PBKS vs RR Result: கடைசி வரை போராடிய பஞ்சாப் பவுலர்கள்! சிக்ஸருடன் பினிஷ் செய்த ராயல்ஸ் பேட்ஸ்மேன் ஹெட்மேயர்

இந்த போட்டியில் பஞ்சாப் கிங்ஸ் அணியில் லேசான காயம் காரணமாக ஷிகர் தவான் விளையாடவில்லை. அவருக்கு பதிலாக அதர்வ தைடே சேர்க்கப்பட்டார். அத்துடன் தவான் இல்லாத நிலையில், ஆல்ரவுண்டர் சாம் கரன் கேப்டனாக செயல்பட்டார். சிகந்தர் ராசாவுக்கு பதிலாக லியாம் லிவிங்ஸ்டன் சேர்க்கப்பட்டார்.

ராஜஸ்தான் ராயல்ஸ் அணியிலும் லேசான காயம் காரணமாக ரவிச்சந்திரன் அஸ்வின், ஜோஸ் பட்லர் ஆகியோருக்கு பதிலாக ரோவ்மன் பவல், தனுஷ் கோட்யான் ஆகியோர் சேர்க்கப்பட்டனர். இளம் வீரரான தனுஷ் கோட்யான் முதல் ஐபிஎல் போட்டியில் களமிறகினார்

பஞ்சாப் ரன் குவிப்பு

இந்த போட்டியில் டாஸ் வென்ற ராஜஸ்தான் ராயல்ஸ் கேப்டன் சஞ்சு சாம்சன் பவுலிங்கை தேர்வு செய்தார். இதையடுத்து முதலில் பேட் செய்த பஞ்சாப் கிங்ஸ் 20 ஓவரில் 8 விக்கெட் இழப்புக்கு 147 ரன்கள் எடுத்தது. அந்த அணியில் யாரும் அரைசதம் அடிக்கவில்லை. அதிகபட்சமாக இம்பேக்ட் வீரராக களமிறங்கிய அஷ்டோஷ் ஷர்மா 31 ரன்கள் எடுத்தார். இவருக்கு அடுத்தபடியாக ஜித்தேஷ் ஷர்மா 29, லியாம் லிவிங்ஸ்டன் 21 ரன்கள் எடுத்தனர்.

ராஜஸ்தான் பவுலர்களில் ஸ்பின்னரான கேசவ் மகாராஜ், வேகப்பந்து வீச்சாளர் ஆவேஷ் கான் தலா 2 விக்கெட்டுகளை வீழ்த்தினர். யஸ்வேந்திர சஹால், குல்தீப் சென், ட்ரெண்ட் போல்ட் ஆகியோர் தலா ஒரு விக்கெட்டை எடுத்தனர்.

ராஜஸ்தான் ராயல்ஸ் சேஸிங்

148 ரன்கள் இலக்கை விரட்டிய ராஜஸ்தான் ராயல்ஸ்19.5 ஓவர் முடிவில் 7 விக்கெட் இழப்புக்கு 152 ரன்கள் எடுத்தது. இதன் மூலம் 7 விக்கெட் வித்தியாசத்தில் த்ரில் வெற்றியை பெற்றது. கடைசி வரை போராடிய போதியும் பஞ்சாப் அணி தோல்வியை தழுவியது.

அந்த அணியில் ஓபனர் ஜெய்ஸ்வால் 39, ஷிமரான் ஹெட்மேயர் 27, தனுஷ் கோட்யான் 24, ரியான் பராக் 23 ரன்கள் எடுத்தனர்.

பஞ்சாப் பவுலர்களில் ககிசோ ரபாடா, சாம் கரன் ஆகியோர் தலா 2 விக்கெட்டுகளை கைப்பற்றினர். அர்ஷ்தீப் சிங், லியாம் லிவிங்ஸ்டன்.ஹர்ஷல் படேல் ஆகியோர் தலா ஒரு விக்கெட்டை எடுத்தனர்.

நல்ல தொடக்கம்

ராஜஸ்தான் ராயல்ஸ் அணிக்கு ஓபனர்கள் யஷஸ்வி ஜெயஸ்வால் - தனுஷ் கோட்யான் ஆகியோர் நல்ல தொடக்கத்தை தந்தனர். இருவரும் இணைந்து முதல் விக்கெட்டுக்கு 56 ரன்கள் சேர்த்தனர். கோட்யான் 24 ரன்கள் எடுத்து தனது விக்கெட்டை பறிகொடுத்தார்.

மற்றொரு ஓபனர் ஜெய்ஸ்வால் 39 ரன்கள் அடித்து அவுட்டானார்.

இவர்களை தொடர்ந்து வந்த கேப்டன் சஞ்சு சாம்சன் 18 ரன்களில் அவுட்டாகி பெவிலியன் திரும்பினார்.

பஞ்சாப் பவுலர்கள் நெருக்கடி

ராஜஸ்தான் பேட்ஸ்மேன்கள் அதிரடியாக பேட் செய்ய விடாமல் பஞ்சாப் பவுலர்கள் நெருக்கடி அளித்தனர். இதனால் தேவைப்படும் ரன் ரேட் அதிகரித்தது. மிடில் ஆர்டரில் பேட் செய்ய வந்து துருவ் ஜுரல் 6 ரன்னில் வெளியேறி ஏமாற்றினார்.

சிறப்பாக பேட் செய்து வந்த ரியான் பராக்கும் 23 ரன்களில் அடித்து ஆட முயன்று அவுட்டானார். அதேபோல் ரோவ்மன் பவல் 11, கேசவ் மகராஜ் 1 ஆகியோரின் விக்கெட்டுகளை சாம் கரன் ஒரே ஓவரில் தூக்கினார்.

பினிஷ் செய்த ஹெட்மேயர்

களத்தில் ஹெட்மேயர் இருந்த நிலையில், கடைசி ஓவரில் 10 ரன்கள் தேவைப்பட்டது. அர்ஷ்தீப் சிங் வீசிய அந்த ஓவர் முதல் இரண்டு பந்துகள் டாட் பால் ஆக, ஆடத்தில் சுவாரஸ்யம் தொற்றி கொண்டது. அப்போது மூன்றாவது பந்தில் ஹெட்மேயர் சிக்ஸர் அடித்தார். நான்காவது பந்தில் 2 ரன்கள் எடுக்க, 5வது பந்தில் மீண்டுமொரு சிக்ஸர் அடித்து ஆட்டத்தை பினிஷ் செய்தார்.

இந்த போட்டிக்கு பின்னர் புள்ளிப்பட்டியலில் எந்த மாற்றமும் நிகழவில்லை.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews 

Facebook" https://www.facebook.com/HTTamilNews 

You Tube: https://www.youtube.com/@httamil 

Google News: https://tamil.hindustantimes.com/ 

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

https://www.whatsapp.com/channel/0029Va9NEUA7IUYU4eBTc81v