‘Let's wait and see’-தலைநகரில் களம் காண காத்திருக்கும் சூர்யகுமார் யாதவ் டீம்.. மீண்டெழுமா பங்களாதேஷ்!
முதல் டி20 சர்வதேச போட்டியில் ஏமாற்றமளிக்கும் தோல்விக்குப் பிறகு பங்களாதேஷ் தங்கள் லெவன் அணியில் மாற்றங்களைக் கொண்டுவரக் கூடும். இந்திய அணியில் உள்ளூர் வீரர் அறிமுகமாக வாய்ப்புள்ளது. அப்படி அவர் அறிமுகமானால், வாஷ்ங்டன் சுந்தர் பெஞ்ச்சில் அமர வைக்கப்படக் கூடும் என தெரிகிறது.
மூன்று போட்டிகள் கொண்ட தொடரின் இரண்டாவது டி20 சர்வதேசப் போட்டியில், புதன்கிழமை டெல்லியில் உள்ள அருண் ஜெட்லி மைதானத்தில் சூர்யகுமார் யாதவ் தலைமையிலான இந்தியா, வங்கதேசத்தை எதிர்கொள்ளும். இந்தியா, குவாலியரில் நடந்த முதல் போட்டியில் வங்கதேச அணிக்கு எதிரான போட்டியில் இந்தியா வெற்றி பெற்று 1-0 என முன்னிலை பெற்றது. ஏற்கனவே டெஸ்ட் தொடரையும் முழுமையாக கைப்பற்றி வங்கதேசத்தை ஒயிட் வாஷ் செய்தது. 2வது டி20 மேட்ச், நாளை இரவு 7 மணிக்கு தொடங்குகிறது. டாஸ் 6.30 மணிக்கு போடப்படும்.
அணியின் செயல்பாட்டைப் பொறுத்தவரை, இந்தியா எந்தவொரு மாற்றமும் இல்லாமல் பிளேயிங் 11-ஐ களமிறக்கும் என்று எதிர்பார்க்கப்படுகிறது, ஏனெனில் நிர்வாகம் அணித் தேர்வில் தொடர்ச்சியை அப்படியே தொடர விரும்ப வாய்ப்புள்ளது. இருப்பினும், உள்ளூர் வீரரான ஹர்ஷித் ராணா இந்தியா vs வங்காளதேசம் T20 தொடரில் அறிமுகமான மூன்றாவது வீரரானாலும் ஆச்சரியப்படுவதற்கில்லை.
பயிற்சி அமர்வின் போது, ஹர்ஷித் பந்து வீசினார், பின்னர் ஃபெரோஸ் ஷா கோட்லா மைதானத்தில் பிரதான ஆடுகளத்தின் ஓரத்தில் பந்து வீச மோர்னே மோர்கல் உதவினார். அப்படியானால், வாஷிங்டன் சுந்தர் இந்தியாவின் ப்ளேயிங் 11ல் இருந்து நீக்கப்பட வாய்ப்பு இருப்பதாக தெரிகிறது. இதற்கிடையில், முதல் டி20 சர்வதேச போட்டியில் ஏமாற்றமளிக்கும் தோல்விக்குப் பிறகு பங்களாதேஷ் தங்கள் லெவன் அணியில் மாற்றங்களைக் கொண்டுவரக் கூடும்.
முதல் டி20 மேட்ச்சில் வருண் சக்கரவர்த்தியும், அர்ஷ்தீப் சிங்கும் தலா 3 விக்கெட்டுகளை கைப்பற்றி அசத்தினார். மயங்க் யாதவும் வேகத்தில் மிரட்டினார். ஒரு ஓவரை மெய்டனாக வீசிய அவர், 1 விக்கெட்டையும் எடுத்து 21 ரன்களை மட்டுமே விட்டுக்கொடுத்தார். மொத்தம் 4 ஓவர்களை அவர் வீசினார்.
பேட்டிங்கில் இந்தியா வலுவாகவே உள்ளது. முதல் டி20 மேட்ச்சில் சஞ்சு சாம்சன் தொடக்க ஆட்டக்காரராக இறங்கி, 29 ரன்களை விளாசினார். அதில் 6 பவுண்டரிகள் அடங்கும். அபிஷேக் 16 ரன்களும், கேப்டன் சூர்யகுமார் யாதவ், 29 ரன்களும் எடுத்து ஆட்டமிழந்தனர். ஹர்திக் பாண்டியாவும் நல்ல ஃபார்மில் உள்ளார்.
இந்தியா உத்தேச பிளேயிங் லெவன்:
அபிஷேக் சர்மா, சஞ்சு சாம்சன் (விக்கெட் கீப்பர்), சூர்யகுமார் யாதவ் (கேப்டன்), ரியான் பராக், நிதிஷ் குமார் ரெட்டி, ஹர்திக் பாண்டியா, ரின்கு சிங், வாஷிங்டன் சுந்தர்/ஹர்ஷிர் ராணா, வருண் சக்ரவர்த்தி, மயங்க் யாதவ், அர்ஷ்தீப் சிங்
பங்களாதேஷ் உத்தேச பிளேயிங் 11 : பர்வேஸ் ஹொசைன் எமன், லிட்டன் தாஸ், நஜ்முல் ஹொசைன் சாண்டோ, தௌஹித் ஹிரிடோய், மஹ்முதுல்லா, ஜாகர் அலி அனிக், மெஹிதி ஹசன் மிராஸ், தஸ்கின் அகமது, முஸ்தாபிசுர் ரஹ்மான், ரிஷாத் ஹொசைன், ஷோரிஃபுல் இஸ்லாம்.
இந்தியா மற்றும் வங்கதேசம் இடையேயான டி20 போட்டியில் நேருக்கு நேர்
விளையாடிய மொத்த போட்டிகள்: 14
இந்தியா வென்றது: 13
வங்கதேசம் வென்றது: 1
இந்தியா மற்றும் பங்களாதேஷ் இடையிலான 2வது டி20 போட்டியின் நேரடி ஒளிபரப்பு இந்தியாவில் உள்ள ஸ்போர்ட்ஸ் 18 நெட்வொர்க்கில் கிடைக்கும். மேலம், நேரடி ஒளிபரப்பு இந்தியாவில் ஜியோ சினிமா ஆப் மற்றும் இணையதளத்திலும் கிடைக்கும்.
டாபிக்ஸ்