India Head Coach: இந்திய கிரிக்கெட் அணிக்கு புதிய தலைமை பயிற்சியாளர் நியமனம் - பிசிசிஐ வெளியிட்ட முக்கிய அறிவிப்பு!
India Head Coach, Gautam Gambhir: இந்திய கிரிக்கெட் அணியின் தலைமை பயிற்சியாளராக ராகுல் டிராவிட்டுக்கு பதிலாக கவுதம் கம்பீர் நியமிக்கப்பட்டுள்ளார்.
2024 டி20 உலகக் கோப்பையை வென்ற உற்சாகத்தோடு, இந்திய கிரிக்கெட் அணியின் பயிற்சியாளராக இருந்த ராகுல் டிராவிட்டின் பதவிக்காலமும் முடிவுக்கு வந்தது. இதையடுத்து, இந்திய அணியின் தலைமை பயிற்சியாளர் பதவிக்கு முன்னாள் இந்திய தொடக்க வீரர்கள் கவுதம் கம்பீர் மற்றும் டபிள்யூ.வி.ராமன் ஆகியோர் கடந்த மாதம் பிசிசிஐயின் கிரிக்கெட் ஆலோசனைக் குழுவால் (சிஏசி) நேர்காணல் செய்யப்பட்டனர்.
இதனைத் தொடர்ந்து கவுதம் கம்பீருக்கு பிசிசிஐ முன்னுரிமை அளிக்க வாய்ப்பிருப்பதாகக் கூறப்பட்ட நிலையில், கம்பீர் சமீபத்தில் கொல்கத்தா நைட் ரைடர்ஸ் (கே.கே.ஆர்) அணிக்காக தனது பிரியாவிடையை முடித்தார். இந்தியன் பிரீமியர் லீக்கின் (ஐபிஎல்) 2024 பதிப்பில் கொல்கத்தாவின் மூன்றாவது பட்டத்தை வென்றார்.
இந்த நிலையில், இந்திய கிரிக்கெட் அணியின் புதிய தலைமை பயிற்சியாளராக கவுதம் கம்பீர் அதிகாரபூர்வமாக நியமிக்கப்பட்டுள்ளார்.
பிசிசிஐ செயலாளர் ஜெய் ஷா வாழ்த்து
தலைமை பயிற்சியாளராக கம்பீர் இந்திய முகாமிற்கு வருவதை உறுதிப்படுத்திய பிசிசிஐ செயலாளர் ஜெய் ஷா, இரண்டு முறை உலகக் கோப்பை வென்றவருக்கு தனது எக்ஸ் இல் ஒரு சிறப்பு குறிப்பை எழுதியுள்ளார். "இந்திய கிரிக்கெட்டை முன்னோக்கி வழிநடத்த கம்பீர் பொருத்தமான நபர் என்று தான் நம்புவதாக பி.சி.சி செயலாளர் வலியுறுத்தினார். "இந்திய கிரிக்கெட் அணியின் புதிய தலைமை பயிற்சியாளராக கவுதம் கம்பீரை வரவேற்பதில் நான் மிகுந்த மகிழ்ச்சியடைகிறேன். நவீன கால கிரிக்கெட் வேகமாக வளர்ந்துள்ளது. மேலும் கவுதம் இந்த மாறிவரும் சூழலை அருகில் இருந்து பார்த்துள்ளார்" என்று ஷா கூறினார்.
"தனது வாழ்க்கை முழுவதும் பல்வேறு பாத்திரங்களில் சிறந்து விளங்கிய கவுதம் இந்திய கிரிக்கெட்டை முன்னோக்கி கொண்டு செல்ல பொருத்தமான நபர் என்று நான் நம்புகிறேன். #TeamIndia குறித்த அவரது தெளிவான பார்வை, அவரது பரந்த அனுபவத்துடன் இணைந்து, இந்த உற்சாகமான மற்றும் மிகவும் விரும்பப்படும் பயிற்சியாளர் பாத்திரத்தை ஏற்க அவரை சரியாக நிலைநிறுத்துகிறது. இந்த புதிய பயணத்தைத் தொடங்கும்போது பிசிசிஐ அவருக்கு முழு ஆதரவளிக்கிறது" என்று பிசிசிஐ செயலாளர் மேலும் கூறினார்.
முன்னதாக, இந்த மாதம் இலங்கைக்கு எதிரான வெள்ளை பந்து தொடரில் இருந்து இந்தியாவுக்கு புதிய தலைமை பயிற்சியாளர் இருப்பார் என்று பிசிசிஐ செயலாளர் ஷா உறுதிப்படுத்தினார். பயிற்சியாளர் மற்றும் தேர்வாளர் நியமனங்கள் விரைவில் நடைபெறும். சி.ஏ.சி இரண்டு பெயர்களை நேர்காணல் செய்து பட்டியலிட்டுள்ளதாக தெரிவித்திருந்தார்.
முன்னதாக, ஜிம்பாப்வே தொடருக்கு இந்திய அணியின் முன்னாள் வீரர் வி.வி.எஸ்.லட்சுமணன் பயிற்சியாளராக அனுப்பப்பட்டு உள்ளார். என்றாலும் தலைமைப் பயிற்சியாளர் பதவி நியமனத்தில் தாமதம் ஆவது ஏன் என்பது குறித்து பல்வேறு தகவல்கள் வெளியாகி வந்த சூழலில் தற்போது கவுதம் கம்பீர் இந்திய கிரிக்கெட் அணியின் பயிற்சியாளராக நியமிக்கப்பட்டுள்ளார்.
ரூ.12 கோடி சம்பளம்
கவுதம் கம்பீர் புதிய தலைமைப் பயிற்சியாளராகப் பதவியேற்க ரூ.12 கோடிக்கும் அதிகமாக சம்பளம் கேட்டதாக ஒரு தகவல் வெளியாகி இருந்ததது. அதனால்தான் புதிய பயிற்சியாளரை நியமிப்பதில் காலதாமதம் ஆனதாக சொல்லப்படுகிறது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.
டாபிக்ஸ்