Virat Kohli: எதிர்கொண்டது வெறும் 9 பந்து.. டக் அவுட்டாகி அதிர்ச்சி கொடுத்த விராட் கோலி
இந்த உலகக் கோப்பை தொடரில் இந்தியாவுக்காக அதிக ஸ்கோர் அடித்து குவித்தவர் விராட் கோலி தான். அவர் ஆட்டமிழந்தது அனைவரையும் அதிர்ச்சியில் ஆழ்த்தியது.
ஞாயிற்றுக்கிழமை நடந்த உலகக் கோப்பையில் கட்டாயம் வெல்ல வேண்டிய போட்டியில் இங்கிலாந்து அணியின் வேகப்பந்து வீச்சாளர்கள் விராட் கோலி, ஷுப்மன் கில்லின் விக்கெட்டுகளை எடுத்து ஆதிக்கம் செலுத்தி வருகின்றனர். இந்தியாவின் நட்சத்திர பேட்ஸ்மேன் விராட் கோலி ஒன்பது பந்துகளை எதிர்கொண்டு, டக் அவுட்டாகினார்.
இடது கை வேகப்பந்து வீச்சாளர் டேவிட் வில்லி வீசிய பந்தை, பென் ஸ்டோக்ஸின் மிட்-ஆஃபில் லாஸ் ஷாட் ஆடி கேட்ச் ஆனார். லக்னோவின் ஏகானா ஸ்டேடியம் முழுவதும் ஒரு நிமிடம் அமைதியானது.
சச்சின் டெண்டுல்கரின் 49 சதங்கள் என்ற சாதனையை சமன் செய்ய கோலிக்கு இன்னும் ஒரு சதமே தேவைப்பட்ட நிலையில், இன்றைய ஆட்டத்தில் அதை செய்துவிடுவார் என எதிர்பார்க்கப்பட்டது.
கிறிஸ் வோக்ஸ் நான்காவது ஓவரில் ஷுப்மான் கில்லை போல்டு ஆக்கினார். அப்போது கில் 9 ரன்கள் மட்டுமே எடுத்திருந்தார், இங்கிலாந்து, 10 அணிகள் கொண்ட புள்ளி அட்டவணையில் கடைசி இடத்தில் உள்ளது. இன்றைய ஆட்டத்தில் அவர்கள் சிறப்பாகவே பந்துவீசி வருகின்றனர்.
பின்னர் களம் புகுந்த ஸ்ரேயாஸ் ஐயரும் இன்று சோபிக்கவில்லை. 4 ரன்களில் நடையைக் கட்டினார்.
இந்த மைதானத்தில் நடைபெறும் நான்காவது போட்டியாக இது அமைந்துள்ளது. இந்த உலகக் கோப்பை தொடரில் மிகவும் எதிர்பார்ப்பை ஏற்படுத்திய போட்டிகளில் ஒன்றாக இந்த போட்டி உள்ளது.
நடப்பு சாம்பியனான இங்கிலாந்து அணிக்கு கடைசி வாய்ப்பாக இந்தியாவுக்கு எதிரான இந்தப் போட்டி அமைந்துள்ளது. இதில் வென்றால் உள்ளே, இல்லாவிட்டால் வெளியே என்கிற இக்கட்டான நிலைமையில் அந்த அணி களமிறங்குகிறது.
முதலில் விளையாடுவது இந்தியாவுக்கு சாதகமாகவே கருதப்பட்டது. ஆனால், ஸ்கோரை அதிகமாக பதிவு செய்ய வேண்டிய கட்டாயத்தில் இந்தியா இருக்கிறது. அதேநேரம், இங்கிலாந்துக்கு இந்தியாவுக்கு எதிராக வெற்றி மட்டுமில்லாமல் இனி எஞ்சிய அனைத்து போட்டிகளிலும் நல்ல ரன்ரேட்டில் வென்றாக வேண்டிய கட்டாயம் உள்ளது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
டாபிக்ஸ்