India vs Pakistan: மறக்க முடியாத உச்சக்கட்ட போட்டிகள், இரு அணி வீரர்களில் யார் டாப்?
இந்தியா - பாகிஸ்தான் போட்டிகள் எப்போதுமே சுவரஸ்யம், திருப்புமுனை, பரபரப்பு ஆகியவற்றுக்கு பஞ்சமில்லாமல் இருக்கும். அந்த வகையில் இவ்விரு அணிகளுக்கு இடையே மறக்க முடியாத உச்சக்கட்ட மோதல் ஆக இருந்த போட்டிகள், இரு அணி வீரர்களில் யார் டாப் சாதனை புரிந்தவராக உள்ளார் என்பதையும் பார்க்கலாம்

உலகமே எதிர்பார்த்து காத்திருக்கும் இந்தியா - பாகிஸ்தான் இடையிலான டி20 உலகக் கோப்பை போட்டி நியூயார்க்கில் இன்று நடைபெற இருக்கிறது. இந்திய நேரப்படி மாலை மணிக்கு இந்த போட்டி தொடங்குகிறது.
இது இவ்விரு அணிகளும் மோதிக்கொள்ளும் 13வது மோதலாக உள்ளது. டி20 உலகக் கோப்பை போட்டிகளில் 7 முறை இவ்விரு அணிகளும் நேருக்கு நேர் சந்தித்துள்ளன. இதில் 5 முறை இந்தியாவும், ஒரு முறை பாகிஸ்தானும், ஒரு போட்டி டையிலும் முடிந்தது.
கடந்த முறை இந்தியா வெற்றி
கடந்த 2022இல் ஆஸ்திரேலியாவில் நடைபெற்ற டி20 உலகக் கோப்பை தொடரில் இந்தியா - பாகிஸ்தான் மோதிய போட்டிகள் மெல்போர்னில் நடைபெற்றன. இதில் இந்தியா த்ரில் வெற்றியை பெற்றது. ஒற்றை ஆளாக கடைசி வரை பேட் செய்த விராட் கோலி 82 ரன்கள் அடித்து அணியை வெற்றி பாதைக்கு அழைத்து சென்றார். கிரிக்கெட் ரசிகர்கள் என்றென்றும் நினைவில் வைத்துக்கொள்ளும் விதமாக விராட் கோலியின் இன்னிங்ஸ் அமைந்திருந்தது.