HBD Parthiv Patel: இந்திய கிரிக்கெட்டில் Proxy போல் செயல்பட்ட வீரர்! கைவிரல் இழந்தபோதிலும் தன்னம்பிக்கை இழக்காதவர்

2002 காலகட்டத்தில் விக்கெட் கீப்பர் பேட்ஸ்மேனாக இருந்து வந்த அஜய் ராத்ராவுக்கு மாற்று வீரராக அணியில் சேர்க்கப்பட்டார் பார்தீவ் பட்டேல். இங்கிலாந்துக்கு எதிராக டிரெண்ட் பிரிட்ஜில் நடைபெற்ற டெஸ்ட் போட்டியில் களமிறங்கிய இவர், முதல் போட்டியிலேயே தனது திறமையை பேட்டிங்கில் நிருபித்தார். கிட்டத்தட்ட ஒரு மணி கட்டை போட்டு இந்தியாவை தோல்வியிலிருந்து காப்பாற்றியதில் முக்கிய பங்கு வகித்தார்.

இதைத்தொடர்ந்து 2003 உலகக் கோப்பை தொடரில் விளையாடும் வாய்ப்பை பெற்று அணியில் இடம்பிடித்தபோதிலும், டிராவிட் விக்கெட் கீப்பிங் பணியை தொடர்ந்ததால் ஒரு போட்டி கூட விளையாட வாய்ப்பு கிடைக்காமல் போனது துர்தஷ்டவசமான சம்பவமாகவே அமைந்தது.

என்னதான் பேட்டிங்கில் சிறந்து விளங்கினாலும், பிரதான பணியான விக்கெட் கீப்பங்கில் இவரிடம் மிக பெரிய ஓட்டை இருந்தது. இதனால் சிறந்த விக்கெட் கீப்பர் பேட்ஸ்மேனை தேடும் பணியை தொடர்ந்த கங்குலிக்கு கிடைத்தவர் தான் எம்எஸ் தோனி.

தோனியின் வருகை பார்தீவ் பட்டேலுக்கான வாய்ப்பை பறித்தது. அத்துடன் தினேஷ் கார்த்திக்கும் அப்போது ஜொலிக்க இவருக்கான வாய்ப்பானது மங்கியது. இதன்பின்னர் அணிக்கு அவ்வப்போது வருவதும் போவதுமாகவே பார்தீவ் பட்டேல் கிரிக்கெட் வாழ்க்கை அமைந்தது.

தோனி, தினேஷ் கார்த்திக் போன்றோருக்கு காயம் ஏற்பட்டால் அடுத்த சாய்சாக இருப்பவராக பட்டேலாக இருந்தார். அவர்கள் காயத்திலிருந்து மீண்ட பிறகு பட்டேல் கழட்டிவிடுப்படுவார்.

தோனியின் வருகைக்கு பிறகு அவர் இல்லாத போட்டிகளில் பிராக்சி போல் அணியில் இடம்பிடித்து வந்த பார்தீவ் பட்டேல் தனக்கு கிடைத்த வாய்ப்பை ஒரு போதும் வீணடிக்காமல் தன்னால் இயன்ற பங்களிப்பை வெளிப்படுத்தி வந்துள்ளார்.

இந்திய அணியில் இடம் கிடைக்காத போதிலும் கிரிக்கெட் விளையாடுவதை தொடர்ந்து நிறுத்தாமல் தொடர்ந்து வந்துள்ளார் பார்தீவ் பட்டேல். இதன் விளைவாக டி20 என்ற புதிய வடிவிலான கிரிக்கெட் பிரபலமானது, அதாவது டி20 கிரிக்கெட்டின் ஆரம்ப காலத்தில் அந்த போட்டிகளை விளையாடிய இந்திய வீரர்களில் ஒருவராக பட்டேல் உள்ளார்.

ஐபிஎல் நாயகன்

ஐபிஎல் கிரிக்கெட்டை பொறுத்தவரை சென்னை சூப்பர் கிங்ஸ் அணியில் முதன்முதலாக ஏலத்தில் எடுக்கப்பட்டு மூன்று சீசன்கள் விளையாடிய இவர், பின்னர் கொச்சி டஸ்கர்ஸ் கேரளா, டெக்கான் சார்ஜர்ஸ், சன் ரைசர்ஸ், ராயல் சேலஞ்சர்ஸ் பெங்களுரு, மும்பை இந்தியன்ஸ் ஆகிய அணிகளில் விளையாடியுள்ளார். ஐபிஎல் போட்டிகளில் தனது அதிரடி ஆட்டத்தால் தான் விளையாடிய அணிகளுக்கு சிறப்பான பங்களிப்பை அளித்த இவர் ஐபிஎல் நாயகன் என்றே அழைக்கப்பட்டார்.

ஐபிஎல் போட்டிகளில் அதிக அணிகளுக்காக விளையாடிய வீரர்களில் ஒருவர் என்ற பெருமை பெற்றிருக்கும் பார்தீவ் பட்டேல், கடைசியாக 2016இல் இந்திய அணிக்கு இவர் கம்பேக் கொடுப்பதார். இங்கிலாந்துக்கு எதிரான டெஸ்ட் போட்டியில் களமிறங்கி அணியின் வெற்றிக்கு உறுதுணையாக திகழ்ந்தார்.

2020இல் அனைத்து வகை கிரிக்கெட்டில் இருந்தும் ஓய்வை பெற்ற பார்தீவ் பட்டேல் பெரிய சாதனைகள் படைக்காவிட்டாலும் தன் பெயர் சொல்லும் அளவில் இந்திய அணி சிறப்பான பங்களிப்பை தந்துள்ளார். சர்ப்ரைசாக இவரது அறிமுக போட்டியும், கடைசி போட்டியும் அந்நிய மண்ணிலேயே நிகழ்ந்துள்ளது. அந்த வகையில் இவர் இந்திய கிரிக்கெட் அணி அந்நிய மண்ணில் விளையாடும்போதெல்லாம் அணியில் இடம்பிடித்த அந்நிய மண் நாயகனாகவே ஜொலித்த பார்தீவ் பட்டேலுக்கு இன்று பிறந்தநாள்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews  

https://www.facebook.com/HTTamilNews 

https://www.youtube.com/@httamil  

Google News: https://bit.ly/3onGqm9