Rohit Sharma:‘ரோகித் இதை மட்டும் செஞ்சிட்டா இந்திய கிரிக்கெட் வரலாற்றில் முதலிடம் பிடிப்பார்’-முன்னாள் கிரிக்கெட் வீரர்

1992 ஆம் ஆண்டு வரையிலான எட்டு சுற்றுப்பயணங்களில் இந்தியா தென்னாப்பிரிக்காவில் ஒரு டெஸ்ட் தொடரை கூட வென்றதில்லை. தென்னாப்பிரிக்கா மண்ணில் 2006 ஆம் ஆண்டு ராகுல் டிராவிட் தலைமையிலான இந்திய அணி முதல் டெஸ்டில் வெற்றி பெற்றது, மேலும் 2010-11 ஆம் ஆண்டு தொடரை கைப்பற்றுவதற்கு மிக நெருக்கத்தில் வந்தது, ஆனால் முடியவில்லை. மூன்று போட்டிகள் கொண்ட தொடர் 1-1 என சமனில் முடிந்தது. 2018 மற்றும் 2022ல், இந்தியா தலா ஒரு டெஸ்டில் வெற்றி பெற்றாலும் தொடரை கைப்பற்ற முடியவில்லை.

2018ல் ஆஸ்திரேலியாவில் விராட் கோலி தலைமையிலும், 2007ல் இங்கிலாந்திலும், நியூசிலாந்திலும் எம்எஸ் தோனியின் கீழ் இந்திய கிரிக்கெட் டெஸ்ட் வரலாற்றில் சில குறிப்பிடத்தக்க வெற்றிகளை பதிவு செய்துள்ளது. உண்மையில் இந்திய கிரிக்கெட்டிற்கும் ரோஹித்தின் கேரியருக்கும் இது ஒரு முக்கியமான தருணம்.

"ரோஹித் சர்மா தென்னாப்பிரிக்காவை வெல்ல முடிந்தால், இந்திய கிரிக்கெட் வரலாற்றில் கேப்டனாகவும் வீரராகவும் அவரது பெயர் முதலிடத்தில் இருக்கும், ஏனெனில் இந்த இரண்டு போட்டிகளிலும் வெற்றி பெறுவதற்கான திறவுகோல் அவரிடம் மட்டுமே உள்ளது. அவர் ஒரு தொடக்க ஆட்டக்காரராகவும் கேப்டனாகவும் இருக்கிறார். நீங்கள் புதிய பந்தில் விளையாடினால், உங்கள் மற்ற பேட்ஸ்மேன்கள் பிரகாசிக்க வாய்ப்பு கிடைக்கும்" என்று ஸ்டார் ஸ்போர்ட்ஸ் உடனான கலந்துரையாடலில் இர்பான் பதான் கூறினார்.

கடந்த மாதம் நடந்த உலகக் கோப்பை இறுதிப் போட்டியில் ஆஸ்திரேலியாவிடம் தோல்வியில் இருந்து மீண்டு வருவார் என நம்பப்படும் ரோஹித்துக்கு, தென்னாப்பிரிக்காவில் இந்தியாவை வெற்றிக்கு அழைத்துச் செல்வது மிகப்பெரிய ஊக்கமளிக்கும் காரணியாக இருக்கும். கோலியிடம் இருந்து பொறுப்பேற்றதிலிருந்து, ரோஹித் இந்தியாவின் டெஸ்ட் கேப்டனாக கெளரவமான வெற்றியைப் பெற்றுள்ளார், ஒன்பது போட்டிகளில் ஐந்து வெற்றிகளையும் இரண்டு தோல்விகளையும் கண்டிருக்கிறார். தொடை காயம் காரணமாக 2022 ஜனவரியில் இந்தியாவின் கடைசி தென்னாப்பிரிக்கா சுற்றுப்பயணத்தை ரோஹித் தவறவிட்டார்.