England Cricket: உலகக் கோப்பை முடிந்த பிறகு சர்வதேச கிரிக்கெட்டில் இருந்து ஓய்வு-பிரபல இங்கி., வீரர் அறிவிப்பு
‘இந்த நாள் வருவதை நான் ஒருபோதும் விரும்பவில்லை. சிறுவயதில் இருந்தே நான் இங்கிலாந்துக்காக கிரிக்கெட் விளையாட வேண்டும் என்று மட்டுமே கனவு கண்டேன்.’
ஒருநாள் உலகக் கோப்பையின் முடிவில் சர்வதேச கிரிக்கெட்டில் இருந்து ஓய்வு பெறுவதாக இங்கிலாந்து ஆல்ரவுண்டர் டேவிட் வில்லி புதன்கிழமை அறிவித்தார்.
33 வயதான அவர் 2015 இல் இங்கிலாந்துக்காக அறிமுகமானார், அதன் பின்னர் அவர் 70 ODI ஆட்டங்களையும், T20I களில் 43 ஆட்டங்களிலும் விளையாடியுள்ளார்.
அவர் 50 ஓவர் வடிவத்தில் 627 ரன்கள் குவித்தார் மற்றும் 30.3 சராசரி மற்றும் 5.57 என்ற எக்கானமியில் 94 விக்கெட்டுகளை வீழ்த்தினார். T20I இல் அவர் 226 ரன்கள் எடுத்தார் மற்றும் 23.1 சராசரி மற்றும் 8.18 எக்கானமியில் 51 விக்கெட்டுகளை எடுத்தார்.
"இந்த நாள் வருவதை நான் ஒருபோதும் விரும்பவில்லை. சிறுவயதில் இருந்தே நான் இங்கிலாந்துக்காக கிரிக்கெட் விளையாட வேண்டும் என்று மட்டுமே கனவு கண்டேன். கவனமாகக் கருத்தில் கொண்டு இந்த முடிவை எடுத்துள்ளேன், அனைத்து வடிவங்களிலிருந்தும் நான் ஓய்வுபெறும் நேரம் வந்துவிட்டது என்பதை மிகவும் வருத்தத்துடன் உணர்கிறேன். உலகக் கோப்பையின் முடிவில் சர்வதேச கிரிக்கெட்டில் இருந்து ஓய்வு பெறுகிறேன்" என்று வில்லி ஒரு அறிக்கையில் தெரிவித்துள்ளார்.
"நான் மிகுந்த பெருமையுடன் எனது அணியின் ஜெர்ஸியை அணிந்திருக்கிறேன், என் மார்பில் உள்ள பேட்ஜில் எனது முழுமையான அனைத்தையும் கொடுத்துள்ளேன். என்னை அறிந்த அனைவருக்கும் இந்த உலகக் கோப்பை தொடரில் எஞ்சியவற்றில் எனது ஈடுபாடு எதுவாக இருந்தாலும், எனது முழு ஒத்துழைப்பை தருவேன் என்பதில் சந்தேகம் இல்லை என்று நான் நம்புகிறேன். நான் என்றென்றும் நன்றியுள்ளவனாக இருக்கிறேன்" என்று அந்த அறிக்கையில் மேலும் தெரிவிக்கப்பட்டுள்ளது.
உலகக் கோப்பையில் இங்கிலாந்தின் செயல்பாட்டிற்கும் தனது முடிவுக்கும் எந்த தொடர்பும் இல்லை என்று வில்லி கூறினார்.
"நான் எனது சிறந்த கிரிக்கெட்டை விளையாடிக்கொண்டிருக்கும்போது, களத்திற்கு வெளியேயும், இன்னும் நிறைய கொடுக்க வேண்டியிருப்பதாக நான் உணர்கிறேன், உலகக் கோப்பையின் போது எங்களின் செயல்பாட்டிற்கும் எனது முடிவுக்கும் எந்த சம்பந்தமும் இல்லை. என்னை அறிந்த அனைவருக்கும் அப்படி தோன்றி இருக்காது என்று நான் நம்புகிறேன். எஞ்சியிருக்கும் இந்த தொடரில் என்னுடைய ஈடுபாடு எதுவாக இருந்தாலும், நான் என்னுடைய முழுமையான உழைப்பை கொடுப்பேன் என்று உறுதியளிக்கிறேன்! அதுதான் எனக்குத் தெரியும்" என்று வில்லி கூறினார்.
2023 சீசனுக்கு முன்னதாக, 33 வயதான ஆல்-ரவுண்டர் நான்கு வருட ஒப்பந்தத்தில் யார்க்ஷயரில் இருந்து நார்தாம்ப்டன்ஷையருக்குத் திரும்பினார், மேலும் உள்நாட்டு கிரிக்கெட்டில் தொடர்ந்து இடம்பெறுவார்.
டாபிக்ஸ்