Rohit Sharma: விமானம் தாமதம்.. மொஹாலியில் ரோகித் செய்தது என்னனு பாருங்க!

மொகாலியில் வியாழக்கிழமை நடைபெற்ற ஆப்கானிஸ்தானுக்கு எதிரான முதல் டி20 போட்டியில் கோலி இல்லை என்பதை இந்திய தலைமை பயிற்சியாளர் ராகுல் டிராவிட் புதன்கிழமை உறுதிப்படுத்திய நிலையில், ரோஹித் சர்மா மற்றும் விராட் கோலி இணைந்து டி 20 போட்டியில் விளையாடுவதைப் பார்க்க இந்திய ரசிகர்கள் இன்னும் சில நாட்கள் காத்திருக்க வேண்டும். தனிப்பட்ட காரணங்களுக்காக கோலி இந்த தொடரின் தொடக்க வீரராக விளையாட மாட்டார் என்று டிராவிட் கூறினார். கோலியின் மகள் வாமிகாவின் மூன்றாவது பிறந்தநாள் இன்று (ஜனவரி 11) என்பது குறிப்பிடத்தக்கது.

இருப்பினும் ரோஹித் தொடக்க வீரராகவும், கேப்டனாகவும் களமிறங்குவார். 2022 ஆம் ஆண்டில் ஆஸ்திரேலியாவில் நடைபெற்ற டி20 உலகக் கோப்பையின் அரையிறுதியில் இங்கிலாந்திடம் தோல்வியடைந்த பிறகு ரோஹித் டி 20 போட்டியில் விளையாடுவது இதுவே முதல் முறையாகும். ஆனால், அதற்கான ஆயத்தப் பணிகள் மந்தமாகவே இருந்தன. ரோஹித்தை மொஹாலிக்கு அழைத்துச் செல்ல வேண்டிய சார்ட்டர்டு விமானம் தாமதமானது. டி20 போட்டிக்கு முன்பு குளிரான மொஹாலி நிலைமைகளுக்கு பழகுவதற்கான ஒரே வாய்ப்பை இழக்க நேரிடும் என்பதை உணர்ந்த ரோஹித், சண்டிகர் விமான நிலையத்திலிருந்து நேராக ஐ.எஸ் பிந்த்ரா ஸ்டேடியத்திற்கு செல்ல முடிவு செய்தார்.

இந்திய கேப்டன் ஹோட்டலுக்குச் செல்லாமல், புதன்கிழமை மாலை 5 மணியளவில் தொடங்கிய பயிற்சி அமர்வில் கலந்து கொண்டார். ஒரு மணி நேரம் தாமதமாக வந்த ரோஹித், பயிற்சியாளர் டிராவிட்டுடன் இணைந்து பிட்ச் பரிசோதனையில் ஈடுபடுவதற்கு முன்பு சிறிது ஸ்ட்ரெச்சிங் மற்றும் உடல் பயிற்சி செய்தார். அப்போது அவர் அணியின் இளம் வீரர்களுடன் சில த்ரோடவுன்களை எடுத்து ஆலோசனையில் ஈடுபட்டார்.

ஜெய்ஸ்வாலுடன் ரோஹித் ஓப்பனிங், கில் 3-வது இடத்தில்

டிராவிட், இளம் வீரர் யஷஸ்வி ஜெய்ஸ்வாலுடன் ரோஹித் தொடக்க வீரராக களமிறங்குவார் என்பதை உறுதி செய்தார். அவர்கள் நான்கு டெஸ்ட் போட்டிகளில் ஒன்றாக ஓப்பனிங் செய்துள்ளனர், ஆனால் இது தொடக்க ஜோடியாக அவர்களின் முதல் வெள்ளை பந்து போட்டியாகும்.

இப்போதைக்கு ரோஹித், ஜெய்ஸ்வால் ஆகியோருடன் ஓபனிங் செய்வோம். நெகிழ்வுத்தன்மையை வழங்கும் ஒரு அணி உங்களிடம் இருக்கும்போது, அணியின் சிறந்த நலனுக்காக நாங்கள் ஒரு முடிவை எடுக்க முடியும், "என்று டிராவிட் போட்டிக்கு முன் கூறினார்.

"தொடக்க வீரராக ஜெய்ஸ்வால் எங்களுக்காக என்ன செய்தார் என்பதில் நாங்கள் நிச்சயமாக மகிழ்ச்சியடைகிறோம். இது எங்களுக்கு இடது-வலது காம்பினேஷனையும் வழங்குகிறது" என்று டிராவிட் மேலும் கூறினார்.

கோலியும், ரோஹித்தும் இணைந்து ஓப்பனிங் செய்வதற்கான வாய்ப்பையும் டிராவிட் முற்றிலுமாக நிராகரிக்கவில்லை. எதுவும் முடிவு செய்யப்படவில்லை (ரோஹித்துடன் கோலி ஓபனிங் விஷயம்). ரோஹித், கோலி போன்ற வீரர்களிடம் உள்ள திறமை, வெவ்வேறு வகையான பந்துவீச்சுக்கு எதிராக அவர்களால் விடை காண முடியும் என்பதில் எங்களுக்கு எந்த சந்தேகமும் இல்லை" என்று டிராவிட் கூறினார்.

ஆப்கானிஸ்தானுக்கு எதிரான இந்த மூன்று டி20 போட்டிகள் டி20 உலகக் கோப்பைக்கு முன் இந்தியாவின் கடைசி போட்டியாகும். இந்திய கிரிக்கெட்டின் ஜாம்பவான்களான ரோஹித்தும், கோலியும் ஐ.சி.சி., போட்டியில் இறுதிப்போட்டிக்கு முன் எப்படி உருவெடுக்கிறார்கள் என்பதில் தான் அனைவரின் பார்வையும் இருக்கும்.