிக்ரம 23 ரன்களுடன் அவுட்டானார். பின், இறங்கிய சரித் அஷ்லாங்கா நிலைத்து நின்று ஆடி 65 பந்துகளுக்கு 79 ரன்களை எடுத்தார். இதில் 4 சிக்ஸர்களும் அடக்கம். இருப்பினும், தென்னாப்பிரிக்கவீரர் கிடி பந்துவீச்சில் சப்பிடம் கேட்ச் கொடுத்து அவுட்டானார். அதன்பின் ஆடிய இலங்கை கேப்டன் டசன் ஷாங்கா 68 ரன்கள் எடுத்தபோது மஹாராஜின் பந்துவீச்சில் போல்டானார். பின், அடுத்தடுத்து இலங்கை வீரர்கள் சொதப்ப ஆரம்பித்தனர். இறுதியாக 44.5 ஓவரில் அனைத்து விக்கெட்டுகளையும் இழந்து 326 ரன்கள் எடுத்து இலங்கை அணி ஏறத்தாழ 102 ரன்கள் பின்தங்கி படுதோல்வியைத் தழுவியது.

தென்னாப்பிரிக்க அணி சார்பில், அதிகபட்சமாக ஜெரால்டு காட்ஸி மூன்று விக்கெட்டுகளை எடுத்தார்.

இப்போட்டியில் 54 பந்துகளுக்கு 106 ரன்களை எடுத்த தென்னாப்பிரிக்க வீரர் எய்டன் மார்க்ரம்முக்கு ஆட்டநாயகன் விருது வழங்கப்பட்டது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.