GT vs PBKS Result: கேட்சை விட்டு மேட்சை கோட்டைவிட்ட குஜராத்! இளம் பேட்ஸ்மேன் ஷஷாங்க் சிங் அதிரடியால் பஞ்சாப் வெற்றி

இந்த போட்டி தொடங்குவதற்கு முன் குஜராத் அணி 3 போட்டிகளில் 2 வெற்றியுடன் 6வது இடத்திலும், பஞ்சாப் கிங்ஸ் அணி 3 போட்டிகளில் ஒரு வெற்றியுடன் 7வது இடத்தில் உள்ளது.

குஜராத் அணியில் டேவிட் மில்லருக்கு பதிலாக கேன் வில்லியம்சன் சேர்க்கப்பட்டுள்ளார். இந்த சீசனில் அவர் களமிறங்கும் முதல் போட்டியாக இது அமைந்துள்ளது. அதேபோல் பஞ்சாப் கிங்ஸ் அணியில் லியாம் லிவிங்ஸ்டனுக்கு பதிலாக சிகந்தர் ராசா சேர்க்கப்பட்டுள்ளார்.

குஜராத் ரன் குவிப்பு

இந்த போட்டியில் டாஸ் வென்ற பஞ்சாப் கிங்ஸ் கேப்டன் ஷிகந்தர் தவான் பவுலிங்கை தேர்வு செய்தார். இதையடுத்து முதலில் பேட் செய்த குஜராத் டைட்டன்ஸ் 20 ஓவிரில் 4 விக்கெட் இழப்புக்கு 199 ரன்கள் எடுத்தது. அணியின் கேப்டன் சுப்மன் கில் 89 ரன்கள் அடித்து கடைசி வரை ஆட்டமிழக்காமல் இருந்தார். இவருக்கு அடுத்தபடியாக சாய் சுதர்சன் 33, கேன் வில்லியம்சன் 26 ரன்கள் அடித்தனர். கடைசி நேரத்தில் அதிரடி காட்டிய ராகுல் திவாட்டியா 23 ரன்கள் அடித்தார்.

பஞ்சாப் பவுலர்களில் ககிசோ ரபாடா 2 விக்கெட்டுகளை எடுத்தார். ஹர்ப்ரீத் ப்ரார், ஹர்ஷல் படேல் தலா ஒரு விக்கெட்டை எடுத்தனர்

பஞ்சாப் கிங்ஸ் சேஸிங்

200 ரன்கள் என்ற கடினமான இலக்கை சேஸ் செய்த பஞ்சாப் கிங்ஸ் 19.5 ஓவரில் 7 விக்கெட் இழப்புக்கு 200 ரன்கள் எடுத்து த்ரில் வெற்றி பெற்றது. குஜராத்துக்கு எதிராக மூன்று விக்கெட் விக்கெட் வித்தியாசத்தில் இந்த சீசனின் இரண்டாவது வெற்றியை பதிவு செய்தது.

பஞ்சாப் அணியில் மிடில் ஆர்டர் பேட்ஸ்மேனாக களமிறங்கி அதிரடியாக பேட் செய்த இளம் வீரர் ஷஷாங்க் சிங் 61 ரன்கள் அடித்தார். இவருக்கு அடுத்தபடியாக பிரப்சிம்ரன் சிங் 35, இம்பேக்ட் வீரராக பேட் செய்த அஸ்தோஷ் ஷர்மா 31 ரன்கள் எடுத்தனர்.

குஜராத் பவுலர்களில் நூர் அகமது 2 விக்கெட்டுகளை எடுத்தார். தர்ஷன் நல்கண்டே, ரஷித் கான், மோகித் ஷர்மா, உமேஷ் யாதவ், அஸ்மதுல்லா உமர்சாய் ஆகியோர் தலா ஒரு விக்கெட்டை எடுத்தனர்.

விக்கெட்டுகள் சரிவு

பஞ்சாப் அணிக்கு சரியான பார்ட்னர்ஷிப் அமையாமல் பேட்ஸ்மேன்கள் சீரான இடைவெளியில் அவுட்டாகி பெவிலியன் திரும்பினர்.

முதலில் அணியின் ஓபனரும், கேப்டனுமான ஷிகந்தர் தவான் ஒரு ரன்னில் நடையை கட்டினார். இவரை தொடர்ந்கு கொஞ்சம் அதிரடி காட்டி ரன் குவித்து வந்த ஜானி பேர்ஸ்டோ 22 , பிரப்சிம்ரன் சிங் 35 ரன்களில் அவுட்டானார்கள். நல்ல பார்மில் இருந்து வந்த சாம் கரனும் 5 ரன்னில் நடையை கட்டினார்.

இவரை தொடர்ந்து பேட் செய்ய வந்த சிகந்தர் ராசா கொஞ்சம் பொறுமையை கடைப்பிடித்தாலும் 15 ரன்களில் தனது விக்கெட்டை பறிகொடுத்தார்.

ஷஷாங்க் சிங் - அஸ்டோஷ் ஷர்மா பார்டனர்ஷிப்

சிறப்பாக பேட் செய்து வந்த ஷஷாங்க் சிங் தேவைப்படும் ரன் ரேட்டுக்கு ஏற்ப அணியின் ஸ்கோர் பெறும் விதமாக பேட் செய்து வந்தார். இவரது சிறிய பார்டனர்ஷிப் அமைத்த ஜித்தேஷ் ஷர்மா விரைவாக 16 ரன் அடித்து வெளியேறினார்.

பின்னர் இம்பேக்ட் வீரராக பேட் செய்ய வந்த அஸ்தோஷ் ஷர்மா தொடக்கம் முதலே அதிரடி காட்டினார். தொடர்ந்து ஷாஷாங்க் சிங்கும் தனது அரைசதத்தை பூர்த்தி செய்தார்.

இவர்கள் இருவரும் இணைந்து அதிரடி காட்டியதில் வெற்றி எட்டிப்பிடிக்கும் தூரத்துக்கு வந்தது. இறுதியில் ஒரு பந்து மீதமிருக்கும் பஞ்சாப் அணி இந்த சீசனின் இரண்டாவது வெற்றியை ருசித்தது.

கடைசி வரை அவுட்டாகாமல் இருந்த ஷாஷாங்க் சிங் 29 பந்துகளில் 61 ரன்கள் எடுத்தார். தனது இன்னிங்ஸில் 6 பவுண்டரி, 4 சிக்ஸர்கள் அடித்தார். அஸ்தோஷ் ஷர்மா 17 பந்துகளில் 31 ரன்கள் எடுத்தார்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews 

Facebook" https://www.facebook.com/HTTamilNews 

You Tube: https://www.youtube.com/@httamil 

Google News: https://tamil.hindustantimes.com/ 

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

https://www.whatsapp.com/channel/0029Va9NEUA7IUYU4eBTc81v