Ind vs Zim 3rd T20: கேப்டனாக முதல் அரைசதம்..! கில் அதிரடி, ருதுராஜ் சரவெடி - இந்தியா ரன் குவிப்பு
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  கிரிக்கெட்  /  Ind Vs Zim 3rd T20: கேப்டனாக முதல் அரைசதம்..! கில் அதிரடி, ருதுராஜ் சரவெடி - இந்தியா ரன் குவிப்பு

Ind vs Zim 3rd T20: கேப்டனாக முதல் அரைசதம்..! கில் அதிரடி, ருதுராஜ் சரவெடி - இந்தியா ரன் குவிப்பு

Muthu Vinayagam Kosalairaman HT Tamil Published Jul 10, 2024 06:04 PM IST
Muthu Vinayagam Kosalairaman HT Tamil
Published Jul 10, 2024 06:04 PM IST

கேப்டனாக முதல் அரைசதம் விளாசியிருக்கும் கில் அதிரடியாக பேட் செய்து ரன் குவித்தார். அவருடன் ருதுராஜ் கெய்க்வாட் இணைந்து சரவெடி ஆடத்தை வெளிப்படுத்த இந்தியா ரன் குவிப்பில் ஈடுபட்டு சவாலான இலக்கை ஜிம்ப்பாப்வேக்கு எதிராக நிர்ணயித்துள்ளது.

கேப்டனாக முதல் அரைசதம் அடித்து கில் அதிரடி
கேப்டனாக முதல் அரைசதம் அடித்து கில் அதிரடி (AFP)
Share on Whatsappஎங்களை பின் தொடரலாம்
  • Share on Twitter
  • Share on Facebook

ஜிம்பாப்வே சுற்றுப்பயணம் மேற்கொண்டிருக்கும் இந்திய அணி 5 போட்டிகள் கொண்ட டி20 தொடரில் விளையாடி வருகிறது. முதல் போட்டியில் ஜிம்பாப்வே, இரண்டாவது போட்டியில் இந்தியா வெற்றி பெற்றிருக்கும் நிலையில் தற்போது 1-1 என்ற கணக்கில் தொடர் உள்ளது. இரு அணிகளுக்கு இடையிலான மூன்றாவது டி20 போட்டி ஹராரேவில் நடைபெற்று வருகிறது.

இந்த போட்டியில் இந்திய அணியில் ரியான் பிராக், சாய் சுதர்சன், முகேஷ் குமார், துருவ் ஜூரல் ஆகியோருக்கு பதிலாக யஷஸ்வி ஜெய்ஸ்வால், ஷிவம் துபே, கலீல் அகமது, சஞ்சு சாம்சன் ஆகியோர் சேர்க்கப்பட்டுள்ளனர்.

டி20 உலகக் கோப்பை 2024 அணியில் இடம்பெற்றிருந்த யஷஸ்வி ஜெய்ஸ்வால், சஞ்சு சாம்சன் ஆகியோர் ஒரு போட்டியிலும் விளையாட வாய்ப்பு கிடைக்காத நிலையில், இந்த தொடரில் தற்போது சேர்க்கப்பட்டுள்ளனர்.

இந்தியா பேட்டிங்

இந்த போட்டியில் டாஸ் வென்ற இந்தியா கேப்டன் சுப்மன் கில் பேட்டிங்கை தேர்வு செய்துள்ளார். இதையடுத்து முதலில் பேட் செய்த இந்தியா 20 ஓவரில் 4 விக்கெட் இழப்புக்கு 184 ரன்கள் அடித்துள்ளது.

அதிகபட்சமாக கேப்டன் சுப்மன் கில் 66, ருதுராஜ் கெய்க்வாட் 49 ரன்கள் அடித்துள்ளனர்.இந்திய அணி கடைசி 5 ஓவரில் 2 விக்கெட் இழப்புக்கு 55 ரன்கள் அடித்துள்ளது.

ஜிம்பாப்வே பவுலர்களில் பிளெசிங் முசரபானி, கேப்டன் சிகந்தர் ராசா ஆகியோர் தலா 2 விக்கெட்டுகளை கைப்பற்றியுள்ளனர். இவர்கள் இருவரும் மட்டும் சிறப்பாகவும், எகானமியுடன் பவுலிங் செய்துள்ளனர். மற்றவர்கள் ரன்களை வாரி வழங்கியுள்ளனர்.

கேப்டனாக முதல் அரைசதம்

இந்திய அணியின் புதிய கேப்டனாக சுப்மன் கில் நியமிக்கப்பட்ட நிலையில், அவரது தலைமையிலான இளம் வீரர்கள் ஜிம்பாப்வே சுற்றுப்பயணம் மேற்கொண்டுள்ளது. முதல் போட்டியில் 31, இரண்டாவது போட்டியில் 2 ரன்கள் எடுத்திருந்தார் கில். இதையடுத்து மூன்றாவது போட்டியான இன்று பார்முக்கு திரும்பிய கில் தனது பாணியின் அதிரடிய ஆட்டத்தை வெளிப்படுத்தினார்.

பவுண்டரி, சிக்ஸர்கள் என அடுத்தடுத்து விளாசினார் கில். ஓபனரான யஷஸ்வி ஜெய்ஸ்வால் - சுப்மன் கில் ஜோடி இணைந்து முதல் விக்கெட்டுக்கு 67 ரன்கள் சேர்த்தனர்.

சிறப்பாக பேட் செய்த கில் 36 பந்துகளில் தனது அரைசதத்தை பூர்த்தி செய்தார். இது கேப்டனாக இவர் அடிக்கும் முதல் டி20 அரைசதமாகும். 49 பந்துகளில் 66 ரன்கள் எடுத்த கில் தனது இன்னிங்ஸிவல் 7 பவுண்டரி, 3 சிக்ஸர்கள் அடித்து அவுட்டானார்.

ருதுராஜ் சரவெடி ஆட்டம்

பேட்டிங்கில் களமிறங்கியது போல் தெறிக்கவிடும் சரவெடி ஆட்டத்தை வெளிப்படுத்தினார் ருதுராஜ் கெயக்வாட். விரைவாக ரன்குவிப்பில் ஈடுபட்ட கெய்க்வாட், கில்லுடன் இணைந்து 71 ரன்கள் பார்ட்னர்ஷிப் அமைத்தார்.

ருதுராஜ் கெய்க்வாட் 28 பந்துகளில் 49 ரன்கள் அடித்து அவுட்டானதுடன், அரைசதத்தை கோட்டை விட்டார். தனது இன்னிங்ஸில் 4 பவுண்டரி, 3 சிக்ஸர்கள் அடித்தார்.

இவரைப் போல் ஓபனராக களமிறங்கிய யஷஸ்வி ஜெய்ஸ்வாலும் அணிக்கு நல்ல தொடக்கத்தை தந்தார். 27 பந்துகளில் 36 ரன்கள் அடித்த ஜெய்ஷ்வால் 4 பவுண்டரி, 2 சிக்ஸர்கள் அடித்தார்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன: