இந்தியா vs தென்னாப்பிரிக்கா.. இன்று கடைசி டி20 மேட்ச், தொடரை கைப்பற்றுமா இந்தியா!

முதல் டி20 போட்டியில், சஞ்சு சாம்சன் 107 ரன்கள் எடுத்து இந்தியா 61 ரன்கள் வித்தியாசத்தில் அபார வெற்றி பெற உதவினார். இரண்டாவது போட்டியில் இந்திய பேட்டிங் வரிசை 120 ரன்கள் மட்டுமே எடுத்தது. வருண் சக்கரவர்த்தி 5 விக்கெட்டுகளை வீழ்த்தி அசத்தினார். 3வது டி20 மேட்ச்சில் திலக் வர்மா 107 ரன்களை விளாசினார்.

இருப்பினும், 2வது மேட்ச்சில் தென்னாப்பிரிக்கா வென்றது. தற்போது 2-1 என்ற நிலையில், இந்தியா முன்னிலை வகிக்கிறது. கடைசி டி20 போட்டியில் இரு அணிகளும் எவ்வாறு செயல்படுகின்றன என்பதில் அனைத்து கண்களும் உள்ளன.

இந்தியா ஜெயித்தால் தொடரை 3-1 என்ற கணக்கில் கைப்பற்றும். அதே நேரம், தென்னாப்பிரிக்கா ஜெயித்தால் தொடர் 2-2 என சமம் ஆகும்.

இந்தியா: சூர்யகுமார் யாதவ் (கேப்டன்), அபிஷேக் சர்மா, சஞ்சு சாம்சன், ரிங்கு சிங், திலக் வர்மா, ஜிதேஷ் சர்மா, ஹர்திக் பாண்டியா, அக்சர் படேல், ரமன்தீப் சிங், வருண் சக்கரவர்த்தி, ரவி பிஷ்னோய், அர்ஷ்தீப் சிங், விஜயகுமார் வைஷாக், அவேஷ் கான், யாஷ் தயால்.

தென் ஆப்பிரிக்கா: எய்டன் மார்க்ரம் (கேப்டன்), ஒட்நீல் பார்ட்மேன், ஜெரால்ட் கோட்ஸி, டோனோவன் ஃபெரைரா, ரீசா ஹென்ட்ரிக்ஸ், மார்கோ யான்சன், ஹென்ரிச் கிளாசன், பேட்ரிக் க்ரூகர், கேஷவ் மகராஜ், டேவிட் மில்லர், மிஹ்லாலி எம்போங்வானா, நகாபா பீட்டர், ரியான் ரிக்கெல்டன், ஆண்டிலே சிமெலேன், லுத்தோ சிபாம்லா (3 மற்றும் 4 வது டி20 போட்டிகள்), டிரிஸ்டன் ஸ்டப்ஸ்.

இந்தியா - தென்னாப்பிரிக்கா இடையேயான 4-வது டி20 போட்டி எப்போது நடைபெறும்?

இந்தியா மற்றும் தென்னாப்பிரிக்கா அணிகளுக்கு இடையேயான 4-வது டி20 போட்டி இன்று (நவம்பர் 15) நடைபெறுகிறது. இந்திய நேரப்படி இரவு 8.30 மணிக்கு தொடங்கும் இந்த போட்டி இரவு 8 மணிக்கு டாஸ் போட திட்டமிடப்பட்டுள்ளது.

இந்தியா - தென்னாப்பிரிக்கா இடையேயான 4வது டி20 போட்டி எங்கு நடைபெறுகிறது?

இந்தியா - தென்னாப்பிரிக்கா அணிகள் மோதும் 4-வது டி20 போட்டி ஜோஹன்னஸ்பர்க்கில் உள்ள தி வான்டரர்ஸ் மைதானத்தில் நடைபெறவுள்ளது.

இந்தியா மற்றும் தென்னாப்பிரிக்கா இடையேயான 4 வது டி20 போட்டியின் நேரடி ஒளிபரப்பை எங்கு காணலாம்?

இந்தியா - தென்னாப்பிரிக்கா அணிகள் மோதும் 4-வது டி20 போட்டி ஸ்போர்ட்ஸ் 18 சேனலில் நேரடி ஒளிபரப்பு செய்யப்படுகிறது.

இந்தியா - தென்னாப்பிரிக்கா இடையேயான 4வது டி20 போட்டியின் லைவ் ஸ்ட்ரீமிங்கை எங்கு பார்ப்பது?

இந்தியா மற்றும் தென்னாப்பிரிக்கா இடையேயான 4வது டி20 போட்டி ஜியோ சினிமாவில் நேரடி ஸ்ட்ரீமிங்கிற்கு கிடைக்கும்.