RR vs DC Result: கடைசி ஓவரில் திருப்புமுனை..! ராஜஸ்தான் துல்லிய பவுலிங், பீல்டிங்கில் சறுக்கிய டெல்லி கேபிடல்ஸ்

ராஜஸ்தான் ராயல்ஸ் அதிரடி

டாஸ் வென்ற டெல்லி கேபிடல்ஸ் கேப்டன் ரிஷப் பண்ட் பவுலிங்கை தேர்வு செய்தார். இதையடுத்து முதலில் பேட் செய்த ராஜஸ்தான் ராயல்ஸ் 20 ஓவரில் விக்கெட் 5 இழப்புக்கு 185 ரன்கள் எடுத்தது. அதிகபட்சமாக ரியான் பராக் 84 ரன்கள் அடித்து கடைசி வரை அவுட்டாகாமல் இருந்தார். இவருக்கு அடுத்தபடியாக ரவிச்சந்திரன் அஸ்வின் 29, துருவ் ஜுரல் 20 ரன்கள் எடுத்தனர்.

டெல்லி கேபிடல்ஸ் சேஸிங்

186 ரன்கள் இலக்கை விரட்டிய டெல்லி கேபிடல்ஸ் கடைசி வரை போராடியபோதிலும் 20 ஓவரில் 5 விக்கெட் இழப்புக்கு 173 ரன்களே எடுத்தது. இதனால் ராஜஸ்தான் ராயல்ஸ் 12 ரன்கள் வித்தியாசத்தில் இரண்டாவது வெற்றியை பதிவு செய்ததது.

டெல்லி கேபிடல்ஸ் அணியில் அதிகபட்சமாக டேவிட் வார்னர் 49, ட்ரிஸ்டன் ஸ்டப்ஸ் 44, ரிஷப் பண்ட் 28, மிட்செல் மார்ஷ் 23 ரன்கள் எடுத்தனர்.

ராஜஸ்தான் பவுலர்களில் இம்பேக்ட் வீரராக களமிறங்கிய நந்த்ரே பர்கர், யஸ்வேந்திரா சஹால் ஆகியோர் தலா 2 விக்கெட்டுகளை கைப்பற்றினர். ஆவேஷ் கான் ஒரு விக்கெட் எடுத்தார். 

அதிரடி தொடக்கம்

டெல்லி அணிக்கு அதிரடியான தொடக்கத்தை ஓபனர்கள் டேவிட் வார்னர் - மிட்செல் மார்ஷ் ஆகியோர் தந்தனர். இருவரும் முதல் விக்கெட்டுக்கு விரைவாக 30 ரன்கள் சேர்த்தனர். மார்ஷ் 12 பந்துகளில் 5 பவுண்டரியுடன் 23 ரன்கள் அடித்து அவுட்டானார். மார்ஷ் விக்கெட்டை தொடர்ந்து பேட் செய்ய வந்த ரிக்கி புயி டக்அவுட்டாகி ஏமாற்றம் அளித்தார்.

வார்னர் - பண்ட் பார்ட்னர்ஷிப்

இதன் பின்னர் வந்த அணி கேப்டன் ரிஷப் பண்ட், ஓபனர் டேவிட் வார்னர் ஆகியோர் இணைந்து நல்ல பார்ட்னர்ஷிப் அமைத்தனர். பவுண்டரிகளையும், சிக்ஸர்களையும் அடித்து அணிக்கு ரன்களை சேர்த்தனர். மூன்றாவது விக்கெட்டுக்கு 60 ரன்களை சேர்த்த நிலையில், வார்னர் 34 பந்துகளில் 49 ரன்கள் எடுத்து அவுட்டானார். தனது இன்னிங்ஸில் 3 சிக்ஸர்கள், 5 பவுண்டரிகளை அடித்தார்.

வார்னரை தொடர்ந்து நன்றாக பேட் செய்து வந்த ரிஷப் பண்ட், 28 ரன்களில் வெளியேறினார்

அபிஷேக் போரல்

இந்த சீசனில் டெல்லி அணியின் முதல் போட்டியில் இம்பேக்ட் வீரராக களமிறக்கப்பட்ட அபிஷேக் போரல் கடைசி ஓவரில் 25 ரன்கள் அடித்தார். இவரது அதிரடியால் டெல்லி அணியின் ஸ்கோர் வெகுவாக உயர்ந்தது. இவர் இந்த போட்டியிலும் இம்பேக்ட் வீரராக இறக்கப்பட்டார். ஆனால் 9 ரன்னில் அவுட்டாகி ஏமாற்றம் அளித்தார்.

ஸ்டப்ஸ் அதிரடி

வெற்றிக்கு தேவைப்படும் ரன்ரேட் அதிகரித்த நிலையில், கடைசி கட்டத்தில் அதிரடி காட்டினார் ஸ்டப்ஸ். இவரது அதிரடியால் அணியின் ஸ்கோர் இலக்கை நோக்கி சென்றது. கடைசி ஓவரில் 17 ரன்கள் தேவைப்பட்ட நிலையில் பவுலிங் செய்த ஆவேஷ் கான் 4 ரன்கள் மட்டுமே விட்டுக்கொடுத்தார்.

களத்தில் இருந்த ஸ்டப்ஸ், பவுண்டரி, சிக்ஸர் அடிக்க முயற்சித்தது வீணானது. இருப்பினும் சிறப்பாக பேட் செய்த அவர் 3 சிக்ஸர், 2 பவுண்டரிகளுடன், 23 பந்துகளில் 44 ரன்கள் அடித்தார்.

இந்த சீசனில் தொடர்ச்சியாக 9வது போட்டியில் உள்ளூர் அணி வெற்றியை பெற்றுள்ளது.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews 

Facebook" https://www.facebook.com/HTTamilNews 

You Tube: https://www.youtube.com/@httamil 

Google News: https://tamil.hindustantimes.com/ 

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

https://www.whatsapp.com/channel/0029Va9NEUA7IUYU4eBTc81v