Ind vs Zim 1st T20: தெறிக்கவிட்ட ஸ்பின் கூட்டணி பிஷ்னோய், வாஷிங்டன் சுந்தர்! தட்டி தடுமாறி ரன் குவித்த ஜிம்பாப்வே
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  கிரிக்கெட்  /  Ind Vs Zim 1st T20: தெறிக்கவிட்ட ஸ்பின் கூட்டணி பிஷ்னோய், வாஷிங்டன் சுந்தர்! தட்டி தடுமாறி ரன் குவித்த ஜிம்பாப்வே

Ind vs Zim 1st T20: தெறிக்கவிட்ட ஸ்பின் கூட்டணி பிஷ்னோய், வாஷிங்டன் சுந்தர்! தட்டி தடுமாறி ரன் குவித்த ஜிம்பாப்வே

Muthu Vinayagam Kosalairaman HT Tamil Published Jul 06, 2024 06:26 PM IST
Muthu Vinayagam Kosalairaman HT Tamil
Published Jul 06, 2024 06:26 PM IST

இந்திய ஸ்பின் கூட்டணியான ரவி பிஷ்னோய், வாஷிங்டன் சுந்தர் ஆகியோர் பந்து வீச்சில் தெறிக்கவிட்ட நிலையில் ஜிம்பாப்வே பேட்ஸ்மேன்கள் தட்டி தடுமாறி ரன்கள் எடுத்தனர்.

தெறிக்கவிட்ட ஸ்பின் கூட்டணி பிஷ்னோய், வாஷிங்டன் சுந்தர்
தெறிக்கவிட்ட ஸ்பின் கூட்டணி பிஷ்னோய், வாஷிங்டன் சுந்தர் (AP)
Share on Whatsappஎங்களை பின் தொடரலாம்
  • Share on Twitter
  • Share on Facebook

டி20 உலகக் கோப்பை 2024 தொடர் வெற்றி கொண்டாட்டத்துக்கு பின்னர் ஜிம்பாப்வே சுற்றுப்பயணம் மேற்கொண்டிருக்கும் இந்தியா 5 போட்டிகள் கொண்ட டி20 தொடரில் விளையாடுகிறது. இரு அணிகளுக்கு இடையிலான முதல் டி20 போட்டி ஹராரேவில் நடைபெற்று வருகிறது.

சீனியர் வீரர்களான விராட் கோலி, ரோஹித் ஷர்மா, ரவீந்திரா ஜடேஜா ஓய்வு பெற்றிருக்கும் நிலையில், மற்ற முக்கிய வீர்ரகளான சூர்யகுமார் யாதவ், ஹர்திக் பாண்ட்யா, ஜஸ்ப்ரீத் பும்ரா உள்பட டி20 உலகக் கோப்பை தொடரில் பங்கேற்ற வீரர்களுக்கு ரெஸ்ட் கொடுக்கப்பட்டுள்ளது.

எனவே சுப்மன் கில் தலைமையில் இளம் வீரர்களை கொண்ட இந்தியா அணி, ஜிம்பாப்வே அணிக்கு எதிரான தொடரில் விளையாடுகிறது.

இந்தியா பவுலிங்

இந்த போட்டியில் டாஸ் வென்ற இந்திய அணி கேப்டன் சுப்மன் கில் பவுலிங்கை தேர்வு செய்துள்ளார். இதையடுத்து முதலில் பேட்டிங் செய்த ஜிம்பாப்வே அணி 20 ஓவரில் 9 விக்கெட் இழப்புக்கு 115 ரன்கள் அடித்துள்ளது. அதிகபட்சமாக கிளைவ் மடாண்டே 29 டியான் மியர்ஸ் 23, பிரையன் பென்னட் 22 ரன்கள் அடித்துள்ளனர்.

இந்திய பவுலர்களில் ரவி பிஷ்னோய் 4, வாஷிங்டன் சுந்தர் 2, ஆவேஷ் கான், முகேஷ் குமார் ஆகியோர் தலா ஒரு விக்கெட்டை எடுத்தனர்.

முன்னதாக, 90 ரன்களுக்கு ஜிம்பாப்வே அணி 9 விக்கெட்டுகளை இழந்த நிலையில்,  கடைசி விக்கெட்டுக்கு 25 ரன்கள் பார்ட்னர்ஷிப் அமைக்கப்பட்டது. இதனால் 100 ரன்களை கடந்தது. 

கடைசி வரை நிதானமாக பேட் செய்த கிளைவ் மடாண்டே, அணியை சரிவிலிருந்து மீட்டு கடைசி வரை நாட் அவுட் பேட்ஸ்மேனாக உள்ளார். 

கலக்கிய ஸ்பின் கூட்டணி

இந்த போட்டியில் இந்திய ஸ்பின் கூட்டணியான ரவி பிஷ்னோய், வாஷிங்டன் சுந்தர் ஆகியோர் துல்லியமாக பந்து வீசினர். ஜிம்பாப்வே பேட்ஸ்மேன்கள் இவர்களின் ஓவர்களின் ரன் அடிக்க மிகவும் சிரமப்பட்டனர்.

பிஷ்னோய் 4 ஓவரில் 2 மெய்டன் 13 ரன்கள் மட்டும் விட்டுக்கொடுத்து 4 விக்கெட்டுகளை கைப்பற்றினார். 17 டாட் பந்துகளை வீசினா். இவரது ஓவரில் ஒரேயொரு பவுண்டரி மட்டும் அடிக்கப்பட்டது.

மற்றொரு ஸ்பின்னரான வாஷிங்டன் சுந்தர் 4 ஓவரில் 11 ரன்கள் மட்டுமே விட்டுக்கொடுத்து 2 விக்கெட்டுகளை வீழ்த்தினார். இதில் 15 டாட் பந்துகள் ஆகும். அத்துடன் இவரது ஓவரில் ஒரு பவுண்டரி கூட அடிக்கப்படவில்லை.

இந்திய பவுலர்களில் இடது கை வேகப்பந்து வீச்சாளர் கலீல் அகமது அதிகட்சமாக 3 ஓவர்களில் 28 ரன்கள் விட்டுக்கொடுத்து விக்கெட் எதுவும் வீழ்த்தவில்லை. இளம் வீரர் அபிஷேக் ஷர்மாவும் 2 ஓவரில் 17 ரன்கள் விட்டுக்கொடுத்தார். இவர்கள் இருவர் மட்டும் 6 ரன்களுக்கு மேல் எகானமி கொண்டுள்ளனர்.  மற்ற இந்திய பவுலர்கள் அனைவரும் சிக்கனமாக பந்து வீசியுள்ளனர்.

ஜிம்பாப்வே இன்னிங்ஸில் ஒரே சிக்ஸர் மட்டும் அடிக்கப்பட்டது. 15 பவுண்டரிகள் விளாசப்பட்டன.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.