தமிழ் செய்திகள்  /  மட்டைப்பந்து  /  Dc Vs Srh Preview: பேட்ஸ்மேனுக்கு சாதகமான பிட்ச்! சன் ரைசர்ஸ் அதிரடி பேட்டிங் லைன் அப் - டெல்லியிடம் இருக்கும் ஆயுதம்

DC vs SRH preview: பேட்ஸ்மேனுக்கு சாதகமான பிட்ச்! சன் ரைசர்ஸ் அதிரடி பேட்டிங் லைன் அப் - டெல்லியிடம் இருக்கும் ஆயுதம்

Muthu Vinayagam Kosalairaman HT Tamil
Apr 20, 2024 06:30 AM IST

விபத்துக்கு பிறகு ரிஷப் பண்ட் உள்ளூர் ரசிகர்கள் முன்னிலையில் களமிறங்கும் முதல் போட்டியாக சன் ரைசர்ஸ் அணிக்கு எதிரான ஆட்டம் அமைந்துள்ளது. அதிரடியான பேட்டிங் வரிசையை கொண்டிருக்கும் சன் ரைசர்ஸ் அணியை தனது துல்லிய பவுலிங் லைன் அப்பால் டெல்லி அட்டாக் செய்யும் என எதிர்பார்க்கலாம்.

டெல்லி கேபிடல்ஸ்  - சன் ரைசர்ஸ் இன்று மோதல்
டெல்லி கேபிடல்ஸ் - சன் ரைசர்ஸ் இன்று மோதல்

ட்ரெண்டிங் செய்திகள்

இந்த போட்டி தொடங்குவதற்கு முன் டெல்லி கேபிடல்ஸ் 7 போட்டிகளில் 3 வெற்றியுடன் புள்ளிப்பட்டியலில் 6வது இடத்திலும், சன் ரைசர்ஸ் 6 போட்டிகளில் 4 வெற்றியுடன் 4வது இடத்திலும் உள்ளது.

பண்ட் ரிட்டர்ன்ஸ்

விபத்துக்கு பின்னர் உள்ளூர் ரசிகர்கள் முன்னிலையில் பண்ட் களமிறங்க இருப்பதால் மிக பெரிய எதிர்பார்ப்பு உள்ளது. அவர் தனது பழைய பாணி ஆட்டத்தை வெளிப்படுத்தி வரும் நிலையில், உள்ளூர் ரசிகர்களிடம் பெறும் உற்சாகத்தால் அதை தொடர்வார் என நம்பலாம். இளம் பேட்ஸ்மேன்கள் ஜேக் ஃப்ரேசர்-மெக்குர்க், ட்ரிஸ்டன் ஸ்டப்ஸ் நல்ல பார்மில் இருந்து வரும் நிலையில், கைவிரல் காயத்தால் அவதிப்பட்டு வரும் வார்னர் களமிறங்கினால் பேட்டிங் வரிசை நன்கு வலிமை பெறும்.

பக்கா லைன் அப்பில் சன் ரைசர்ஸ்

பவுலிங்குக்கு பெயர் போன அணியாக இருந்து வந்த சன் ரைசர்ஸ் இந்த சீசனில் பேட்டிங்கில் பட்டையை கிளப்பி வருகிறது. ட்ராவிஸ் ஹெட், அபிஷேக் ஷர்மா, ஹென்ரிச் கிளாசின் ஆகியோரின் அதிரடி எதிரணி பவுலர்களுக்கு தலைவலியை ஏற்படுத்தும் விதமாகவே உள்ளது. பவுலிங்கில் பேட் கம்மின்ஸ், புவனேஷ்வர் குமார், நடராஜன் ஆகியோர் சிறப்பாக செயல்படுகிறார்கள்.

பிட்ச் நிலவரம்

மிகவும் ஸ்லோ பிட்ச் ஆகவும், பேட்ஸ்மேன்களுக்கான ஆடுகளமாகவும் டெல்லி மைதானம் அமைந்திருக்கும். இந்த சீசனின் முதல் ஆட்டம் இங்கு நடைபெற இருக்கிறது. வழக்கத்தை விட புற்கள் சற்று அதிகமாக இருப்பதால் வேகப்பந்து வீச்சாளர்களுக்கு ஆடுகளம் ஒத்துழைக்கலாம் என கணிக்கப்பட்டுள்ளது.

வெப்பநிலையை பொறுத்தவரை 29 டிகிரி வரை இருக்கும் எனவும், மழைக்கான வாய்ப்பு இல்லை எனவும் தெரிவிக்கப்பட்டுள்ளது. 

எனவே இரு அணிகளுக்கு இடையிலான இன்றைய போட்டி ரன் மழை பொழியும் போட்டியாக இருக்கலாம் என எதிர்பார்க்கப்படுகிறது.

டெல்லி கேபிடல்ஸ் - சன் ரைசர்ஸ் ஹைதராபாத் இதுவரை

இந்த இரு அணிகளும் 23 முறை இதுவரை நேருக்கு நேர் மோதியுள்ளன. இதில் டெல்லி 11, சன்ரைசர்ஸ் 12 முறை வெற்றி பெற்றுள்ளன. டெல்லி அணியின் அதிகபட்ச ஸ்கோர் 207, சன்ரைசர்ஸ் அணியின் அதிகபட்ச ஸ்கோர் 219 என உள்ளது.

மூன்று வெற்றிகளை மட்டும் பெற்றிருக்கும் டெல்லி கேபிடல்ஸ் அணிக்கு முக்கியத்துவம் மிக்க போட்டியாக சன் ரைசர்ஸ் அணிக்கு எதிரான ஆட்டம் உள்ளது. ஏனென்றால் அந்த அணி புள்ளிப்பட்டியலில் முன்னேறுவதற்கான வாய்ப்பாக இந்த போட்டி உள்ளது.

சன் ரைசர்ஸ் அணிக்கு அதிரடியான பேட்டிங் லைன் அப்புக்கு எதிராக டெல்லி அணியில் கலீல் அகமது, இஷாந்த் ஷர்மா, முகேஷ் குமார் என துல்லியமாக பவுலிங்கை ஆயுதமாக பயன்படுத்தலாம்.

அந்த வகையில் டெல்லி அணியின் துல்லிய பவுலிங்குக்கும், சன் ரைசர்ஸ் அணியின் அதிரடி பேட்டிங்குக்கும் இடையே நடக்கும் மோதலால் இந்த போட்டி அமையும் என தெரிகிறது.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

IPL_Entry_Point