Rohit Sharma: இன்றைய ஆட்டத்தில் ரோகித் சர்மா சரிசெய்ய வேண்டிய 5 விஷயங்கள்!
India vs South Africa: தென்னாப்பிரிக்காவுக்கு எதிரான போட்டியில் இந்தியாவின் கடைசி மற்றும் 2வது டெஸ்ட் ஆட்டம் வெறும் கனவாக மாறிவிடக் கூடாது என்பதற்காக ரோஹித் சர்மா இந்த 5 விஷயங்களையும் சரி செய்ய வேண்டும் என நிபுணர்கள் கருத்து தெரிவித்துள்ளனர்.
ஒருநாள் தொடர் முடிந்ததும், தென்னாப்பிரிக்காவில் இந்திய அணி 2 டெஸ்ட் போட்டி கொண்ட தொடரில் விளையாடி வருகிறது. முதல் டெஸ்டில் இந்தியா தோல்வியைத் தழுவியது. இரண்டரை நாட்களில் தங்கள் கனவுகள் தகர்க்கப்படும் என்று ஒருபோதும் இந்தியா நினைத்திருக்காது. பெரும்பாலான முதல் லெவன் வீரர்கள் ஓய்வில் அல்லது காயமடைந்த நிலையில், சூர்யகுமார் யாதவ் (டி 20) மற்றும் கே.எல்.ராகுல் (ஒருநாள் போட்டிகளில்) தலைமையிலான இளம் இந்திய அணி தென்னாப்பிரிக்க சுற்றுப்பயணத்தின் ஒரு நாள் மற்றும் டி20 தொடரில் மிகவும் சிறப்பாக செயல்பட்டது. டி20 தொடரை 1-1 என்ற கணக்கிலும், ஒருநாள் தொடரை இந்தியா 2-1 என்ற கணக்கிலும் நமது அணி வென்றது. இயல்பாகவே, ரோஹித் சர்மா, விராட் கோலி, ஜஸ்பிரித் பும்ரா மற்றும் முகமது சிராஜ் ஆகியோர் இரண்டு போட்டிகள் கொண்ட டெஸ்ட் தொடருக்கு திரும்பினர். இது தென்னாப்பிரிக்கா தேசத்தில் முதல் டெஸ்ட் தொடரை வெல்லும் என நினைத்திருந்தோம்.
தென்னாப்பிரிக்க அணி கடந்த காலங்களைப் போல அச்சுறுத்தலாகத் தெரியவில்லை. அந்த அணியின் பேட்டிங் வரிசையில் ஒரு அறிமுக வீரரும், ஃபார்மில் இல்லாத 3 வீரர்களும் இருந்தனர். பந்துவீச்சு பெரும்பாலும் காகிசோ ரபாடாவை மட்டுமே நம்பியிருந்தது. மறுபுறம், இந்திய அணியில் இளமையும் அனுபவமும் கலந்த அற்புதமான கலவை இருந்தது. 'ஏ' சுற்றுப்பயணங்கள் ஒரே நேரத்தில் நடந்து வருவதால், காயம் குறித்த கவலை இருந்தால் யாரை வேண்டுமானாலும் அழைக்கும் வசதியும் அவர்களுக்கு இருந்தது.
இவை அனைத்தையும் மீறி, செஞ்சூரியனில் நடந்த முதல் டெஸ்டில் இந்தியா ஒரு இன்னிங்ஸ் மற்றும் 32 ரன்கள் வித்தியாசத்தில் தோற்றது. இது கடந்த ஐந்து ஆண்டுகளில் அவர்களின் மிகப்பெரிய வெளிநாட்டு தோல்விகளில் ஒன்றாகும். இந்த வடிவத்தில் தென்னாப்பிரிக்கா, இங்கிலாந்து, நியூசிலாந்து மற்றும் ஆஸ்திரேலியா நாட்டில் தொடர்ந்து நான்காவது தோல்வி இதுவாகும்.
இந்த சுற்றுப்பயணத்தின் இரண்டாவது மற்றும் கடைசி டெஸ்ட் போட்டிக்காக இந்திய அணி தற்போது கேப்டவுன் சென்றுள்ளது. தேர்வு தலைவலி, பேட்ஸ்மேன்களின் சந்தேகத்திற்கிடமான ஃபார்ம் மற்றும் பந்து வீச்சாளர்கள் கட்டுப்பாடு இல்லாதது; எனவே, தென்னாப்பிரிக்காவில் தொடரை வெல்லும் இந்தியாவின் கனவு 0-2 கனவாக மாறிவிடக்கூடாது என்பதை உறுதிப்படுத்த கேப்டன் ரோஹித் சர்மா செய்ய வேண்டிய சில விஷயங்கள்.
