World Cup 2023: முதல் அணியாக நாக்அவுட் வாய்ப்பை இழந்த வங்கதேசம்! இரண்டாவது வெற்றியை பெற்ற நெதர்லாந்து

இதையடுத்து முதலில் பேட் செய்த 50 ஓவரில் 229 ரன்கள் எடுத்து ஆல் அவுட்டாகியது. அந்த அணி கேப்டன் அதிகபட்சமாக ஸ்காட் எட்வர்ட்ஸ் 68 ரன்கள் எடுத்தார். இதற்கு அடுத்தபடியாக இன்றைய போட்டியில் சேர்க்கப்பட்ட வெஸ்லி பாரேசி 41, சைப்ரண்ட் ஏங்கல்பிரெக்ட் 35 ரன்கள் எடுத்தனர். கடைசி நேரத்தில் அதிரடி காட்டிய லோகன் வான் பீக் 16 பந்துகளில் 23 ரன்கள் எடுத்து கடைசி வரை ஆட்டமிழக்காமல் இருந்தார்.

வங்கதேச பவுலர்களில் ஷோரிபுல் இஸ்லாம், தஸ்கின் அஹமது, முஸ்தபிசுர் ரஹ்மான், மெகிதி ஹாசன் ஆகியோர் தலா 2 விக்கெட்டை வீழ்த்தினர். கேப்டன் ஷாகிப் அல் ஹாசன் ஒரு விக்கெட்டை எடுத்தார்.

இதைத்தொடர்ந்து 230 ரன்கள் சேஸ் செய்து நெதர்லாந்து அணியை வீழ்த்தினால் புள்ளிப்பட்டியலில் ஐந்தாவது இடத்துக்கு முன்னேறும் வாய்ப்புடன் வங்கதேசம் அணி பேட்டிங்கை தொடர்ந்தது.

ஆஸ்திரேலியாவுக்கு எதிரான போட்டி தவிர, உலகக் கோப்பை 2023 தொடர் முழுவதும் சிறப்பாக பவுலிங் செய்து வந்த நெதர்லாந்து அணி இன்றைய போட்டியிலும் அதை தொடர்ந்தது. வங்கதேச பேட்ஸ்மேன்களுக்கு நெருக்கடி தரும் விதமாக பந்து வீசிய நிலையில் 42.2 ஓவரில் 142 ரன்களில் ஆல்அவுட்டாகியது.

வங்கதேச அணியில் அதிகபட்சமாக மெஹிதி ஹசன் மிராஸ் 35, மஹ்மதுல்லா 20, முஸ்தபிசுர் ரஹ்மான் 20 ரன்களை எடுத்தனர். 

இதனால் நெதர்லாந்து அணி 87 ரன்கள் வித்தியாசத்தில் வெற்றி பெற்றது. உலகக் கோப்பை 2023 தொடரில் இரண்டாவது வெற்றியை பதிவு செய்த நெதர்லாந்து, ஒரு நாள் கிரிக்கெட் போட்டியில் இரண்டாவது முறையாக வங்கதேசத்தை வீழ்த்தியுள்ளது.

நெதர்லாந்து பவுலர்களில் பால் வான் மீகெரென் 4, பாஸ் டீ லிட் 2 விக்கெட்டுகளை வீழ்த்தியுள்ளார். கொலின் அக்கர்மேன், லோகன் வான் பீக், ஆர்யன் தத் ஆகியோர் தலா ஒரு விக்கெட்டை வீழ்த்தினர். 

4 விக்கெட்டுகளை வீழ்த்தி நெதர்லாந்து வெற்றிக்கு காரணமாக அமைந்த பால் வான் மீகெரென் ஆட்ட நாயகனாக தேர்வு செய்யப்பட்டார். இந்த வெற்றியால் நெதர்லாந்து அணி புள்ளிப்பட்டியலில் 8வது இடத்துக்கு முன்னேறியுள்ளது. 

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9