World Cup 2023: கூடுதல் ஸ்பின்னர் - நெதர்லாந்து பேட்டிங்! வங்கதேசம் அணியில் இரண்டு மாற்றங்கள்
கொல்கத்தாவில் நடைபெறும் உலகக் கோப்பை 2023 தொடரின் முதல் போட்டியில் டாஸ் வென்ற நெதர்லாந்து பேட்டிங்கை தேர்வு செய்துள்ளது. வங்கதேசம், நெதர்லாந்து என இரு அணிகளிலும் தலா இரண்டு மாற்றங்கள் செய்யப்பட்டுள்ளன.
உலகக் கோப்பை 2023 தொடரின் 28வது போட்டி வங்கதேசம் - நெதர்லாந்து அணிகளுக்கு இடையே கொல்கத்தாவில் இன்று நடைபெறுகிறது. உலகக் கோப்பை 2023 தொடரில் ஈடன் கார்டன் மைதானத்தில் நடைபெறும் முதல் போட்டியாக இது அமைந்துள்ளது.
இதில் டாஸ் வென்ற நெதர்லாந்து கேப்டன் ஸ்காட் எட்வர்ட்ஸ் பேட்டிங்கை தேர்வு செய்துள்ளார். நெதர்லாந்து அணியில் தேஜா நிடமானுரு, ரோலோஃப் வான் டெர் மெர்வே ஆகியோருக்கு பதிலாக பேட்டிங்கை வலுப்படுத்தும் விதமாக வெஸ்லி பரேசி, கூடுதல் ஸ்பின் பவுலரான ஷரிஸ் அஹ்மத் ஆகியோர் சேர்க்கப்பட்டுள்ளனர்.
வங்கதேச அணியிலும் இரு மாற்றங்கள் செய்யப்பட்டுள்ளன. நாசூம் அஹமது, ஹசான் மஹ்முத் ஆகியோருக்கு பதிலாக மகேதி ஹசன், தஸ்கின் அகமது ஆகியோர் அணியில் சேர்க்கப்பட்டுள்ளனர்.
கொல்கத்தாவில் நடைபெறும் முதல் போட்டியான இங்கு ஆடுகளம் பேட்ஸ்மேன்களுக்கு சாதகமாக இருக்கும் என கணிக்கப்பட்டுள்ளது. இரண்டு சைடு பவுண்டரிகளும் முறையே 61, 67 மீட்டர்களே உள்ளதோல் பெரிய ஸ்கோர் போட்டியாக இருக்கும் என எதிர்பார்க்கலாம்.
உலகக் கோப்பை போட்டிகளில் கடைசியாக வங்கதேசம் - நெதர்லாந்து அணிகள் 2011இல் மோதியுள்ளன. இதில் வங்கதேசம் வெற்றி பெற்றது. 12 ஆண்டுகளுக்கு பிறகு உலகக் கோப்பை தொடரில் மீண்டும் பலப்பரிட்சை செய்யும் செய்ய இருக்கும் நிலையில் நெதர்லாந்து பழி தீர்க்க முயற்சிக்கும் என எதிர்பார்க்கலாம்.
இன்றைய போட்டியில் களமிறங்கும் இரு அணிகளின் விவரம்
நெதர்லாந்து: மேக்ஸ் ஓ டவுட், விக்ரம்ஜித் சிங், வெஸ்லி பாரேசி, கொலின் அக்கர்மேன், ஸ்காட் எட்வர்ட்ஸ் (விக்கெட் கீப்பர் மற்றும் கேப்டன்), பாஸ் டி லீட், சைப்ரண்ட் ஏங்கல்பிரெக்ட், லோகன் வான் பீக், ஷாரிஸ் அகமது, ஆர்யன் தத், பால் வான் மீகெரென்
வங்கதேசம்: லிட்டன் தாஸ், தன்சித் ஹசன், நஜ்முல் ஹொசைன் சாண்டோ, ஷாகிப் அல் ஹசன் (கேப்டன்), முஷ்பிகுர் ரஹீம் (விக்கெட் கீப்பர்), மஹ்மதுல்லா, மெஹிதி ஹசன் மிராஸ், மகேதி ஹசன், தஸ்கின் அகமது, முஸ்தாபிசுர் ரஹ்மான், ஷோரிபுல் இஸ்லாம்
டாபிக்ஸ்