தமிழ் செய்திகள்  /  மட்டைப்பந்து  /  Ind Vs Usa Result: 360 டிகிரி வித்தையை காட்டிய சூர்ய குமார்! ஆறுசாமி துபேயின் பிரமாண்ட சிக்ஸ் - சூப்பர் 8இல் இந்தியா

IND vs USA Result: 360 டிகிரி வித்தையை காட்டிய சூர்ய குமார்! ஆறுசாமி துபேயின் பிரமாண்ட சிக்ஸ் - சூப்பர் 8இல் இந்தியா

Muthu Vinayagam Kosalairaman HT Tamil
Jun 12, 2024 11:40 PM IST

ஒரு கட்டத்தில் மூன்று விக்கெட்டுகளை இழந்து இந்தியா தடுமாறியபோது சூர்யகுமார் யாதவ் - ஷிவம் துபே ஆகியோர் பார்டனர்ஷிப் அமைத்து அணியை வெற்றி பாதைக்கு அழைத்து சென்றனர். நன்கு செட்டிலான பிறகு சூர்யகுமார் தனது வழக்கமான பாணி 360 டிகிரி வித்தையை காட்டிய நிலையில், ஷிவம் துபேயும் பிரமாண்ட சிக்ஸ் அடித்தார்.

360 டிகிரி வித்தையை காட்டிய சூர்ய குமார், ஆறுசாமி துபேயின் பிரமாண்ட சிக்ஸ்
360 டிகிரி வித்தையை காட்டிய சூர்ய குமார், ஆறுசாமி துபேயின் பிரமாண்ட சிக்ஸ் (AP)

டி20 உலகக் கோப்பை 2024 தொடரின் 25வது போட்டி குரூப் ஏ பிரிவில் இந்தியா - யுஎஸ்ஏ அணிகளுக்கு இடையே நியூயார்க்கில் நடைபெற்றது. இந்த போட்டி தொடங்குவதற்கு முன் இந்திய அணி விளையாடிய 2 போட்டிகளிலும் வெற்றி பெற்று தனது குரூப்பில் முதல் இடத்தில் இருந்தது. யுஎஸ்ஏ அணியும் 2 போட்டிகள் விளையாடி இரண்டிலும் வெற்றி பெற்று ரன்ரேட் அடிப்படையில் இரண்டாவது இடத்தில் இருந்து வருகிறது.

அதன்படி இன்றைய போட்டியில் இந்தியா, யுஎஸ்ஏ ஆகிய அணிகளில் ஒன்று, முதல் தோல்வியை சந்திக்க வேண்டிய சூழ்நிலையில் களமிறங்கியது. அத்துடன் வெற்றியடையும் அணி இந்த குரூப்பில் முதல் அணியாக சூப்பர் 8 சுற்றுக்கு தகுதி பெறும் என்கிற வாய்ப்பும் இருந்தது.

இந்திய பவுலிங்கில் அடங்கிய யுஎஸ்ஏ

இந்த போட்டியில் டாஸ் வென்ற இந்திய கேப்டன் ரோகித் ஷர்மா பவுலிங்கை தேர்வு செய்தார். இதையடுத்து முதலில் பேட் செய்த யுஎஸ்ஏ அணி 20 ஓவரில் விக்கெட் இழப்புக்கு ரன்கள் அடித்துள்ளது. அதிகபட்சமாக நிதிஷ் குமார் 27, ஸ்டீவன் டெய்லர் 24 ரன்கள் அடித்தனர். நல்ல பார்மில் இருந்து வந்த ஆரோன் ஜோன்ஸ் 11 ரன்னில் அவுட்டாகி பெவிலியன் திரும்பினார்.

இந்திய பவுலர்களில் அர்ஷ்தீப் சிங் 4, ஹர்திக் பாண்ட்யா 2 விக்கெட்டுகளை வீழ்த்தினர். அக்‌ஷர் படேல் ஒரு விக்கெட்டை எடுத்தார். துல்லியமான இந்திய பவுலிங்குக்கு எதிராக யுஎஸ்ஏ அணி ரன் குவிப்பதில் தடுமாறினர்.

ட்ரெண்டிங் செய்திகள்

இந்தியா சேஸிங்

இதையடுத்து 111 என்ற குறைவான ஸ்கோராக இருந்தாலும் பேட்ஸ்மேன்களுக்கு நெருக்கடி அளிக்ககூடிய நியூயார்க் மைதானத்தில் சற்று சவாலான ஸ்கோராக அமைந்திருந்தது. அதற்கு ஏற்ப ஆரம்பத்தில் ரோகித் ஷர்மா, விராட் கோலி விக்கெட்டை இழந்தபோதிலும் சிறந்த பார்ட்னர்ஷிப் ஆட்டத்தால் இந்தியா வெற்றி இலக்கை எட்டியது.

18.2 ஓவரில் 3 விக்கெட் இழப்புக்கு 111 ரன்கள் எடுத்து, 10 பந்துகள் மீதமிருக்க 7 விக்கெட்டுகள் வித்தியாசத்தில் வெற்றி பெற்றது. அத்துடன் குரூப் ஏ பிரிவில் முதல் அணியாக சூப்பர் 8 சுற்றுக்கு தகுதி பெற்றது

இந்திய அணியில் அதிகபட்சமாக சூர்யகுமார் யாதவ் 50, ஷிவம் துபே 31 ரன்கள் அடித்தனர். இவர்கள் இருவரும் சேர்ந்து 67 ரன்கள் பார்ட்னர்ஷிப் அமைத்து அணிக்கு வெற்றியை தேடி தந்தனர்.

முதல் இன்னிங்ஸில் நான்கு விக்கெட்டுகளை வீழ்த்திய அர்ஷ்தீப் சிங் ஆட்டநாயகனாக தேர்வு செய்யப்பட்டார்.

ஐந்து ரன்கள் பெனால்டி அதிர்ஷ்டம்

ஒரு கட்டத்தில் தேவைப்படும் ரன்ரேட் 6 ரன்களுக்கு மேல் இருந்த நிலையில் சூர்யகுமார் யாதவ், ஷிவம் துபே அடித்த ஆட முயற்சித்தும் பலன் இல்லாமல் போனது. ஆட்டத்தின் 15 ஓவர் முடிவில் இந்தியா 76/3 என இருந்தது. இதன் பின்னர் 16வது ஓவர் வீசுவதற்கு முன்னர் யுஎஸ்ஏவுக்கு 5 ரன்கள் பெனால்டி வழங்கப்பட்டது. இதனால் இந்தியா ஸ்கோர் 81 என உயர்ந்தது. அப்போது 30 பந்துகளுக்கு 35 ரன்கள் தேவைப்பட்டது.

அதாவது ஒரு ஓவர் முடிந்த பின்னர் அடுத்த ஓவர் வீசுவதற்கு ஒரு நிமிடத்துக்கு மேல் யுஎஸ்ஏ அணி எடுத்துக்கொண்டதாலும், மூன்று முறைக்கு மேல் அந்த அவகாசத்தை எடுத்துக்கொண்டதன் காரணமாகவே இந்த 5 ரன்கள் பெனால்டி கொடுக்கப்பட்டது. இதன் விளைவாக இந்தியாவின் தேவைப்படும் ரன் ரேட்டும் குறைந்தது.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.