HT Cricket Special: Sledging மன்னன்..! உலகக் கோப்பை போட்டிகளில் அதிக விக்கெட்டுகளை வீழ்த்திய மெக்ராத் பிறந்தநாள்
ஹாட்ரிக் உலகக் கோப்பை கோப்பை வென்ற வீரராக இருந்து வரும் கிளென் மெக்ராத், உலகின் டாப் பேட்ஸ்மேன்களின் தூக்கத்தை கெடுத்த பவுலராக வலம் வந்துள்ளார்.
ஆஸ்திரேலியா கிரிக்கெட் உலகில் சிறந்த பவுலர் என்ற பெயரெடுத்தவர் கிளென் மெக்ராத். 1993 முதல் 2007 வரை 14 ஆண்டுகள் ஆஸ்திரேலியா டெஸ்ட் மற்றும் வெள்ளை பந்து கிரிக்கெட்டில் எதிரணி பேட்ஸ்மேன்களின் தூக்கத்தை கெடுத்த பவுலராக இருந்தார்.
வேகப்பந்து வீச்சாளராக இருந்தாலும் அதிகபட்சம் 130 முதல் 135 கிமீ வேகம் மட்டுமே பந்து வீசக்கூடிய பவுலராக இருந்து வந்த மெக்ராத்தின் பலமே பந்து ஸ்விங் செய்வதும், சரியான லென்த் மற்றும் லைனில் பந்து வீசி பேட்ஸ்மேன்களை திணறடிப்பதும் தான். இதன் காரணமாகவே நிலையான ஆட்டத்தை வெளிப்படுத்தும் பவுலராக இருந்ததோடு, சிக்கனமான பந்து வீச்சாளராகவும் இருந்துள்ளார். 6.6 அடி என்கிற இவரது உயரம் துல்லியமான பந்தை சீம் செய்வதிலும், எக்ஸ்ட்ரா பவுன்ஸ் வீசுவதற்கும் ஏதுவாக பிளஸ் பாயிண்டாக இருந்தது.
1999 உலகக் கோப்பை தொடர் வென்றபோது தொடங்கிய ஆஸ்திரேலியா அணியின் ஆதிக்கம், 2003, 2007 என தொடர்ந்து ஹாட்ரிக் உலகக் கோப்பையை கைபற்றியது. இந்த மூன்று கோப்பைகளையும் ஆஸ்திரேலியா வெல்வதற்கு முக்கிய காரணமாக இருந்த பவுலராக மெக்ராத் உள்ளார்.