Ind vs Ire Result: Iconic சிக்ஸர் ஷாட்டில் பினிஷ் செய்த பண்ட்! ரோகித் அரைசதம் - அயர்லாந்தை வீழ்த்திய இந்தியா
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  கிரிக்கெட்  /  Ind Vs Ire Result: Iconic சிக்ஸர் ஷாட்டில் பினிஷ் செய்த பண்ட்! ரோகித் அரைசதம் - அயர்லாந்தை வீழ்த்திய இந்தியா

Ind vs Ire Result: Iconic சிக்ஸர் ஷாட்டில் பினிஷ் செய்த பண்ட்! ரோகித் அரைசதம் - அயர்லாந்தை வீழ்த்திய இந்தியா

Muthu Vinayagam Kosalairaman HT Tamil Published Jun 05, 2024 11:05 PM IST
Muthu Vinayagam Kosalairaman HT Tamil
Published Jun 05, 2024 11:05 PM IST

ஆட்டத்தில் ஆரம்ப ஓவர்களில் திணறியபோதிலும், பின்னர் சிறப்பாக பேட் செய்து ரோகித் அரைசதம் அடித்தார். தனது பாணி ஆட்டத்தை வெளிப்படுத்திய ரிஷப் பண்ட் Iconic சிக்ஸர் ஷாட்டில் பினிஷ் செய்தார். இந்த வெற்றியின் மூலம் இந்தியாவுக்காக அதிக வெற்றி பெற்ற கேப்டன் என்ற சாதனையும் புரிந்துள்ளார் ரோகித் ஷர்மா.

அயர்லாந்துக்கு எதிராக Iconic சிக்ஸர் ஷாட்டில் பினிஷ் செய்த பண்ட்
அயர்லாந்துக்கு எதிராக Iconic சிக்ஸர் ஷாட்டில் பினிஷ் செய்த பண்ட் (PTI)
Share on Whatsappஎங்களை பின் தொடரலாம்
  • Share on Twitter
  • Share on Facebook

டி20 உலகக் கோப்பை தொடரின் 8வது போட்டி இந்தியா - அயர்லாந்து அணிகளுக்கு இடையே நியூயார்க்கில் நடைபெற்றது. குரூப் ஏ பிரிவில் இடம்பிடித்திருக்கும் இரு அணிகளும், இந்த உலகக் கோப்பை தொடரில் தங்களது முதல் போட்டியில் களமிறங்கின.

இந்திய அணி கடைசியாக விளையாடி 5 டி20 போட்டிகளில் நான்கு வெற்றிகளை பெற்றுள்ளது. அயர்லாந்து அணி தனது கடைசி 5 டி20 போட்டியில் 3 வெற்றிகளை பெற்றிருக்கிறது.

இந்த போட்டியில் சுமார் 18 மாதங்களுக்கு பிறகு விக்கெட் கீப்பர் பேட்ஸ்மேனான ரிஷப் பண்ட் இந்திய அணிக்கு கம்பேக் கொடுத்தார். அதேபோல் ஹார்திக் பாண்ட்யாவை சேர்ந்து நான்கு வேகப்பந்து வீச்சாளர்களுடன் இந்தியா களமிறங்கியது.

இந்தியா பவுலிங்

இந்த போட்டியில் டாஸ் வென்ற இந்திய அணி கேப்டன் ரோகித் ஷர்மா பவுலிங்கை தேர்வு செய்துள்ளார். இதையடுத்து முதலில் பேட் செய்த அயர்லாந்து ஓவரில் ரன்களுக்கு ஆல்அவுட்டாகியுள்ளது. அந்த அணியில் அதிகபட்சமாக கரேத் டெலானி 26, ஜோஷ் லிட்டில் 14, கர்டிஸ் காம்பர் 12, லார்கன் டக்கர் 10 ரன்கள் எடுத்தனர். இவர்களை தவிர மற்ற பேட்ஸ்மேன்கள் ஒற்றை இலக்கத்தில் வெளியேறினார்கள்.

இந்திய பவுலர்களில் ஹர்திக் பாண்ட்யா 3 விக்கெட்டுகளையும், அர்ஷ்தீப் சிங் , ஐஸ்ப்ரீத் பும்ரா ஆகியோர் தலா 2 விக்கெட்டுகளை கைப்பற்றினர். முகமது சிராஜ், அக்‌ஷர் படேல் ஆகியோர் தலா ஒரு விக்கெட்டை எடுத்தனர்.

இந்திய சேஸிங்

எளிய இலக்கை விரட்டிய இந்தியா 12.2 ஓவரில் 2 விக்கெட் இழப்புக்கு 97 ரன்கள் எடுத்தது. இதன்மூலம் 46 பந்துகள் மீதமிருக்க, 8 விக்கெட் வித்தியாசத்தில் வெற்றி பெற்றது. அதிகபட்சமாக ரோகித் ஷர்மா 52, ரிஷப் பண்ட் 36 ரன்கள் அடித்தனர்.

ஓபனிங் பேட்ஸ்மேனாக களமிறங்கிய கோலி ஒரு ரன்னில் அவுட்டாகி ஏமாற்றம் தந்தார். அதேபோல் சூர்ய குமார் யாதவும் 2 ரன்னில் வெளியேறினார். அயர்லாந்துக்கு எதிராக தனது வெற்றி பயணத்தை இந்திய தொடர்ந்துள்ளது. அத்துடன் இது ரோகித்தின் 43வது டி20 சர்வதேச வெற்றியாக அமைந்துள்ளது. இதன் மூலம் அதிக டி20 போட்டிகளில் வென்ற இந்திய கேப்டன் என்ற சாதனையை புரிந்துள்ளார்.

ரோகித்துக்கு காயம்

இந்திய இன்னிங்ஸில் ஆரம்பத்தில் ரோகித் ஷர்மா பேட்டிங்கில் தடுமாறினார். முதல் ஓவரில் 2 ரன்கள் எடுத்தபோது ரோகித்துக் கேட்ச் மிஸ் செய்யப்பட்டது. அதன் பின்னர் தனக்கு கிடைத்த அதிர்ஷ்டத்தை நன்கு பயன்படுத்தி கொண்ட ரோகித் மெல்ல மெல்ல அதிரடியாக பேட் செய்து ரன் குவித்தார். இதையடுத்து 36 பந்துகளுக்கு அரைசதமடித்தார். 37 பந்துகளில் 52 ரன்கள் எடுத்தபோது, மார்க் அடேர் வீசிய பவுன்சர் பந்து ரோகித்தின் வலது கையில் பட்டு லேசாக காயமுற்று அசெளகரியத்தை உணர்ந்தார் ரோகித். இதனால் ரிட்டயர்ட் ஹர்ட் ஆகி களத்தை விட்டு வெளியேறினார்.

ரிஷப் பண்ட் அதிரடி

கோலி அவுட்டான பிறகு சர்ப்ரைசாக மூன்றாவது பேட்ஸ்மேனாக ரிஷப் பண்ட் களமிறக்கப்பட்டார். தனது பாணியில் அதிரடியாக பேட் செய்த விரைவாக ரன்களை சேர்த்தார். ரோகித் - பண்ட் இணைந்து 56 ரன்கள் சேர்த்தனர். தனது பாணியிலான Iconic சிக்ஸர் ஷாட்டாக இருக்கும் ரிவர்ஸ் ஸ்வீப்பில் சிக்ஸர் அடித்து ஆட்டத்தை பினிஷ் செய்தார்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.