ரோஹித்தின் சொந்த ஃபார்ம்: தொடக்கத்தில், ரோஹித் உண்மையில் தென்னாப்பிரிக்காவில் ஸ்கோர் செய்யத் தொடங்க வேண்டும். இந்தத் தொடர் தொடங்குவதற்கு முன்பு, தென்னாப்பிரிக்காவில் நான்கு டெஸ்ட் போட்டிகளில் விளையாடிய இந்திய கேப்டன் 15.37 சராசரியைக் கொண்டிருந்தார். முதல் டெஸ்டில், தென்னாப்பிரிக்கா இந்தியாவை வீழ்த்தியபோது, ரோஹித் இரண்டு இன்னிங்ஸிலும் 5(14) மற்றும் 0(8) ரன்கள் எடுத்தார். முதல் டெஸ்ட் போட்டிக்கு பிறகு, 10 இன்னிங்ஸ்களில் 128 ரன்களுடன் அவரது சராசரி 12.80 ஆக குறைந்துள்ளது. தென்னாப்பிரிக்க மண்ணில் அனுபவம் வாய்ந்த வலது கை பேட்ஸ்மேனின் சிறந்த ஸ்கோர் 47 ஆகும். அவர் இன்றைய ஆட்டத்தில் நின்று ஆட வேண்டியது அவசிம்.
சரியான பிளேயிங் லெவனைத் தேர்ந்தெடுப்பது: கடந்த காலங்களில், இந்தியாவுக்கு எப்போதுமே ஏராளமான பிரச்சினைகள் இருந்தன, ஆனால் இந்த முறை, முகமது ஷமி அல்லது தரமான டெஸ்ட் பேட்ஸ்மேன் இல்லாததால், ரோஹித்திற்கு வாய்ப்புகள் குறைவாகவே உள்ளன. பிரசித் கிருஷ்ணா, ஷர்துல் தாக்கூர் ஆகியோர் சராசரிக்கும் குறைவாக இருந்தனர். ஷ்ரேயாஸ் ஐயர் ஷார்ட் பிட்ச் பந்துகளை சமாளிக்க முடியாமல் திணறி வருகிறார். சுப்மன் கில் பெரிதும் சோபிக்கவில்லை. அதிக திறமைவாய்ந்த அஸ்வின் மற்றும் ஜடேஜா ஆகிய இரண்டு சுழற்பந்து வீச்சாளர்களை தேர்ந்தெடுப்பதா அல்லது நான்கு நடுத்தர வேகப்பந்து வீச்சாளர்களுடன் செல்வதா என்பது மட்டுமே அவர் செய்ய வேண்டிய ஒரே முடிவு.
ஷர்துலை விடுங்கள்: 8-ம் வரிசையில் பேட்டிங் செய்யக்கூடிய வீரரை தேர்வு செய்வதில் ரோஹித்துக்கு ஆர்வம் அதிகம். தற்போதைய சூழ்நிலையில் அந்த அளவுகோலை பூர்த்தி செய்யும் ஒரே ஒரு கிரிக்கெட் வீரர் மட்டுமே இருக்கிறார் - ஷர்துல் தாக்கூர். கடந்த தென்னாப்பிரிக்க சுற்றுப்பயணத்தின் போது 7 விக்கெட்டுகளை வீழ்த்திய ஷர்துல், தற்போது மிகவும் சொதப்பினார். மேலும், ரன் குவிப்பது எளிதான வேலையாக கருதப்படாத ஆடுகளங்களில் ஓவருக்கு 4 ரன்கள் என்ற அவரது எக்கானிமி விகிதமும் ஒரு பெரிய கவலையாக உள்ளது. ஒரு முன்னணி வேகப்பந்து வீச்சாளரையோ அல்லது சுழற்பந்து வீச்சாளரையோ களமிறக்குவதே இந்திய அணிக்கு நல்லது.
பந்து வீச்சாளர்களை நன்றாக பயன்படுத்துங்கள்: ரோஹித் சர்மாவின் டெஸ்ட் கேப்டன்சிக்கு ஒரு வடிவம் உள்ளது. அவர் தனது சிறந்த பந்து வீச்சாளர்களை ஒன்றாக வீச வைக்க முனைகிறார். இதே போன்ற திறன் கொண்ட குறைந்தது நான்கு பந்து வீச்சாளர்களாவது உங்களிடம் இருந்தால் அது சரியான தந்திரம். ஆனால் இங்கு, பும்ராவுக்கும் மற்றவர்களுக்கும் இடையே ஒரு பெரிய இடைவெளி உள்ளது. வெளிப்படையாக, சிராஜ் இந்தியாவின் சிறந்த வீரர்களில் ஒருவர், ஆனால் ஷமி இல்லாமல், அவர் குறைவான அச்சுறுத்தலாகத் தெரிகிறார்.
விராட் கோலி தூள் பண்ண வேண்டும்: விராட் கோலி நிலைமை மோசமானால் கைகொடுத்து அணியை கரை சேர்க்க வேண்டும். ரவீந்திர ஜடேஜாவையும் சரியான நேரத்தில் ரோகித் பயன்படுத்த வேண்டும்.
