PAK vs BAN Match Preview: தொடர் தோல்விகளில் இருந்து மீண்டு வருமா பாகிஸ்தான்?-வங்கதேசத்துடன் இன்று மோதல்
Cricket Worldcup 2023: இரு அணிகளும் முந்தைய ஆட்டங்களில் மோசமான தோல்விகளை சந்தித்த பிறகு இந்த போட்டியில் நுழைகின்றன.
2023 ஐசிசி ஒருநாள் உலகக் கோப்பையின் முக்கியமான மோதலில், கொல்கத்தாவில் உள்ள ஈடன் கார்டன் மைதானத்தில் பாகிஸ்தானுக்கு எதிராக பங்களாதேஷ் அணி மோதுகிறது. இரு அணிகளும் முந்தைய போட்டியில் மோசமான் தோல்விகளை சந்தித்த பிறகு இந்த போட்டியில் நுழைகின்றன.
நெதர்லாந்து, இலங்கை ஆகிய இரு அணிகளை மட்டுமே பாகிஸ்தான் இத்தொடரில் இதுவரை வென்றுள்ளது. இந்தியா, ஆஸ்திரேலியா, ஆப்கானிஸ்தான், தென்னாப்பிரிக்கா ஆகிய அணிகளுடன் தோல்வியைத் தழுவியது.
இதில், ஆப்கனுடன் சென்னையில் தோல்வியைச் சந்தித்த பிறகு கடுமையான விமர்சனங்களை அந்த அணி எதிர்கொண்டது. பாகிஸ்தான் கிரிக்கெட் அணி கேப்டன் பாபர் அசாம் கடும் விமர்சனங்களை அந்நாட்டு முன்னாள் கிரிக்கெட் வீரர்களிடம் இருந்து எதிர்கொண்டு வருகிறார். எனவே, விமர்சனங்களுக்கு முற்றுப் புள்ளி வைக்க இன்றைய ஆட்டத்தில் அணியை வெற்றி பெறச் செய்ய முயற்சிப்பார்.
அதேநேரம், வங்கதேசம் இதுவரை ஒரே ஒரு ஆட்டத்தில் மட்டுமே ஜெயித்திருக்கிறது. எனவே, இன்றைய ஆட்டத்தில் பாகிஸ்தானுக்கு கடும் சவால் அளிக்கும் என எதிர்பார்க்கலாம்.
ஈடன் கார்டன்ஸ் மைதானம் எப்படி?
பேட்ஸ்மேன்கள் நிறைய ரன்கள் எடுத்துள்ளனர். இதேபோல், வேகப்பந்து வீச்சாளர்கள் புதிய பந்து சிறிது அசைவுகளைப் பெற முனைவதால் ஆரம்பத்தில் சிறப்பாக செயல்படலாம். இதேபோல், சுழற்பந்து வீச்சாளர்கள் ஈடன் கார்டனில் விளையாடுவதை விரும்புகிறார்கள், ஏனெனில் பந்து பெரும்பாலும் ஆடுகளத்திற்கு வெளியே நிறைய திருப்பம் மற்றும் பிடிப்பைக் காண்கிறது.
மீதமுள்ள அனைத்து போட்டிகளிலும் பாகிஸ்தான் வெற்றி பெற்று, அதிக நிகர ரன் ரேட்டை (NRR) எடுத்திருக்க வேண்டும், இது அவர்களின் தகுதி வாய்ப்புகளில் பாரிய பங்கை வகிக்கப் போகிறது என்பதால் இன்றைய போட்டி பரபரப்புடன் இருக்கும் என எதிர்பார்க்கலாம்.
ஸ்டார் ஸ்போர்ட்ஸ், டிஸ்னி பிளஸ் ஹாட்ஸ்டாரில் இப்போட்டியைக் கண்டு ரசிக்கலாம்.
பாகிஸ்தான் உத்தேச பிளேயிங் லெவன்
அப்துல்லா ஷபீக், இமாம்-உல்-ஹக், பாபர் அசாம் (கேப்டன்), முகமது ரிஸ்வான் (விக்கெட் கீப்பர்), சவுத் ஷகீல், ஷதாப் கான், இப்திகார் அகமது, முகமது நவாஸ், ஷாஹீன் அப்ரிடி, முகமது வாசிம் ஜூனியர், ஹாரிஸ் ரவுஃப்.
வங்கதேசம் உத்தேச பிளேயிங் லெவன்
தன்சித் ஹசன், லிட்டன் தாஸ், நஜ்முல் ஹொசைன் சாண்டோ, ஷாகிப் அல் ஹசன் (கேப்டன்), முஷ்பிகுர் ரஹீம் (விக்கெட் கீப்பர்), மஹ்முதுல்லா, மெஹிதி ஹசன் மிராஸ், மஹேதி ஹசன், தஸ்கின் அகமது, முஸ்தாபிசுர் ரஹ்மான், ஷோரிஃபுல் இஸ்லாம்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், ஆன்மிகம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
டாபிக்ஸ்