Sanju Samson: தோல்வியால் துவண்ட ராஜஸ்தான் கேப்டன் சஞ்சு சாம்சனுக்கு மற்றொரு அடி! குஜராத் போட்டியால் நேர்ந்த சிக்கல்
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  கிரிக்கெட்  /  Sanju Samson: தோல்வியால் துவண்ட ராஜஸ்தான் கேப்டன் சஞ்சு சாம்சனுக்கு மற்றொரு அடி! குஜராத் போட்டியால் நேர்ந்த சிக்கல்

Sanju Samson: தோல்வியால் துவண்ட ராஜஸ்தான் கேப்டன் சஞ்சு சாம்சனுக்கு மற்றொரு அடி! குஜராத் போட்டியால் நேர்ந்த சிக்கல்

Muthu Vinayagam Kosalairaman HT Tamil Published Apr 11, 2024 06:02 PM IST
Muthu Vinayagam Kosalairaman HT Tamil
Published Apr 11, 2024 06:02 PM IST

குஜராத் டைட்டன்ஸ் அணிக்கு எதிரான போட்டியில் குறித்த நேரத்தில் பந்து வீசாமல் தாமதமாக்கிய ராஜஸ்தான் ராயல்ஸ் கேப்டன் சஞ்சு சாம்சனுக்கு ஐபிஎல் நடத்தை விதிமுறைப்படி அபராதம் விதிக்கப்பட்டுள்ளது.

ராஜஸ்தான் ராயல்ஸ் கேப்டன் சஞ்சு சாம்சனுக்கு அபராதம்
ராஜஸ்தான் ராயல்ஸ் கேப்டன் சஞ்சு சாம்சனுக்கு அபராதம்
Share on Whatsappஎங்களை பின் தொடரலாம்
  • Share on Twitter
  • Share on Facebook

ஐபிஎல் 2024 தொடரின் 24வது போட்டி ராஜஸ்தான் ராயல்ஸ் - குஜராத் டைட்டன்ஸ் அணிகளுக்கு இடையே ஜெய்ப்பூரில் நடைபெற்றது. இந்த போட்டியில் முதலில் பேட் செய்த ராஜஸ்தான் ராயல்ஸ் 196 ரன்கள் குவித்தது.

இதையடுத்து சேஸ் செய்த குஜராத் டைட்டன்ஸ் ஆட்டத்தின் கடைசி பந்தில் பவுண்டரியுடன் த்ரில் வெற்றி பெற்றது. இதன் மூலம் இந்த சீசனில் தொடர்ச்சியாக 4 வெற்றிகளை பெற்ற ராஜஸ்தான் ராயல்ஸ், முதல் தோல்வியை தழுவியது.

இதையடுத்து இந்த போட்டிக்கு பின் மற்றொரு இடியாக ராஜஸ்தான் ராயல்ஸ் கேப்டன் சஞ்சு சாம்சனுக்கு அபராதம் விதிக்கப்பட்டுள்ளது. குறித்த நேரத்தில் பந்து வீசாத காரணத்தால் அவருக்கு அபராதம் விதிக்கப்பட்டிருக்கிறது. 

இதுதொடர்பாக ஐபிஎல் நிர்வாகம் வெளியிட்டுள்ள அறிக்கையில், “ஏப்ரல் 10 ஆம் தேதி ஜெய்ப்பூரில் உள்ள சவாய் மான் சிங் ஸ்டேடியத்தில் குஜராத் டைட்டன்ஸ் அணிக்கு எதிரான இந்தியன் பிரீமியர் லீக் (ஐபிஎல்) 2024 போட்டியின் போது ராஜஸ்தான் ராயல்ஸ் அணியின் கேப்டன் சஞ்சு சாம்சனுக்கு அபராதம் விதிக்கப்பட்டுள்ளது” என தெரிவிக்கப்பட்டுள்ளது.

டெல்லி கேபிடல்ஸ் ரிஷப் பண்ட்க்கு பிறகு, குறைவான ஓவர் ரேட்டுக்காக ராஜஸ்தான் ராயல்ஸ் கேப்டன் சஞ்சு சாம்சனுக்கு அபராதம் விதிக்கப்பட்டிருக்கிறது. 

ராஜஸ்தான் ராயல்ஸ் அதிரடி

ராஜஸ்தான் ராயல்ஸ் - குஜராத் டைட்ன்ஸ் மோதிய போட்டி ஜெய்ப்பூரில் நடைபெற்றது. இந்த போட்டியில் டாஸ் வென்ற குஜராத் டைட்டனஸ் கேப்டன் சுப்மன் கில் பவுலிங்கை தேர்வு செய்தார். இதையடுத்து முதலில் பேட் செய்த ராஜஸ்தான் ராயல்ஸ் 20 ஓவரில் 3 விக்கெட் இழப்புக்கு 196 ரன்கள் எடுத்துள்ளது. அதிகபட்சமாக ரியான் பராக் 76, சஞ்சு சாம்சன் 68 ரன்கள் எடுத்தனர். கடைசி 10 ஓவரில் அந்த அணி 123 ரன்கள் எடுத்தது.

குஜராத் பவுலர்களில் சிறப்பாக பவுலிங் செய்த ஸ்பின்னர் ரஷித் கான் 18 ரன்கள் மட்டும் விட்டுக்கொடுத்து ஒரு விக்கெட் எடுத்தார். உமேஷ் யாதவ், மோகித் ஷர்மா ஆகியோர் தலா ஒரு விக்கெட்டை எடுத்தனர்.

குஜராத் டைட்டன்ஸ் சேஸிங்

இதைத்தொடர்ந்து சேஸிங்கில் களமிறங்கிய குஜராத் டைட்டன்ஸ் 20 ஓவரில் 7 விக்கெட் இழப்புக்கு 199 ரன்கள் எடுத்து 3 விக்கெட் வித்தியாசத்தில் வெற்றி பெற்றது. இதன் மூலம் ராஜஸ்தான் ராயல்ஸ் தொடர் வெற்றி பயணத்துக்கு என்ட் கார்டு போட்டுள்ளது. கடைசி பந்தில் 2 ரன்கள் தேவைப்பட பந்த எதிர்கொண்ட ரஷித் கான், பவுண்டரி அடித்து அணிக்கு வெற்றியை தேடி தந்தார்.

குஜராத் அணியில் அதிகபட்சமாக கேப்டன் சுப்மன் கில் 72, சாய் சுதர்சன் 35 ரன்கள் அடித்தனர். சிறப்பாக பினிஷ் செய்து அணிக்கு வெற்றியை தேடி தந்த ரஷித் கான் 24 ரன்கள் எடுத்து கடைசி வரை அவுட்டாகவில்லை.

ராஜஸ்தான் ராயல்ஸ் பவுலர்களில் குல்தீப் சென் 3 விக்கெட்டுகளை கைப்பற்றினார். ஸ்பின்னர் சஹால் 2 விக்கெட்டுகளை வீழ்த்தினர். ஆவேஷ் கான் ஒரு விக்கெட்டை எடுத்தார். மற்றொரு ஸ்பின்னரான அஸ்வின் தொடர்ச்சியாக 4வது போட்டியில் விக்கெட் வீழ்த்தவில்லை.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.