Ind vs SL 2nd T20 Preview: வெற்றி காம்பினேஷனுடன் இந்தியா..! பக்கா பிளானுடன் களமிறங்கும் இலங்கை

இரு அணிகளுக்கு இடையே பல்லேகலேவில் நடைபெற்ற முதல் டி20 போட்டியில் இந்தியா 43 ரன்கள் வித்தியாசத்தில் வெற்றி பெற்றது. பேட்டிங், பவுலிங் என இரண்டிலும் இந்தியா சிறப்பாக செயல்பட்டது.

இதைத்தொடர்ந்து இந்தியா - இலங்கை இடையிலான இரண்டாவது டி20 போட்டி பல்லேகலே மைதானத்தில் இன்று நடைபெறுகிறது. இந்திய நேரப்படி இரவு 7 மணிக்கு போட்டி தொடங்குகிறது.

இலங்கைக்கு முக்கியத்துவமான போட்டி

மூன்று போட்டிகள் கொண்ட தொடரில் இந்தியா 1-0 என முன்னிலை வகிக்கிறது. இதனால் இலங்கை அணிக்கு இது முக்கியத்துவமான போட்டியாக உள்ளது. இதில் கட்டாயம் வென்றால் மட்டுமே தொடரை இழக்காமல் இருக்க நேரிடும் என்ற நெருக்கடியுடன் களமிறங்குகிறது.

முதல் போட்டியில் பேட்டிங்கில் கோட்டை விட்ட இலங்கை அதில் இருந்து மீளு முயற்சிக்கும் என எதிர்பார்க்கலாம். பேட்ஸ்மேன்கள் பொறுப்புணர்ந்து தங்களது பங்களிப்பை அளிக்கும் நிர்பந்தத்தில் இருக்கும் நிலையில், அதற்கு ஏற்ப அணியின் திட்டமிடலும் இருக்கும் என தெரிகிறது. அந்த வகையில் வெற்றி பெறுவதற்கான பக்கா பிளானுடன் களமிறங்கும்.

மேசமான பீல்டிங், கேட்ச்களை டிராப் செய்தது இலங்கை அணியின் தோல்விக்கு முக்கிய காரணங்களில் ஒன்றாக அமைந்தது. எனவே தவறிலிருந்து திருத்தி அந்த அணி இந்த போட்டியில் சவலான ஆட்டத்தை வெளிப்படுத்த முயற்சிக்கும்.

வெற்றி காம்பினேஷன்

இந்திய அணியை பொறுத்தவரை முதல் போட்டியின் வெற்றி காம்பினேஷை இந்த போட்டியிலும் தொடரும் என எதிர்பார்க்கலாம். அதேபோல் பேட்ஸ்மேன்களில் மிடில் ஆர்டரில் பங்களிப்பை வெளிப்படுத்தினால் முழுமையான ஆதிக்கத்தை வெளிப்படுத்தலாம்.

முதல் போட்டியில் இளம் வீரர் ரியான் பராக் பேட்டிங்கில் கோட்டை விட்டதை பவுலிங்கில் ஈடுகட்டினார். இதையடுத்து அவர் இந்த போட்டியில் பேட்டிங்கிலும் ஜொலிப்பார் என எதிர்பார்க்கப்படுகிறது.

தாக்கத்தை ஏற்படுத்த தவறிய வீரர்கள்

முதல் போட்டியில் இந்திய வீரர்கள் ஹர்திக் பாண்டியா, ரிங்கு சிங் ஆகியோர் பேட்டிங்கில் தாக்கத்தை ஏற்படுத்தவில்லை. இவர்களை போல் மிடில் ஆர்டரில் களமிறங்கிய இளம் பேட்ஸ்மேன் ரியான் பராக்கும் பேட்டிங்கில் சொதப்பினார்.

இருப்பினும் பகுதி நேர ஸ்பின்னராக செயல்பட்ட இவர் 3 முக்கிய விக்கெட்டுகளை கைப்பற்றி அணியின் வெற்றிக்கு உறுதுணையாக இருந்தார்.  இன்றைய போட்டியில் இவர்கள் பேட்டிங்கிலும் ஜொலிக்க வேண்டும் என்கிற எதிர்பார்ப்பு நிலவியுள்ளது.

அத்துடன் இன்று நடைபெறும் போட்டியை வென்றால் கேப்டனாக செயல்படும் முதல் டி20 தொடரை வென்று சாதிப்பார் சூர்யகுமார் யாதவ். 

பிட்ச் நிலவரம்

அதே மைதானம் என்றாலும் முதல் போட்டியில் விளையாடாத புதிய பிட்சில் இந்த போட்டி நடைபெறும் என கூறப்படுகிறது. இந்த பிட்சும் பேட்ஸ்மன்கள் சாதகமாகவும், ஸ்பின்னர்களுக்கு நன்கு ஒத்துழைக்கும் விதமாகவும் இருக்கும் என கணிக்கப்பட்டுள்ளது.

போட்டியை எங்கு காணலாம்

இந்தியா - இலங்கை இடையிலான டி20 போட்டியை சோனி ஸ்போர்ட்ஸ் நெட்வொர்க்கில் பார்த்து ரசிக்கலாம். அதேபோல் ஓடிடியை பொறுத்தவரை சோனி லைவ் செயலியில் நேரலையாக ஸ்டீரிமிங் செய்யப்படுகிறது.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews 

Facebook" https://www.facebook.com/HTTamilNews 

You Tube: https://www.youtube.com/@httamil 

Google News: https://tamil.hindustantimes.com/