Ind vs Ire Toss: 18 மாதங்களுக்கு பிறகு ரிஷப் பண்ட் கம்பேக்! நான்கு வேகப்பந்து வீச்சாளர்களுடன் களமிறங்கும் இந்தியா
இந்திய அணியில் சுமார் 18 மாதங்களுக்கு பிறகு ரிஷப் பண்ட் கம்பேக் கொடுத்துள்ளார். நான்கு வேகப்பந்து வீச்சாளர்களுடன் முதல் போட்டியில் அயர்லாந்து அணியை எதிர்கொள்கிறது.
டி20 உலகக் கோப்பை தொடரின் 8வது போட்டி இந்தியா - அயர்லாந்து அணிகளுக்கு இடையே நியூயார்க்கில் இன்று நடைபெறுகிறது.
குரூப் ஏ பிரிவில் இடம்பிடித்திருக்கும் இரு அணிகளும், இந்த உலகக் கோப்பை தொடரில் தங்களது முதல் போட்டியில் களமிறங்குகின்றன. இந்திய அணி கடைசியாக விளையாடி 5 டி20 போட்டிகளில் நான்கு வெற்றிகளை பெற்றுள்ளது. அயர்லாந்து அணி தனது கடைசி 5 டி20 போட்டியில் 3 வெற்றிகளை பெற்றிருக்கிறது.
இந்தியா பவுலிங்
இதையடுத்து இந்த போட்டியில் டாஸ் வென்ற இந்திய அணி கேப்டன் ரோகித் ஷர்மா பவுலிங்கை தேர்வு செய்துள்ளார். இந்திய அணியில் சுமார் 18 மாத இடைவெளிக்கு பிறகு விக்கெட் கீப்பர் பேட்ஸ்மேனாக ரிஷப் பண்ட் கம்பேக் கொடுத்துள்ளார். அதேபோல் ஐபிஎல் போட்டிகளில் சிக்ஸர்களால் எதிரணியை மிரள வைத்த ஷிவம் துபே சேர்க்கப்பட்டுள்ளார். இந்திய அணி ஹர்திக் பாண்ட்யாவுடன் சேர்த்து நான்கு வேகப்பந்து வீச்சாளர்களுடன் விளையாடுகிறது.
அத்துடன் யஷஸ்வி ஜெய்ஸ்வால் சேர்க்கப்படாத நிலையில் ரோகித் ஷர்மாவுடன், விராட் கோலி ஓபனிங் பேட்ஸ்மேனாக களமிறங்குவார்கள் என தெரிகிறது.
"வங்கதேசத்துக்கு எதிராக விளையாடிய பயிற்சி ஆட்டத்தில் இருப்பது போன்றே ஆடுகளம் உள்ளது. எனவே அனுபவத்தை பயண்படுத்தி விளையாட வேண்டும்" என்று டாஸுக்கு பின் ரோகித் ஷர்மா கூறியுள்ளார்
பிட்ச் எப்படி?
நியூயார்க்கில் நடைபெற்ற முதல் போட்டியில் இலங்கை - தென் ஆப்பரிக்கா அணிகள் மோதின. இதில் இலங்கை 100 ரன்களுக்குள் ஆல்அவுட்டானது. தென் ஆப்பரிக்காவும் குறைவான இலக்கை 15 ஓவர்கள் வரை பேட் செய்தே சேஸ் செய்தது. பேட்ஸ்மேன்களுக்கு சவால் அளிக்கும் விதமாக பிட்ச் அமைந்திருந்தது.
இந்த போட்டி தொடங்குவதற்கு முன்னர் பயிற்சி ஆட்டத்தில் இதே மைதானத்தில் இந்தியா - வங்கதேசம் அணிகள் விளையாடின. இதில் இந்திய பேட்டிங்கில் பட்டையை கிளப்பியதோடு 182 ரன்கள் குவித்தது.
எனவே இன்றைய போட்டியில் பிட்ச் முக்கியத்துவம் வாய்ந்ததாக உள்ளது. இந்த மைதானத்தில் நடைபெற்ற முதல் போட்டியில் டாஸ் வென்ற இலங்கை பேட்டிங்கை தேர்வு செய்து தோல்வியை தழுவியது. தற்போது இந்தியா டாஸ் வென்று சேஸிங்கை தேர்வு செய்துள்ளது.
இதுவரை இந்தியா - அயர்லாந்து அணிகள் 7 போட்டிகளில் நேருக்கு நேர் மோதியுள்ளன. இதில் அனைத்து போட்டிகளிலும் இந்தியா வெற்றி பெற்றுள்ளது.
இந்த போட்டியில் களமிறங்கும் இரு அணிகள்
இந்தியா: ரோகித் ஷர்மா (கேப்டன்), விராட் கோலி, சூர்ய குமார் யாதவ், ஷிவம் டுபே, ரிஷப் பண்ட் (விக்கெட் கீப்பர்), ரவீந்திர ஜடேஜா, அக்ஷர் படேல், முகமது சிராஜ், ஜஸ்ப்ரீத் பும்ரா, அர்ஷ்தீப் சிங்
அயர்லாந்து: பால் ஸ்டிர்லிங் (கேப்டன்), ஆண்டி பால்பிர்னி, லோர்கன் டக்கர் (விக்கெட் கீப்பர்), ஹாரி டெக்டர், கர்டிஸ் கேம்பர், ஜார்ஜ் டோக்ரெல், கரேத் டெலானி, மார்க் அடேர், பாரி மெக்கார்த்தி, ஜோஷ் லிட்டில், பென் ஒயிட்
சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:
Twitter: https://twitter.com/httamilnews
Facebook" https://www.facebook.com/HTTamilNews
You Tube: https://www.youtube.com/@httamil
Google News: https://tamil.hindustantimes.com/
ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.
டாபிக்ஸ்