HBD David Warner: ஆல்-டைம் பெஸ்ட் ஓபனிங் பேட்ஸ்மேன் வார்னர் பிறந்த நாள் இன்று

இடது கை தொடக்க பேட்ஸ்மேனான, வார்னர் 132 ஆண்டுகளில் முதல் தர கிரிக்கெட்டில் அனுபவம் இல்லாமல் தேசிய அணிக்கு தேர்ந்தெடுக்கப்பட்ட முதல் ஆஸ்திரேலிய கிரிக்கெட் வீரர் ஆவார்.

ஆஸி., அணியின் கேப்டனாகவும் செயல்பட்டவர். இந்த தலைமுறையில் சிறந்த கிரிக்கெட் வீரராக அறியப்படுபவர் வார்னர்.

அதேபோன்று சிறந்த ஓபனிங் பேட்ஸ்மேன்களில் ஒருவர்.

நியூ சவுத் வேல்ஸ், டெல்லி கேப்பிடல்ஸ் மற்றும் சிட்னி தண்டர் அணிகளுக்காக விளையாடுகிறார். 2015 கிரிக்கெட் உலகக் கோப்பை, 2021 டி20 உலகக் கோப்பை வெற்றிபெற்ற ஆஸ்திரேலிய அணியில் வார்னர் ஒரு முக்கிய வீரராக இருந்தார். 2023 ஐசிசி உலக டெஸ்ட் சாம்பியன்ஷிப் இறுதிப் போட்டியிலும் இருந்தார்.

ஜனவரி 2017 இல், ஆலன் பார்டர் பதக்கத்தை ஒன்றுக்கு மேற்பட்ட முறை வென்ற நான்காவது வீரர் ஆனார்.

அவர் தனது 100வது ஒருநாள் போட்டியில் விளையாடியதன் மூலம், ஆஸ்திரேலியாவுக்காக இத்தனை ஒரு நாள் கிரிக்கெட்டில் விளையாடிய முதல் பேட்ஸ்மேன் மற்றும் 100வது ஒருநாள் போட்டியில் சதம் அடித்த ஒட்டுமொத்த 8வது பேட்ஸ்மேன் ஆனார்.

மார்ச் 2018 இல், தென்னாப்பிரிக்காவுக்கு எதிரான டெஸ்ட் தொடரின் மூன்றாவது போட்டியில் ஆஸ்திரேலிய அணி பந்தை சேதப்படுத்தியதற்கான முதற்கட்ட விசாரணையைத் தொடர்ந்து, வார்னர் இடைநீக்கம் செய்யப்பட்டு ஆட்டத்திற்கு அவப்பெயரை ஏற்படுத்தியதாக குற்றம் சாட்டப்பட்டார்.

மார்ச் 28, 2018 அன்று நடந்த வாரியக் கூட்டத்தைத் தொடர்ந்து, கிரிக்கெட் ஆஸ்திரேலியா நிர்வாகம், வார்னருக்கு ஆஸ்திரேலியாவில் உள்ள அனைத்து சர்வதேச மற்றும் உள்நாட்டு கிரிக்கெட்டிலும் விளையாட ஓர் ஆண்டு தடை விதித்தது.

தடை முடிவடைந்ததத் தொடர்ந்து மீண்டும் அணிக்காக விளையாடி வருகிறார் வார்னர்.

நவம்பர் 2019 இல், வார்னர் பாகிஸ்தானுக்கு எதிராக 335 ரன்களுடன் ஆஸ்திரேலிய டெஸ்ட் பேட்ஸ்மேனின் இரண்டாவது அதிகபட்ச ஸ்கோரைப் பெற்றார். கார்பீல்ட் சோபர்ஸ், மார்க் டெய்லர் மற்றும் வீரேந்திர சேவாக் ஆகியோருக்குப் பிறகு பாகிஸ்தானுக்கு எதிராக டெஸ்ட் போட்டியில் டிரிபிள் சதம் அடித்த நான்காவது வீரர் ஆனார் வார்னர்.