தமிழ் செய்திகள்  /  Cricket  /  Former Pakistan Captain Inzamam-ul-haq Birthday Today

HBD Inzamam-ul-Haq: 20 ஆயிரம் சர்வதேச ரன்கள் அடித்த ஒரே பாகிஸ்தான் பேட்ஸ்மேன்! மோசமான சாதனைக்கு சொந்தக்காரர்

Muthu Vinayagam Kosalairaman HT Tamil
Mar 03, 2024 06:45 AM IST

அதிரடியான பேட்ஸ்மேனாக மட்டுமில்லாமல் பாகிஸ்தான் அணியின் டாப் ரன் ஸ்கோரராகவும், சிறந்த கேப்டன்களில் ஒருவராகவும் திகழ்ந்து வருகிறார் இன்சாமம்-இல்-ஹக்

பாகிஸ்தான் முன்னாள் கேப்டன் இன்சமாம்-உல்-ஹக்
பாகிஸ்தான் முன்னாள் கேப்டன் இன்சமாம்-உல்-ஹக்

ட்ரெண்டிங் செய்திகள்

முதன் முதலில் ஒரு நாள் போட்டியில் அறிமுகமான இவர், தனது மிரட்டல் அடி பேட்டிங்கால் 1992 உலகக் கோப்பை தொடருக்கான பாகிஸ்தான் அணியில் தேர்வானார். அந்த தொடரிலும் தனது அதிரடியான பேட்டிங்கால் டேஞ்சர் பேட்ஸ்மேன் என பெயரெடுத்தார்.

பாகிஸ்தான் டெஸ்ட் கிரிக்கெட் அணியிலும் வாய்ப்பை பெற்ற இன்சமாம், அணியில் நிலையான இடத்தை பிடித்த பின்னர் தனது ஆட்டத்திறனை மாற்றினார். டிபென்ஸ், அதிரடி என கலந்துகட்டி விளையாடி கன்சிஸ்டன்ட் ஆட்டத்தை ஒவ்வொரு போட்டியிலும் வெளிப்படுத்தினர். அவ்வளவு சீக்கரம் பவுலர்களின் வலையில் சிக்காமல், அவர்களை நாக்கு தள்ள வைக்கும் பேட்ஸ்மேனாக உருமாறினார்.

ஒரு கட்டத்தில் இன்சமாம் விக்கெட்டை வீழ்த்துவது அவ்வளவு எளிதாக இல்லாத நிலையை உருவாக்கினார். இருந்த போதிலும், இவரது வீக்னஸாக விக்கெட்டுகளுக்கு இடையே ரன்கள் ஓடுவதில் தடுமாற்றம் அடைவது இருந்த நிலையில், வேடிக்கையான முறையில் பலதடவை ரன்அவுட்டாகியுள்ளார்.

பாகிஸ்தான் அணியின் ரன்மெஷினாக இருந்துள்ள இவர் பலபோட்டிகளில் ஒற்றை ஆளாக நிலைத்து நின்று பேட் செய்து அணியின் வெற்றி பாதைக்கு அல்லது வெற்றிக்கு அருகில் வரை அழைத்து சென்றுள்ளார்.

வேகப்பந்து வீச்சாளர்களை அசால்டாக எதிர்கொள்ளும் இவர் அவர்களுக்கு எதிராக ரன் வேட்டை மன்னனாக இருந்து வந்துள்ளார். டெஸ்ட், ஒரு நாள் என சேர்த்து 20 ஆயிரம் ரன்களுக்கு மேல் அடித்திருக்கும் ஒரே பாகிஸ்தான் பேட்ஸ்மேனாக உள்ளார்.

பாகிஸ்தான் அணி கேப்டனாக 2003 முதல் 2007 வரை செயல்பட்டார். 2007 உலகக் கோப்பை தொடரில் இவரது கேப்டன்சியில் பாகிஸ்தான் முதல் சுற்றிலேயே வெளியேறி ஏமாற்றம் அளித்தது. கிரிக்கெட்டிலிருந்து ஓய்வு பெற்ற பின்னர் பேட்டிங் பயிற்சியாளர், தலைமை பயிற்சியாளராக இருந்துள்ள இவர், பாகிஸ்தான் அணி தலைமை தேர்வுக்குழு தலைவராகவும் இருந்துள்ளார்.

அதிக முறை 90 ரன்களுக்கு மேல் அடித்தது, அதிக ஒரு நாள் போட்டி, டெஸ்ட், ஒரு நாள் சேர்த்து அதிக அரைசதங்கள், என பல சாதனைகளை புரிந்திருக்கும் இன்சமாம்-உல்-ஹக், வழக்கத்துக்கு மாறான முறையில் அதிக முறை அவுட்டானது (பீல்டிங் குறுக்கீடு), அதிக முறை ரன்அவுட்டானது என மோசமான சாதனைகளையும் புரிந்துள்ளது. தனது கேரியரில் 40 முறை ரன்அவுட்டாகியிருக்கும் இவர், அதிக முறை ரன்அவுட்டானதில் இரண்டாவது இடத்தில் உள்ளார்.

பார்ப்பதற்கு கொழு கொழு தோற்றத்தில் உருண்டையாக தோற்றத்தில் இருந்த Chubbyஆன வீரரான இன்சமாம்-இல்-ஹக்குக்கு இன்று பிறந்தநாள்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

 

IPL_Entry_Point