Chennai Super Kings: இன்னும் 20 நாள் தான் பாக்கி! விசில் சத்தம் பறக்குதா? பயிற்சியில் களமிறங்கிய சிஎஸ்கே வீரர்கள்
Published Mar 02, 2024 05:48 PM IST
CSK training camp ahead of IPL 2024 gets underwayஐபிஎல் 2024 தொடர் தொடங்குவதற்கு இன்னும் 20 நாள்கள் மட்டுமே இருக்கும் நிலையில் சிஎஸ்கே அணி தனது பயிற்சியை தொடங்கியுள்ளது.
பயிற்சியை தொடங்கிய சிஎஸ்கே அணியினர்
சென்னை சூப்பர் கிங்ஸ் அணியின் ப்ரீ சீசன் பயிற்சி கேமப் வேகப்பந்து வீச்சாளர் தீபக் சஹார் முன்நிலையில் தொடங்கியுள்ளது.
முதல் பேட்ச் உள்ளூர் வீரர்கள் ஏற்கனவே வந்துவிட்ட நிலையில், வரும் நாள்களில் மீதமுள்ள வீரர்கள் பயிற்சி கேம்பில் இணையவுள்ளார்கள். தற்போது சிம்ரஜித் சிங், ராஜ்வர்தன் ஹங்கர்கேகர், முகேஷ் செளத்ரி, பிரசாந்தி சோலங்கி, அஜய் மண்டல், தீபக் சஹார் ஆகியோர் சிஎஸ்கே அணியில் தற்போது இணைந்துள்ளனர்.
இதில் தீபக சஹார் கடந்த ஆண்டு டிசம்பரில் இருந்து எந்த வகையான கிரிக்கெட்டும் விளையாடவில்லை. ஆஸ்திரேலியாவுக்கு எதிரான டி20 தொடரின் அணியில் இடம்பிடித்திருந்த போதிலும் தந்தைக்கு உடல் நலம் சரியில்லாத காரணத்தால் தொடரிலிருந்து பாதியிலேயே வெளியேறினார். இதைத்தொடர்ந்து தென் ஆப்பரிக்காவுக்கு எதிராக நடைபெற்ற தொடரில் அவர் அணியில் இடம்பெறவில்லை.